Orain arteko ekarpenak

Inauterien data nagusietarako gutxi falta da. Datozen bi asteburutan hainbat ekitaldi antolatzen dira herri ezberdin askotan azken egunak ondo igarotzeko asmotan. Aurreko batean data guztiak ekarri genituen hona, baina, oraingoan datozen egunetakoak besterik ez.

Dantzan.com Facebooken orrialde izatera pasa da eta sare sozial horretan dugun profila pertsolana ordezkatuko dugu "komunitate" profilaren. Facebook bidez dantzan.com-eko berriak jarraitu eta parte hartu nahi duenak "atsegin dut" klikatu besterik ez du jarraian eskaintzen dizuegun loturan.

XVI. mendetik XIX. mendera bitartean argitaratutako dantzari buruzko liburuak jarriko dituzte erakusgai datozen egunotan Madrilen. Cesare Negri, Thoinot Arbreau eta Pierre Rameauren idazlanak aurkitu daitezke beste askoren artean otsailaren 8tik, maiatzaren 8ra bitarte Espainiako Liburutegi Nazionaleko museoan.

Ez da asko falta 2011ko Altsasuko inauterietarako. Momotxorroak, akerrak, JuanTranposoek... datorren martxoaren 8an, inaute asteartean, dute urteroko zita. Hala ere, urtarrila amaieran, Bulgariako Pernik hiriko inauterian egin zuten urteko lehen agerraldia talde gonbidatu gisan.

"Dantza tradizionala vs. beste teknika batzuk" izendatu du Montse Garrichek Caramella aldizkarian argitaratu duen iritzi artikulua. Dantza mota desberdinak aurrez aurre jarri nahi izan ditu bere idatzian, horrela, bere ustez, izendatzarekoan eta baloratzerakoan egiten ditugun akatsak eta gaizki-ulertuak saihestu ditzagun.

2011ko Euskal Herriko Dantzari Eguna maiatzaren 1ean ospatuko da Euskal Dantzarien Biltzarrak antolatuta. Erandion egingo den Dantzari Egunean dantza ekitaldi nagusiaz gain folklore azoka, umeentzako tailerrak, puzgarriak, erromeriak eta txosnak izango dira.

Santa Ageda bezpera eta eguna bera kantuan igaro ostean, plazara bertaratzen dira gazte Aretxabaletar eta Altsasuarrak jai egunak dantzan amaitzeko asmotan. Soka-dantza eta ingurutxo ederrak dantzatzen dituzte bi herri horietan urte horietako kintoek. Ekitaldiak, urtetik urtera jende gehiago biltzen du bai Sakanako eta bai Debagoienako txoko horietan.

Argia euskal dantzari taldeak 1970 eta 1974. urteetan euskal dantzen doinuekin osaturiko bi LP argitaratu zituen. Juan Antonio Urbeltz-ek bi LP horiek digitalizatu eta dantzarien eskura jartzeko aukera eman digu.

Caramella, herri-musika eta kultura inguruko aldizkariak, jotaren inguruko monografiko zabal bat kaleratu du bere azken alean. Jota, Kataluniako lurraldeen zati handi batean dantzatzen da eta aldizkariak guzti horietatik datozen ekarpenak jasotzen ditu.

Belaunaldiz belaunaldi ondarea galdu ez dezagun eta inauterietako ohiturak berpizteko asmotan dator aurten ere Uztaritzeko Hartzaro jaialdia. Festibal honen asmoa Euskal Herriko eta beste tokietako elkarte eta artistei gune bat eskaintzea da, horretarako, erakusketak, ikastaroak, ikuskizunak eta abar eskainiz. Hone hemen 2011ko egutegia: