Dokumentuaren akzioak
Albisteak
Kobreik! Bizkaiko dultzaina Sabin Bikandi eta Asier Garciarekin
Bizkaiko dultzainaren errepertorioan oinarritutako CDa grabatu dute Asier Garcia eta Sabin Bikandik. Jabi Santamariak Bizkaiko dultzainaren inguruan egindako bilketa, grabaketa eta transkripzio lanetatik abiatu dira lan hau egiteko. Diskoaren nondik norakoak azaltzen dituen elkarrizketa apokrifoa bezain interesgarria dakar CDak eta elkarrizketa horixe ekarri dugu hona.
Dantza emanaldiak, mahai inguruak eta erakusketak dFerian
dFeria, Antzerki eta Dantza azoka ospatzen ari da egunotan Donostian, eta astebetez hainbat dantza emanaldi ikusteko aukera dago. Batik, Cristina Moura, Organik, La Dinamica edo Kukai-Tanttkaren azken lanak ikusi ahal izango dira. Antzoki eta kaleko emanaldiekin batera, erakusketak eta mahainguruak antolatu dira dantzaren inguruan.
Euskal Herriko Dantzari Egunaren egitaraua
Euskal Dantzarien Biltzarrak datorren irailaren 28an Irun-en ospatuko den Dantzari Egunaren egitaraua prestatu du. Hona hemen herrialde bakoitzeko ordezkaritzak egingo dituen dantzen zerrenda:
EGOk eta BBJk indarrak batu eta udako denboraldian elkarrekin ikusiko ditugu taula gainean
EGOk I. Stravinskyren “Suzko txoria” ballet mitikoa joko du bakarrik eta BBJren laguntza izango du M. Ravelen Boleroa interpretatzeko. Bi ballet unibertsaletan oinarritutako egitarau interesgarria dakarkigute bi taldeek.
Txistuaren eta txistularien historia idatzi du Mikel Aranburuk
"Niebla y Cristal. Una historia del txistu y de los txistularis" liburua idatzi du Mikel Aranburu Urtasun, txistulari, dantzari eta ikertzaileak. Esku bakarreko flauta eta danbolinak osatutako bikotearen ibilbide historikoa, Europako beste lurraldeetako anai-arrebekiko loturak eta txistularien berri jaso du bertan.
Arte Eszenikoen Goi Zentroa ez da 2008-2009an abiatuko
Eusko Legebiltzarrean Hezkuntza sailburuari egindako galdera baten bidez jakin ahal izan da Bilboko Alhondigan martxan jarriko zela iragarri zen Arte Eszenikoen Goi Mailako Zentroa ez dela 2008-2009 urtean abiatuko. APDPV Euskal Herriko Dantza Profesionalen Elkarteari esker jaso dugu informazio hau.
Bilbo dantzan jarriko du Lekuz Leku 2008 jaialdiak
Abandoibarran ospatuko da ekainaren 26an, 27an eta 28an paisaia hiritarretan burutzen den IV. Nazioarteko dantza jaialdia eta bideo sorketa lehiaketa. Mar Gomez, Ciento cincuetan cuerdas, Organik, Sara Martinet, Los Corderos, Mikel Aristegui, German Jauregi, Laura Aris, Moeno Wakamatsu eta Martin Sonderkamp dira besteak beste Bilboko kaleetan dantzatuko direnak.
Eraiki dantza taldearen 30 urteurrena
Eraiki Dantza Taldeak, hurrengo ekainaren 21ean Irunen Dantzari Txiki Eguna ospatuko du. Aktibitate hau Eraikik aurten 30 urte betetzen dituelako antolatu da. Hasiera hasieratik taldearen oinarri diren haur eta gazteen bilkura egitea izan da Eraikiren asmoa, Euskal Herriko folklore dantzatua lantzen duten taldeak bilduz.
Inoiz ikusiriko luzeena
Aurtengoa urte berezia dugu Kemen dantza taldearentzat. Izan ere 35 urte betetzen dira Txingudi ikastolako guraso batzuen ekimenez bertako haurrei euskal dantzak irakasten hasi zirenetik. Urteurren ekitaldien artean taldearen historian erro sakonak dituen San Juan bezperako soka dantza indartzeko asmoz, taldetik igarotako jendeari gonbidapena luzatu zaio.
Errenteria Dantzan berezia Ereintzaren 50. urteurrena dela eta
100 dantzari baino gehiago izango dira oholtza gainean Dantza Taldearen 50 urteko ibilbidearen erakusgarri. Ekainaren 21ean hasi eta 29ra arte iraungo du Errenteria Dantzaneko aurtengo edizioak, eta jaialdiaren nondik norako nagusiak ondokoak izango dira:
Dokumentuaren akzioak
