Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Oier Araolaza

Orain arteko ekarpenak

Jauzien eta mutil-dantzen eguna

2002/01/14

Dantza-jauzi eta Mutil-dantzak Euskal Dantza Nazional bihurtu nahi ditu Bizkai Folklor Elkarteak ekimen honen bidez. Aipatzekoa da, Migel Angel Sagasetaren Luzaideko dantzak liburuaren berragitalpen zuzendua eta osatua egingo dela eta hau albiste oso pozgarria da, liburu hori Luzaideko dantzetarako dagoen erreferentzia bikainena izateaz gain, aspaldian agortua baitago. Hona ekimen zabal honetaz Bizkai Folklor elkarteak prestatzen diharduena:

Gehiago irakurri

Bilbon Dantzan

2002/01/14

Bizkai Folklor Elkartearen Euskal erromeria, ohiko dantzarako gunea hilaren lehen larunbatetan izango da Bilboko Arenalean edo Areatzan.

Gehiago irakurri

Bizkai Folklor Elkartearen webgunea

2002/01/14

Gehienek ezagutuko duzue Sabin Egiguren-ek zuzentzen duen Bizkai Folklor Elkartea. Urtero zenbait ikastaro interesgarri antolatzen ditu Bilbon, eta jakina da 70eko hamarkadatik euskal folklorea ikertu eta zinean (super 8) lehenik eta bideoz gero grabatzen egiten diharduen lan izugarria.

Gehiago irakurri

Dantza lehiaketa antolatu du EDBk

2002/01/08

Euskal dantza berpizteko asmoz dantza sorkuntza sustatuko duen lehiaketa jarri du martxan Iparraldeko Euskal Dantzarien Biltzarrak.

Gehiago irakurri

Bi maskarada aurten Zuberoan

2001/12/28

Aurten bi Maskarada ibilko dira herriz herri Zuberoan: Eskiula eta Gamere-Zihiga. Urtarrilaren 13an, bakoitzak bere herrian egingo du lehen agerraldia.

Gehiago irakurri 4

Kondharian Eibarren

2001/11/28

Juan Antonio Urbeltz-ek sortutako "Kondharian" ikuskizuna Eibarko Astelehena pilotalekuan aurkeztuko da datorren abenduaren 15ean,gaueko 22.30etan. Dantza tradizionaletik abiatuta dantza, ipuinak, mitoak, musika eta argi eta jantziteria berezia biltzen dira Kondharian-en.

Gehiago irakurri

Damian Muñoz Bilbo eta Donostian

2001/11/21

Damian Muñoz-ek "Las mentiras del entusiasmo" lana erakutsiko du datozen egunotan Bilbon eta Donostian.

Gehiago irakurri

Dantza Euskal Ikasketen XV. Biltzarrean

2001/11/20

Eusko Ikaskuntzak antolatu duen "Euskal Ikasketen XV. Biltzarra"ren 4. sailean Literatura eta antzez arteak zertan diren aztertuko da. Azaroaren 28an Literatura eta Musika aztertuko dira, 29an Dantza, Antzerkia eta Bertsolaritza, eta 30ean Zinea. Beraz, dantzari dagokiona, 29ko egitaraua bildu dugu hemen:

Gehiago irakurri

Folklorea Euskal Ikasketen XV. Biltzarrean

2001/11/20

Eusko Ikaskuntzak "Euskal Ikasketen XV. Biltzarra" antolatu du Donostian, azaroaren 28, 29 eta 30erako, eta jorratuko diren gaien artean dantzari lotutakoak ere daude.

Gehiago irakurri

Irungo aurresku txapelketa

2001/11/08

Kemen Dantza Taldeak, Irungo Udalaren laguntzaz, Irungo hamaikagarren Gipuzkoar erako Aurresku Txapelketa antolatu du.

Gehiago irakurri 1

Orain arteko erantzunak

Oier Araolaza on Usurbilgo ordenantzak (1888)

2025/10/13

Mila esker ekarpen eder honengatik, Ekaitz.

