Datorren martxoaren 1ean, Bilboko Arriaga antzokian estreinatuko dute Kukai dantza konpainiak eta Tanttaka antzerki taldeak bere ikuskizun berria: Komunikazioa-Inkomunikazioa. Mikel Laboan inspiratutako lana izango da, baina ez hari buruzkoa, eta Mireia Gabilondok zuzenduko du, Jon Mayaren laguntzarekin. Kukaiko dantzariez gain Helena Golab dantzaria, Miren Gaztañaga eta Aitor Beltran aktoreak eta Iñaki Telleriak parte hartuko dute, eta Jone San Martin eta Israel Galvanen kolaborazioak izango ditu.

Dantza eta sorkuntza zentro berri baten egitasmoa aurkeztu dute gaur Errenterian Gipuzkoako Foru Aldundiak eta Errenteriako Udalak. Lekuona okindegi zaharra berritu eta kultura, dantza eta sorkuntza zentro bilakatu nahi dute 2015 urterako. Bertan egokituko da orain arte Donostian egon den Dantzagunea, eta dantza alorrean Gipuzkoa osoari zuzendutako zerbitzuak bertatik bideratuko dira.

Egoitza artistikoen bidez sortze-lanak bultzatu eta laguntzeko programa da Sortutakoak. Hirugarren ekitaldia burutu du, eta programaren baitan sortu diren lanak ikusleei erakusteko antolatu da Sortutakoak jaialdia. Mikel Sarriegik, Dordoka kolektiboak, Andrea Quintanak, Sara Paniaguak, Italo Panfichik eta Manuel Belliscok parte hartuko dute larunbat honetan, urtarrilaren 12an Donostian egingo diren aurkezpen hitzaldi, solasaldi, emanaldi eta dantza ekitaldietan. Hona egitaraua:

Beasaingo Neskatxen Esku-dantzaren sorkuntza prozesua eta erritualaren inguruko xehetasunak azalduko ditu Mikel Sarriegik datorren urtarrilaren 12an Donostian. Gipuzkoako Dantzaguneak antolatutako "Sortutakoak" deialdian hautatua izan zen Mikel Sarriegi eta Besaingo Aurtzaka dantza taldearen lana, eta orain lan aurren aurkezpena egin eta dantza bera erakutsiko dira San Telmo museoan egingo den ekitaldian.

Gamere-Zihigako gazteek emango dituzte maskaradak Zuberoan 2013an, eta dagoeneko prestaketa lanak aurreratuta dituzte. Otsailaren 10ean izango da lehen agerraldia, Zihigan, eta azkena berriz Gameren izango da, maiatzaren 5ean. Aurten igandetan izango dira maskarada guztiak, ez baita Maulen emanaldirik egingo eta han egiten baitira larunbatez. Bestalde, aipagarria da maiatzeko lehen iganderaino luzatuko direla emanaldiak. Hona egutegia osorik:

2012 urtea bukatzera doala eta atzera begira jarri gara, urteak utzi digunaren errepasoa egiteko asmotan. Bederatzi hilabetez itxita izan dugu dantzan.com eta horren gauzak nahastu egiten ditu, baina berehala konturatu gara, aurten despeditzeko aukerarik gabe joan zaizkigun zenbait dantzariri agur esateko unea dela. Lau aipatuko ditugu hemen, baina beste inork zuen inguruan horrelako galera latzen bat izan baduzue aipatu erantzunetan mesedez.

Abadiñoko udalak herriko norbanako eta elkarteen lana txalotzeko ematen ditu Abadiño sariak, eta bere hirugarren ekitaldian, herriko dantza taldeak, Iluntze eta Talde Batua sarituko ditu. Bihar osteguna, 20:00etan, Traña-Matienako Errota kultur etxean egingo da sari banaketa ekitaldia.

Verdini, Sol Picó, Dantzaz, Beijing Dance Theatre, Gelabert Azzopardi, Argia,... Donostia Kulturak 2013ko urtarriletik ekainera bitarterako dantza programazioa aurkeztu du. Hamasei dantza ekitaldi sei hilabetetan:

Bere sorreraren 50. urteurrena ospatzen ari da Portugaleteko Elai Alai dantza taldea, eta ekitaldiz betea izan duen 2012 urtea borobiltzeko ikuskizuna eskainiko du ostegun honetan, arratsaldeko 20:00etan Bilboko Campos Eliseos antzokian: 50 urteko amets bat.

Iraultza dantza taldeak, Torrekua jantzi museoa izatearen alde sinadurak jasotzeko webgune bat sortu du. Errenteriako Torrekua XV. mendeko dorretxea da eta orain dela 2 urte berritu den jantzi museoa izateko helburuarekin. Azken asteotan jakin da Errenteriako Udalak beste asmo batzuk dituela eraikin horrentzat eta Torrekua jantzi museoa izatearen aldeko sinadura bilketari ekin dio Iraultza dantza taldeak.