Edukira salto egin | Salto egin nabigazioara

Tresna pertsonalak
Hemen zaude: Hasiera Albisteak Joseba Altube da Euskal Dantzarien Biltzarraren lehendakari berria

Dokumentuaren akzioak

Joseba Altube da Euskal Dantzarien Biltzarraren lehendakari berria

2013/05/06 12:32
Pasa den maiatzaren 4an, Euskal Dantzarien Biltzarrak lehendakari berria hautatu du. Joseba Altube barakaldotarrak hartu du Xabier Mendizabal donostiarraren lekukoa. Araba, Gipuzkoa, Iparralde, Bizkaia eta Nafarroako dantzarien biltzarreko ordezkaritzak bilduta egin da EDBren presidente berria hautatzeko batzarra eta Joseba Altuberen hautagaitzak aldeko lau bozka eta abstentzio bat jaso ditu.

Joseba Altube Basterretxea barakaldoarra da, 50 urte ditu eta Laguntasuna elkartearen presidentea da azken 20 urteotan. Euskal Dantzarien Biltzarrean Ezkerraldea-Meatzaldeko Taldeen ordezkari gisa aritu izan da hainbat urtez. 1977. urtean hasi zen dantzan Barakaldoko Laguntasuna elkartean eta aurreskulari aritu zen 80 hamarkadan.

Dantzari eta dantza irakasle luzez jardun du, eta azken urteotan dantza jardueren antolatzaile dihardu buru-belarri. Barakaldoko Folklore Jardunaldiak antolatzen jardun zuen 1984 eta 2004 bitartean, Folklore eta Dantza Tradizionaleko begiraleen Dantzazale formazio ikastaroak antolatu ditu 2010 eta 2011an, eta 2011an Begiraleen Hizkuntz Prestakuntza mintegia antolatu du. Barakaldo 1900 eta 1950 bitartean kultura tradizionalen adierezpenen inguruko azterketa etnografikoa egin du.

 

 

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.