Usurbilko ordenantza horien berri Imanoltxuren bidez, gazterik hil zen gure lagun eibartarraren bidez izan genuen. 2001ean argitaratu zuen Imanol Trebiñok "Administrazio zibileko testu historikoak" izeneko lana eta handik ekarri genuen Dantzan-era 2015ean Usurbilko ordenantzen aipamena: https://dantzan.eus/kidea/kuarrenta/imanoltxun-liburukuak

Usurbilko ordenantza horiek dituzten hainbat pasarte interesgarritan begirada berriz ezartzera bultzatu nauzu eta bere garaian ikusi ez nituen txinpartak ikusi ditut zuri esker. Adibidez, konturatu gabe nintzen zintzarrotsei eskaintzen dien arretaz, 32. artikuloko "zinzaralderik" forma hori ez nuelako identifikatu, ziur aski.

28. ataleko soinu-jotzaileei bertso-jarrietan debekatzen zitzaizkien gaiek ―"iltzalleen kondairak", "urkamendikoak" eta "gizon ta emakume arteko bear ez bezelako adiskidetasunaren gainean ipiñitako"― zintzarrotsen hotsa ekarri didate baita ere.

Mozorroen inguruko 17. artikuluak ere badu heltzeko moduko hari-muturrik. Batetik polita da zomorro darabilela ikustea, gaur egun baitirudi mozorro nagusitu dela inauterietarako eta zomorro ostera intsektuak izendatzeko. Eta bestalde, "eleiz-jantzirik" baliatzeko debekua ere azpimarratzekoa iruditzen zait, horrela koko-janzteko ohituraren berri ematen baitu debekuaren bidez.

Oier Araolaza on Gaur ez noa udalekuetara dantza egin behar dugu eta

2025/09/05

Bikain adierazi duzu panorama Amaiur. Artikulu bikaina agerian jartzen duena "Mutilazioa" deitzen dugun fenomenoa: nola erauzten dituzten mutilek gorputzetik dantza eta maskulinate toxikoarekin bateragarri jotzen ez diren ezaugarriak, berezko ditugun adierazpideak gorputzetik "mutilatuz" eta horrela beren identitatea "mutilduz".

Oier Araolaza on Folklorearen infantilizazioaren ajeak agerian... hamaikagarrenez...

2025/05/19

Beste hainbat gaitan bezala, kontraesanak eta inkoherentziak azaleratzen dizkigu gai honek. Umeekin goizegi hastea eta gehiegizko protagonismoa ematea kaltegarriak gertatzen dira, baina egungo gizarte honetan euskal dantzaren "kultura", erritmoak, formak, gorpuzkerak ez badituzte dantza talde eta eskolen bidez jasotzen, asko iristen dira helduarora horiekin batere zipriztindu gabe eta heldutan zenbaitek aurrerabide handia egin arren, umetan batere aritu gabeko gehienek zailtasun handiak izaten dituzte guztiz arrotza zaien erritmo eta formetan trebatzeko.

Euskal dantza gorputz hizkuntza bezala aldarrikatzen dugunez, berbazko hizkuntzen adibidea ere erabiliko dugu hemen. Euskara umetatik jasotzen dutenek askoz errazago bihurtzen dute bere komunikazio hizkuntza (eskolatik bakarrik jasotzen duten askok horrelakorik lortzen ez badute ere, baina beste hainbatek bai) heldutan hasten direnek baino (heldutan hasitako hiztun trebeak badira ere, bide malkartsuagoa da gehienentzat).

