Dokumentuaren akzioak
Albisteak
Herrixa Dantzan abiatu da Elgetako Kafe Antzokian
Hilero dantzaldi irekia izango da Elgetan, Espaloia Kafe Antzokian, Patxi Monterok gidatuta. Nagusiki Euskal Herriko eta Europako dantza errazak eta atseginak egin zituzten atzoko lehen ekitaldian, eta erantzun zabala izan du deialdiak, inguruko hainbat herritatik hurbildu baitira dantzazaleak Elgetara.
Jaiak eta generoa aztergai Gipuzkoan
Gipuzkoako Forun Aldundiaren enkarguz, Gipuzkoako jaiak generoaren ikuspegitik aztertu ditu Farapi enpresak. Genero ezberdintasunak ohikoak direla festa guztietan ondorioztatu dute. Donostia, Irun, Lezo, Antzuola, Legazpi, Tolosa, Zumaia, Bergara eta Errenteriako jai ekitaldiak ikertu dituzte, eta tartean dantza ospakizunak ere aztertu dituzte.
Roberto Torres eta Compañia Nomada La Fundicion-en
Daniel Abreuk eta Roberto Torresek harreman artistiko eta pofesional estua eduki dute aspaldiko urteetan, hala jarduera pedagogikoen nola eszenarako lanen sorkuntzan hurbiltasun fisiko eta ideietakoaz jokatuta, eta orain lan berri bat eman dute argitara. “Los zuecos van hacia sus buenos hábitos” mugimenduaren ikerketa lanean eta gorputzean oinarritzen da, gorputza ekintzaren motore eta argumentu koreografiko den heinean.
Hartzaro 2010 Uztaritzen, inauteria eta sorkuntza eskutik
Inauteriak, kultur programaketa zabal batekin eta tradizioa eta sorkuntzaren inguruan ekarpenak egiteko asmoarekin lotzen ditu urtero Hartzaro jaialdiak Uztaritzen. Hitzaldiak, erakusketak, musika eta dantza jaialdiak, eta inauteria bera datoz aurtengo Hartzaron. Hona Hartzaro 2010-en egitaraua:
Abiatu da ‘Dantza Plazetan’ egitarauaren edizio berria
Bilboko Udaleko Kultura eta Hezkuntza Sailak ‘Dantza Plazetan’ egitarauaren edizio berria jarri du martxan, euskal folklore herrikoia sustatzeko helburuz, herrietako plazetan egiten ziren erromeriak, dantza erakustaldiak eta kalejirak eskainiz. 35 erromeria, dantza emanaldi eta kalejira baino gehiago izango ditugu Bilboko plazetan urte osoan zehar.
Dantzaldia 2010: Bilbo dantzari begira jarriko duen jaialdia
La Fundicion-ek Dantzaldia jaialdiaren XI. edizioa prest du dagoeneko. Mal Pelo, German Jauregi, Kafig edo Kukai dira 2010eko Dantzaldia jaialdian Bilbon ikusi ahal izango diren proposamenetako batzuk.
Jon Ugarrizak dantza pieza berria sortu du Eusko Jaurlaritzaren ekitaldi baterako
Teknologiak, arteak eta berrikuntzak, bat egin dute Lehendarikatzaren ‘Irekia’ on-line zerbitzuaren aurkezpen ekitaldian. Eusko Jaurlaritzaren Lehendakaritzaren egoitzak hartu du bart, "Irekia - Gobernu irekia" on-line zerbitzuaren aurkezpena, Patxi Lopez Lehendakariak berak aurkeztuta.
Europako inauterien antzekotasun harrigarriak
Inauteri garaian gaude eta ohi bezala garai hauetan nabarmen egiten dira Europako hainbat bazterretan egiten diren inauterien arteko antzekotasunak. Joaldunen ahaideak aurki ditzakegu han eta hemen, Hartzaren agerraldi eta dantzak, kapela konikoak, ezkontza itxurako estanpa barregarriak, heriotz eta berpizteak, e.a. Italiako museo bat Europako inauterien arteko antzekotasunen inguruko ikerketa lan bat burutzen ari da. Pelikula bat egin du horren inguruan eta hemen duzue trailerra.
Hiruburu: inauterietako dantza berria
Begiraleak elkarteak inauterietako dantza berri bat asmatu du eta lehen aldiz Donibane Lohizunen aurkeztuko du, Hartzaren egunean, urtarrilaren 30an, larunbata, Urdazuri plazan, Ibai(goio) tabernaren aintzinean. Horra dantzaren adierazpena.
Ahari taldearen Euskal inauterien erakusketa hara eta hona dabil
Ahari Kultur Taldeak urteak daramatzak euskal inauterien inguruko lanak sustatzen. Erakusketa bat prest du eta erakusketa hori Bizkaian eta Nafarroan erakutsiko da asteotan. Elorrion aste honetan ireki da erakusketa eta Portugalete eta Mutiloa bisitatuko ditu gero.
Dokumentuaren akzioak
