Amorratzen nago, ezin dudalako joan. NDB edo dantzan.com: aurreikusi duzue bideoan grabatzea, eta gero sarean argitaratzea?

Nabarmentzekoa iruditu zitzaidan Kezkaren emanaldia, ezpata dantza oinarri hartuta, dantza-eskolako adin talde guztiekin. Figura ezberdinak, trebezia maila ezberdinei egokitutakoak, talde bakoitzak bereak, baina ondo bateratuta, eta erritmo onean. Sorkuntza aldetik ere aberatsa, anitza. Emaitza, bateratzailea... baina batez ere ikusgarria, polita. Beharbada motibagarria ere bai adin talde ezberdinentzat (hori irakasleek esan beharko dute). Animatzen zaituztet 'sorkuntza' honi probetxua atera eta gehiagotan eskaintzen. Zorionak!!

Eskerrik asko, Oier, bertan izateagatik, gure ahotsa izateagatik, eta berri emateagatik.

Bai, batek ez daki zenbaterino merezi duen erakundeen plan estrategiko handinahi hauetan denbora / indar gehiegi galtzerik... Hain gaituzte ohituta ezer gutxirako balio izatera...

Baina inoiz ez dakigu, eta azkenean egon egon behar da. Bada ezpada, interesgarria da jakinean egotea, gertutik jarraitzea, eta parte hartzea; senti dezatela hor gaudela, eta entzun gaitzatela. Eta ez horregatik bakarrik; korrespondentziagatik ere bai. Erakundeek euren funtzionamendu estiloa dute (gure gustukoago edo gutxiago). Beraingandik zerbait nahi dugunean, nahi izaten dugu gu kontuan hartzea, gu entzutea, eta inplikatzea. Horren ordainetako bat izan beharko du, beraiek gugandik zerbait nahi dutenean, parte hartzea eskatzen dutenean, erantzutea.

Beraz, planari iruzkinak / ekarpenak egitea... nik esango nuke baietz, positiboa dela egitea, parte hartzea. Eta hori norbaitek egin behar du. Eta egitekotan, nork hobe zuek baino?

Lana da, baina sektorearen mesedetan hartu beharreko lana (nire ustez).

Eskerrik asko berriz.

Han izango naiz. Jon-en hitzaldi dantzatuan ere izan nintzen, Dantzan Ikasi ekimenean antolatutakoa. Lan interesgarria, txukuna, eta polita iruditu zitzaidan. Zorionak, eta eskerrik asko zuen lana ezagutzera emateagatik.

Baietz adin bateko haurren gustukoa izan dantza eskoletan. Ariketa bezala, zergatik ez? (jolasa + erritmoa + 'urratsen' lanketa)

Dirutan jarrita, zenbat balio du dantzan.com-ek eskaintzen diguna? Ze ordain mereziko luke?

Hilean euro bat? (gutxieneko kuota = 12 euro / urte)
Hilean lau euro? (kuota arrunta = 50 euro / urte)
Hilean 8,33 euro? (100 euroko kuota)
...

Horrenbesteraino bai, ezta? Seguru asko gehiago ere bai. Balio handia, preziorik ez.

Galdera egokiagoa, akaso: Ze galera izango litzateke dantzan.com galtzea?

Zuk baloratu... eta jokatu.

Nik ere babestuko dut dantzan.com. Ea bada, guztion artean bizirik mantentzea lortzen dugun!!

Zorionak!!
Oso gai interesgarria, eta proposamena ere interesgarria, 'kritikoa', ausarta, zentzuzkoa. Ondo bideratuta, nire iritziz. Bi diskurtsoak ezagutzeko aukera izan dut, eta gomendagarriak iruditzen zaizkit. Niretzat behitzat oso argigarriak izan dira, eta erabilgarriak.

Ni ere dantzan.com bizi naiz. Eguneroko erreferentzia, informazio iturria eta bitartekaria da niretzat. Asko zor diot.

Dantzan bizi - Bizi dantzan.com!!

Ze ona! Pozten naiz! Entzuteko irrikan. Durangoko azokan eskuratuko al dut...

Egia da mundu osoko dantzak aurki daitezkeela jaialdiotan. Guretzat exotikoak diren Afrika, Polinesia, edo Indiako Bollywood tankerako dantzen tailerrek, adibidez, parte hartze itzela izan ohi dute. Baina Europa osoko dantza herrikoiak izan ohi dira nagusi: bikote dantza tradizionalak, eta dantza sozialak deritzonak (nahi duten guztiek taldean parte hartzeko moduko dantzak).