Goiz hasteak ez du esan-nahi protagonismoa osoki haiengan uztea, noski. Helduak izan behar dira eredu umeentzat eta asmatu behar dugu helduei begiratzeko irrika bizirik mantentzen eta beraien txanda iritsiko dela ikustarazten. Batez ere gurasoei! ;-)

Oier Araolaza on Dantza utzi du lagunek burla egiten diotelako

2024/07/19

Mutilak dantzatik nola aldentzen diren salatuz idatzitakoak oihartzuna izan du sarean.
https://x.com/dantzan/status/1813495392236916852
Gaiarekin sentsibilitatea dutenek hartu dute interesez nagusiki; beste askok uste dute dantzarekin interesik ez dutenez gaia ez dagokiela. Auziak dituen ertzetako batzuk:
- Mutilek dantzaren esparrua beretzat ere hartzen ez duten bitartean parekidetasunik ez da izango.
- Emakumeak kirolera bultzatzeko asmo onek kontrako ondorioak dituzte: gutxitasun sentipena indartu eta trebe diren jarduerak (dantza, adib.) baliorik gabekoak direla barneratuz.
- Gezurra da mutilei ez zaiela gustatzen dantza. Dantza gizaki guztiei gustatzen zaie. Lotsak aldentzen ditu dantzatik, nesken kontua delakoan, dantza egitea lotsagarria dela ikasten dutenean. Dantza-trebetasunak garatzeari uzten diotenez, trebetasun faltaren lotsa gehitzen zaio.
- Dantza hezkuntzan ez egoteak bi ondorio larri ditu: ez du dantzan alfabetatze unibertsala bermatzen eta dantza (beste gorputz hezkuntzen kontrara) ez dela ez beharrezkoa ez garrantzitsua pentsarazten du.

Oier Araolaza on Dantza utzi du lagunek burla egiten diotelako

2024/07/19

Eskerrik asko erantzunengatik.

Halaxe da Patxi, aspalditik datorren kontua da, Ibon Arrizabalagaren lana ere ezagutzen dugu eta asko ikasten dugu hortik, eta oraingo hau guzti horren berrespena baino ez da, eskilaretan behera jaisten jarraitzen dugula eta oraingoz ez dugula sumatzen nola geratu, ez abiadura gutxitu ere. Eskileratan gora hastea ezta planteatu ere...

Bai Alex, itsasoaren bi aldeetan antzera gabiltza kontu honekin ere eta elkarrekin eta elkarrengandik ikasiz aritu beharko gara, ezinbestean. Besarkada!

Oier Araolaza on Feminismoaren diskurtsoa, futbola eta euskal kultura

2024/03/05

Halaxe da, bai, Xabier. Askatasuna ulertzeko modu neoliberalaren tranpa da. Zer gustatu behar zaigun erabakita dago eta nork bere gustuko jarduerak hautatzen dituela sinestea ilusokeria galanta da. Hegoaldean futbolarekin txoratuta dauden 10etik 9 rugbiarekin maiteminduta leudeke 100-150 km ipar-ekialderago jaioz gero.

Euskararekin egiten duzun analogia guztiz balekoa da. Euskaraz aritzea gaur egun ez da bere kasa gertatzen, jarrera aktiboa eta irmoa eskatzen du. Euria, haizea eta eguzkia, denak erdaraz dabiltza. Pentsatzea libreki hautatzen dela zein hizkuntzatan gabiltzan samurrago, gozoago, gustorago, askeago... libertatea kontzeptuaren manipulazio tranpatia da.

Gaur eta hemen euskal dantza gustatzea ez-ohikoa da emakumeentzat eta ia-ezinezkoa gizonezkoentzat. Futbola eta euskal dantzaren artean askatasunez hautatzen dugula pentsatzea, egunotan euriteek hazita dakarten errekan behera ala gora gusturago nola igeri egin libreki eta inpartzialki erabaki dezakegula pentsatzea modukoa da.

