Edukira salto egin | Salto egin nabigazioara

Tresna pertsonalak
Hemen zaude: Hasiera Albisteak Joselitoren aurreskua eta euskal dantza XX. mendeko filmeetan

Dokumentuaren akzioak

Joselitoren aurreskua eta euskal dantza XX. mendeko filmeetan

dantzan.com
2008/09/25 14:30
Txistu hotsa eta erromeria bat ageri da irudietan. Soka-dantzaren burua hartu du Joselitok. Bi zerbitzariek neska ederra jende aurrera atera eta Joselitok agurra dantzatu dio. "La vida nueva de Pedrito Andia" pelikula da. "Zalacain el aventurero", eta "Ronda Española" filmeetan ageri diren beste zenbait dantzaren bideoak ikus daitezke hemen.
 

Orain hilabete batzuk ikusi genituen hemen ere mota honetako beste irudi batzuk. Agintariena bandera espainolarekin dantzatzen, Oñatiko dantzak emakumeek egiten e.a. Frankismo garaian egin ziren filmeetan agertzen diren dantzak dira. JuanEmpecinado izeneko bat Youtubera igotzen ari diren bideoak dira. Frankismoaren errebisionista bat da hau, diktaduraren ontasunak eta errejioetako kulturei eskainitako babesa frogatzen saiatzen dena irudi zahar hauen bidez. Bere helburuetan ez dakigu arrakasta handirik duen, baina dantzariontzat interes handiko materialak sareratzen ari da.

Joselitoren aurreskua

 "La nueva vida de Pedrito Andía" 1965ean egindako filma da. Joselitok egiten du Pedrito Andiaren papera, umetako lagun Isabelekin maiteminduta dagoen gaztetxoa. Erromeria batean kalejiran ari dira dantzariak, sokaren buru jarri da Joselito eta Isabel bere aurrera ekarri dutenean agurra dantzatzen dio. Kanturako dohain bereziko artista zen Joselito, baina honako honetan konpromiso ederra jarri zioten dantzan jarrita... 

Zalacain eta ezpata-dantza

Pio Barojak idatzitako liburuan oinarritutako filmea da 1955.ean egindako "Zalacaín el aventurero" hau. Ezteiak ospatzen ari dira eta dantzari batek hitzegiten dio ezkonberriei: "¡Animo muchachos! Ahora vamos a bailar la danza del "ezpata txikiak" en honor de los novios". Bost dantzari ageri dira Gipuzkoako ezpata-dantza, ezpata txikiak dantzatzen.

Erronkariko ttun-ttuna Ronda Españolan

Aurretik aipatutako filma da hau, "Ronda Española" izenekoa eta 1952an eginda. Sección Femeninako dantza taldeen biltzar bat da pelikularen ardatza eta beraz, hainbat dantza ikus daitezken pelikulan. Honako honetan Erronkariko ttun-ttuna ageri da.

 

Dokumentuaren akzioak

ai-torrr
2008/09/26 11:47

Jode con joselito, "el de la voz de oro". Zelako aurreskua!!! Se sale!

matx
2008/09/26 18:39

Soy más alto que ella... jaja. Oso bideo onak.

Erantzun

Erantzuna emateko identifikatu egin behar zara, gure webgunean erabiltzaile bat sortuz.