Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Kezka dantza taldea Southamptonetik bueltan

Dokumentuaren akzioak

Southamptonetik bueltan

Ekitaldi hunkigarrian parte hartzekoa aukera izan du Kezka dantza taldeak Southampton-en, Ingalaterran. Basque Children of 37'UK elkarteak antolatuta, gerrako umeak Ingalaterrara bidali zituzteneko 75. urteurrena egin da bertan.

Ingalaterran bizitzera geratu ziren zenbait ume, eta baita Ingalaterratik berriz ere Euskal Herrira itzuli ziren beste zenbait ume elkartu dira, beren senide, unibertsitate ikertzaile, erakundeetako ordezkari eta lagunekin urteurren berezia egitera.

Horiekin izan da Kezka dantza taldea, eta bere musika eta dantzarekin alaitu du eguna Southampton-en. Txistulari bat lagun zutela iritsi ziren Gerrako Umeak Southamptonera, eta han egindako denbora dantza taldea antolatu eta dantzan aritu ziren. Horregatik, txistuaren hotsa entzun orduko piztu egiten dira gaur egun ere laurogei urtetik gorako gizon-emakumeak, eta hunkituta txalotu zituzten Kezkako dantzarien emanaldiak.

Royal Balleteko dantzariak

Gerrako ume haietako batek, Pirmin Trekuk, Royal Ballet entzutetsuan bukatu zuren dantzari bikaina baitzen. Orain urte batzuk hil zen Treku, baina Royal Balletean beste euskaldun bat dago gaur egun, Itziar Mendizabal hondarribiarra, eta Southamptonen izan da bera ere, ekitaldi gogoangarrian parte hartzen Kezkako dantzarien ondoan.

Kalejirak eta emanaldiak

Goizetik hasi dira Kezkaren lanak Southampton-en, ekitaldian parte hartu duten lagunei harrera eginez, txistua, trikitixa eta panderoarekin ongi etorria emanez. Jardunaldiaren irekiera ekitaldian, Southampton-eko udala, Unibertsitatea, Eusko Jaurlaritzako eta Espainiako enbajadako ordezkarien parte hartzea izan da, baina historialariak eta umeak, beren testigantza eskaini duten umeak izan dira protagonista.

Bertan dantza saio laburra eskaini du Kezka, eta arratsaldean berriz emanaldi nagusia eskaini du Southampton-eko Unibertsitateko Lecture aretoan.

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Kezka dantza taldea

Kezka dantza taldea

Herrian bertan egiten diren festak, erritoak eta dantza ekitaldiak ditu Eibarko Kezka dantza taldeak bere lehentasun nagusia. 1958an Eibarko Klub Deportiboaren baitan sortutako dantza taldeak inauterietan koko-dantzekin abiatu ohi du urtea, eta Santa Kurutzetan, San Joanetan, San Andresetan eta bere burua akonfesionaltzat duen herriko santoral egutegiko festa guztietan dagokion dantzaz arduratzen dira Kezkako dantzariak.

 Valladolideko Gure Txoko euskal etxeak gonbidatuta Arrateko ezpata-dantza eta trokeo dantzak aurkeztu genituen 2015eko irailaren 26-27ko asteburuan Gaztela Leongo hiriburuan. Euskal Jaia ospatzen zela eta, bertako euskaldunen gonbidapena jaso ostean, 27 pertsonako taldea osatu genuen Kezkako dantza...

Arrateko santutegian ezpata-dantza eskaini ohi du urtero irailaren 8an, tradizioak eguneratu eta antzokia eta plazaren arteko lotura egiteko ahaleginean, Argia dantzari taldeak eszenatokian egindakoaren ordaina plazan errotzeko konspiratuz.

Koko-dantzak 2014: taldeko argazkia

2008an York-en, Ingalaterran, ospatu zen Sword Spectacular, munduko ezpata-dantzen jaialdi handienean euskal ezpata-dantzen ordezkaritza gorpuztu zuen: zahar-itxuran aurkeztutako ezpata-dantza nazioarteko ezpata-dantzen adituei irentsaraziz, ontsa plajiatzeko metodoa aplikatzen denean sorkuntza eta tradizioa txanpon beraren aldeak baitira.

 2015eko maiatzaren 30ean eta 31n ospatu zen Ezpalak jaialdia Eibarren eta Iruñean.  Nafarroako jaialdiaren kronika  orain bi hilabete argitaratuta, Eibarkoa genuen zorretan eta hemen gatoz berarekin. Soka-dantzak izan ditugu ardatz Ezpalak jaialdiaren 10. ekitaldian (Eibarren, 9. Iruñean), eskuz ...

Iruñeko Duguna taldearekin elkarlanean Ezpalak dantza tradizionalaren nazioarteko jaialdia antolatzen du Kezkak, euskaldunok zilborra dugula munduari erakutsiz, eta euskaldunoi munduko zilbor guztiak enbor berera lotuta ditugula iradokiz.

Argazkia: Fernando Retolaza

1990. urtean Elgoibarko Haritz dantzari taldearen eskutik Donostiako Argia taldea ezagutzeko zorteak dantzari buruzko etengabeko ikasketan murgiltzera eraman du Eibarko taldea, inoiz bukatzen ez den ikasketa sorgi-gurpilean jira-biran dantzan aritzeko zorionera kondenatuta.



Kezka Dantza Taldea
Portalea Kultur Etxea
Bista Eder kalea
20600 Eibar
Tfnoa: +34 605 71 14 29
kezka@dantzan.com