Dokumentuaren akzioak
Albisteak
Lantzeko zortzikoa ez da bi minutuko kontua
Inauteriak Lantz-en, inaute asteartean. Arotzak kaleetan, eta Ziripot jantzi ondoren ostatutik atera dira txatxoak, zaldikoa eta Miel Otxin txistulariak lagunduta. Herriko kaleetan kalejira egin ondoren plazan zortzikoa dantzatu dute. Hona 2009ko otsailaren 24an Lantz-en ospatutako inauteri eta dantzatutako zortzikoaren bideo eta argazkiak.
Tarantella, armiarmaren pozoinaren aurkako botika-dantza
Kalabriako ele zahar batek dio Tarantula batek ziztatuz gero erotzeko arriskua dagoela. Tarantularen pozoinari aurre egiteko modu bakarra Tarantella dantzatzea omen da. Tarantella Italia hegoaldeko dantza herrikoia da. Korteiatze dantza da berez eta bikoteka dantzatzen da normalean. Erritmo bizikoa, gero eta azkarrago dantzatzen da. Albistearekin batera ikusten ahal ditugun bideoetan agertzen denez, mugimendu natural baina bizian egiten dute dantzan.
Kabalkada eta Paisola Idek! libertimendua Donapaleun
Pasa den martxoaren 1ean Burgaintziren Kabalkadak hartu zituen Donapaleuko kaleak, eta Paisola idek! libertimendua eskaini zuten Kitzikazank antzerki taldearen eskutik herriko plazan. Hona ekitaldiaren bideo-laburpen bat eta argazki sorta bat.
Aurrez aurre
Urte askotako lanaren ondotik, Ballet Biarritz – Thierry Malandain zentro koregrafikoan urte osoan kokatu den Miarritzeko Maritzuli konpainiak laster aurkeztuko du Aurrez aurre bere azken lana.
Inauteri igandea Zalduondon
Inauteri igandean, arratsaldeko 17.00etan abiatu da karnabaletako konparsa Zalduondon. Lazarragarren etxetik atera dira mozorroak eta musikak lagunduta kalejira ederrean egin dute herri osoaren itzulia. 2009ko otsailaren 22an Zalduondon ateratako argazki sorta.
Santanazaleen ordenantzen 500. urteurrena ospatuko dute Ordizian
1509ko uztailaren 26an berritu zen Ordizian Santa Ana kofradia. Aurretik ba omen zegoen beste kofradia bat, eta hori berritu zen urte horretan. Bostehun urte beranduago ordiziarrek Santaneroen kofradiaren ohiturari eusten diote eta esku-dantza egiten dute urtero uztailaren 27an. Aurten, 500. urteurrena ospatzeko deialdi berezia egin dute santanazaleek.
Xiru jaialdia 2009, musika eta sorkuntza Zuberoan
Heldu den apirilaren 3, 4 eta 5ean eginen dute Xiru izeneko jaialdia Zuberoako Gotaine herrian. Zuberoako eta kanpoko hainbat dantzarik, soinularik, kantarik, aktorek... parte hartuko du jaialdi honetan. Horren baitan aurkeztuko dute apirilaren 3an, ostiralarekin, "Lürraldea dantzan" deituriko ikuskizuna.
Aurrez aurre ikusgarri berria aurkeztuko du Maritzuli konpainiak
Claude Iruretagoienak zuzentzen duen taldeak lan berria aurkeztuko du datorren martxoaren 21ean Donibane Lohizunen, 21:00etan. "Aurrez aurre" du izena ikuskizun berriak, eta bertan helburu pedagogikoarekin berpizkundeko dantzen eta euskal dantzen arteko konparaketa lana burutu du Iruretagoienak.
Escena 2009 dantza jaialdia, Nafarroan
Martxan da dagoeneko 2009ko Escena dantza jaialdia. Nafarroan antolatzen den jaialdia da hau eta aurten zazpi konpainiek parte hartuko dute. Udal ezberdinekin egindako lankidetzari esker Nafarroa osoko hainbat antzokitara zabalduko da jaialdia.
"Gu ez gara talde folkloriko bat. Guk ez dugu lehengo euskal dantzarik dantzatzen"
1972. urtea zen. Dantza taldeak borborka zeuden, batzuk tokian tokiko dantzak ikertu eta berreskuratzen, eta beste batzuk sormen lanetara emanak. Zeruko Argia aldizkarian Hazparneko Elgar Oinkari taldeari egindako elkarrizketa bat aurkitu dugu. Hemeroteken digitalizioak horrelako altxorrak eskura jartzen dizkigu. Honako hau Espainiako prentsa historikoaren liburutegi digitalean agertu zaigu.
Dokumentuaren akzioak