Oier Araolaza on Sabin Bikandi: "Gizakiak berezkoa du dantza egitea, baina gure gizartean zikiratu egin dugu erantzun hori"

2023/10/24

Ana Urkizaren artikulua: https://www.noticiasdenavarra.com/[…]/azken-eskualduna-7417389.html

Gai horren inguruan Aritz Ibañez-ek egindako ekarpena, "Euskararen zinta-dantza: euskal dantza, euskara eta komunitatea txirikordatuz": https://dantzan.eus/kidea/aritz/euskararen-zinta-dantza

Lan horren inguruko Aritzen aurkezpena bideoan: https://dantzan.eus/bideoak/euskararen-zinta-dantza

Oier Araolaza on Sabin Bikandi: "Gizakiak berezkoa du dantza egitea, baina gure gizartean zikiratu egin dugu erantzun hori"

2023/10/24

Adierazpen formak (euskara, dantza, kantua...) eta komunitatea (euskaldunak?) biak gaude kinka larrian, ezin bestela, elkarlotuta baikaude, komunitateak erreproduzitzen ditu adierazpen formak eta jardun horiek trinkotu eta biziarazten dute komunitatea.

Hezkuntza arautuak ez du salbatuko ez euskara, ez kantua, ez dantza. Komunitateak iraun-araziko ditu baldin eta festa egiteko zein negar egiteko baliatzen baditu. Gabe tresna horien ezagutza transmititzea hezkuntza arautuak parte hartu gabe (eta are gehiago, bizkar emanda) ezinezkoa izango da nire ustez.

Euskara hezkuntza arautuan sartuta dago eta ikusten dugu horrek ez duela salbatuko. Baina hor egongo ez balitz orduan bai batere aukerarik ez lukeela izango. Kantua eta dantza orain arte komunitateak (edo horren zati txiki batek) eutsi ditu, baina ahitzen ari den seinale argiak ematen ari da.

Oier Araolaza on Quetzales, Negritos, Migueles, Pilatos eta bertzeak. Pueblako mendietako dantzen mundua

2023/09/26

Mila esker Xabier, bai azken kronika eder honengatik, bai Mexicotik urte osoz eskainitako kronika sorta harrigarriarengatik. Ez nintzen konziente zenbat giza-talde, kultura, hizkuntza eta errito dagoen Mexicon "konkistadoreen" kultura eta hizkuntzaren kerizpean dirautenak. Ez eta zer nolako errito eta ohitura berezi, eta aldi berean Europakookin antzekotasunak dituztenak, ospatzen dituzten.

"Daukat kanpoko azturen ezagutzeak gurearen hobeki ulertzeko molde bat dela. Bertzea beti ispilu." idatzi duzu azken ahapaldian, eta bai, niretzat ere hala balio du, munduaren beste puntara begiratuta ere beti gurea ageri da espiluan.

Zinez mundu ezezaguna gure kultura globalizatu eta homogeneotik aparte irauten duena. Poz handia da hori, eta arrangura ere aldi berean, gure kultura globalizazio deritzon, baina kolonizazio kultura den horretan zer nolako abiaduran murgiltzen eta diluitzen ari den ikusita. Kultura isolatu horien kemena ere miresgarri zait: "ez dugu festa saltzen, partekatu egiten dugu". Biba zuek. Eta Esker mila zuri Xabier, hain urrun joan eta zure jakinmin nekaezinarekin espilu harrigarria atontzen hartutako lanengatik.

Oier Araolaza on Banderaren bortz musuak. Sainduak, jendeak eta erritoak Chilón eta Guaquitepec-en

2023/08/30

Ene ba. Bada mundu oso bat gure begiek ikusten duten horren ezkutuan. Guaquitepec-era iristeko bidea eta tseltal hizkuntzan bizi den kultura horren errito eta ohiturak harrigarriak dira goitik behera. A ze bizipen harrigarriak Xabier. Baduzu jakintza eta kemena haien berri izan eta haiengana iristeko hiri-bizitza eta jakintzetako erosotasunak atzean utzita. Muturreko kirola, bai horixe! Sabela osorik ekarri zenuen bueltan? Mila esker esperientzia horiek umore eta jakintzarekin partekatzeagatik.