Orain arteko ekarpenak

Bilboko Arte Ederretako museoan Gau zuria ospatuko da ekainak 19an, larunbatean. Bilbao 700 Fundazioak antolatutako ekitaldi honetan artea eta kultura hiriko bazterretara zabaltzeko ahalegina egiten da larunbat gauean. Dantza garaikideak hartuko ditu Arte ederratako museoaren espazioak La Fundicion-en laguntzarekin egindako dantza programazio baten bidez:

Artistaren begiradak badu gaitasuna bi jarduera guztiz desberdin elkarren ondoan jarri, eta ikuspegi berriak sortzeko. Iker Treviño eta Xabier Zirikiain sortzaileek bideo-sormen lan bat aurkeztuko dute bihar, ekainak 11an: Modernist basque surfin. Godalet-dantza eta surfa elkartzen dituen lan originala. Hona aurrerapena:

Ahetzen ospatuko da Dantz'Hadi jaialdia datorren uztailaren 9an. Flandes-eko Shillelagh taldea izango da bertan eta beren inguruko zein beste eskualdetako dantzak ikasi eta dantzatzeko aukera izango da.

Maiatzean, Musikaste programaren barruan Errenterian eskaintzekoa zen Kukai eta Elirale-ren (Sok)2-ren emanaldia bertan behera geratu zen bi dantzariren lesioaren ondorioz. Ekainaren 12an, 20:00etan eskainiko da (Sok)2 Errenteriako Kultur gunean.

India, Mazedonia, Ukraina eta Frantziako dantza taldeek parte hartuko dute Ezpeletako Ezpala dantza taldearekin batera 2010eko Gauargi jaialdian. Gaztetxoen nazioarteko 14. folklore jaialdia uztailaren 16 eta 19a bitartan ospatuko da.

Dantza garaikideko tekniketan eta dantza klasikoko ikasketetan oinarrituta, mugimenduaren ulerpena eta espazioan gauzatzea bilatzen da workshop honekin. Hamalauzanko elkarteak antolatuta, Donostian Dantzagunean (Arteleku) eta Bilbon Muelle 3n egin ahal izango da Andrea Anhaiak eskainiko duen tailer hau.

"Danzas sin fronteras" jaialdia abuztuaren 16tik22ra ospatuko da aurten, eta kokapen berria izango du: Toledon izango da jaialdia, El Pielago kampamenduan. Ohi bezala, munduko bazter desberdinetako erro tradizionaleko dantzak landu eta dantzatzeko aukera izango da.

Arabako 33. Dantzari Eguna ospatuko da Murgian datorren ekaianaren 13an. Arabako dantza taldeetako 600 dantzari espero dituzte egun horretan Zuiako haraneko hiriburuan.

Datorren ekainaren 25, 26 eta 27an ospatuko da Sestaoko Folklore erakusketa. Galizia, Katalunia, Valentzia, Gaztela eta Gipuzkoako dantza taldeak izango dira aurtengo jaialdian, Sestao bertako Salleko dantza taldearekin batera.

Orain egun batzuk iragarri bezala GureGipuzkoa.net-ek denon eskura jarri ditu Jesu Elosegiren argazki bilduma eta Kutxaren Fototekako lehen bilduma bat. Guztira 20.000 argazki inguru jarri dira sarean modu honetan, eta tartean badira dantzari buruzko hainbat irudi eder ere.