Dokumentuaren akzioak
Albisteak
Dantza tradizionalak lanabesekin: makil dantzak penintsulan
Eusko Ikaskuntzaren "Jentilbaratz. Cuadernos de Folklore" aldizkariaren Erredakzio Batzordeak ikertzaileak gonbidatzen ditu artikuluak aurkeztera "Dantza tradizionalak lanabesekin: makil dantzak penintsulan" behin-behineko izenburua izango duen monografikorako.
Baztango ohiturak eta dantzak Haizegoaren blogean
Aipatu izan dugu lehen ere Pello San Millan-ek elikatzen duen Baztango Haizegoa bloga. Artikuluak gusto handiz, ondo dokumentatuta eta irudi ederrez dokumentatuta argitaratzen ditu. Baztango historia, etnografia, tradizioak eta dantzak ezagutzeko iturri oparoa da Baztango Haizegoa. Mutil-dantzen inguruan eta Maiatzeko Erreginen inguruan egin dituen artikuluak adibide.
Garaziko kaleak dantzan jarriko ditu T.Dantz jaialdiak
Datorren urriaren 2an eta 3an ospatuko da Donibane Garazin T.Dantz jaialdia. Dantza garaikidea, kale-dantza eta tradizionala Garaziko kaleetara eramango du jaialdiak. Leandre eta Claire, Group Berthe, Dantzaz, Dan6t, Duguna, Garaztarrak eta Erregotxopitak taldeek parte hartuko dute jaialdian.
Basaurik Euskal Herriko Dantza Agerketaren 38. edizioa burutuko du irailaren 17tik 19ra bitartean
Euskal Herriko Dantza Agerketan dantza-talde autoktonoek hartzen dute parte. Horrela deitzen zaie beren herrietako edota eskualdeetako dantzak gorde dituzten taldeei. Talde autoktonoek bertakoentzat esanguratsuak diren egunetan egiten dituzte dantzak (herriko jaiak, inauteriak, etab.). Horixe da, izan ere, haien ezaugarri nagusia. Beraz, hemen erakusten diren hainbat dantza jatorrizko lekuetan eta egun berezietan soilik ikus daitezke. Hala ere, jatorrizko herrietan dantza egiteari utzi baldin badiote, dantza horiek egiten dituzten taldeak ere gonbidatu izan dira inoiz edo behin Basaurira.
Ezintasunen bat dutenentzat tailerra antolatu du Dantza Hirian-ek
Dantza Hirian-ek ezintasunen bat dutenei begira dantza tailerra antolatu du. Dantzagunean burutuko da tailerra datorren irailaren 14an, 15ean eta 16an. Izaskun Lapazak, Aterpean 2010 programan ari den dantzariak eskainiko ditu tailerrak.
Dantza Hirian 2010, hiri paisaiak dantzan jarriko dituen jaialdia
Irailaren 16tik 26ra ospatuko da Dantza Hirian mugaz gaindiko dantza jaialdia. Donostia, Errenteria, Irun, Hendaia, Ziburu, Azkaine, Baiona eta Donibane Lohizune dantzak hartuko ditu hamar egunez.
"Eugene Onegin" San Petersburgoko Eifman Ballet-en eskutik
Asociación Bilbao Ballet Elkarteak (ABBE) kalitatearen aldeko bere apustuan, San Petersburgoko Eifman Ballet-aren "Eugene Onegin" ikuskizuna aurkezten du, nazioarteko prentsa espezializatuak egungo konpainia onenetakotzat aitortzen duena. Boris Eifman-ek gidatutako konpainiak arrakasta handia eskuratu zuen 2008an ABBEk programatuta Euskalduna Jauregian eskaini zuen "Anna Karenina" ikuskizunarekin.
Jorge Tieffenberg-en ikastaroa: mugimenduaren teknologia analitikoak
Jorge Tieffenberg-en ikastaroa eskainiko da irailaren 17, 18 eta 19an Muelle 3, dantza eta sorkuntza garaikiderako espazioan. Mugimenduaren teknologia analitikoak lantzen ditu Tieffenberg-ek Laban Forsythe teknikaren ikuspuntutik.
Hogeigarren Maitaldia abian da Biarritzen
Lorraineko balletak Biarritzeko portu zaharreko hondartzan eskainiko duen emanaldiaren abiatuko da 20. Maitaldia Biarritzen. Dantza kalean izango da, gigabarra egingo da, jendaurreko ensaioak, eszenatoki irekiak, dokumentalak, tallerrak, mintegiak, erakusketak, hitzaldiak eta dantza, dantza asko eta kalitatekoa izango da hamar egunez Biarritzen.
2010-2011 itzuliaren hasiera
Dantzaz Konpainiak 2010/2011 denboraldiko itzulia Donostiako Nazioarteko Zinemaldian eskainiko duen lan berezi batekin hasiko da, Zinemaldiaren inaugurazio, Donostia saria eta amaierako ekitaldietan parte hartuta.
Dokumentuaren akzioak
