Dokumentuaren akzioak
Albisteak
Roland Petit, koreografo handia hil da 87 urterekin
Frantzian, Villemomble herrian jaio zen Roland Petit 1924an, eta bart hil da, Genevan, dantzarako grina bizi-bizirik zuela. Baleta eta eszenaratze modernoak uztartzeko gaitasunagatik nabarmendu du da Petit, eta Marseillako Balleta 27 urtez zuzendu ondoren, mundu osoan ezaguna bihurtu du. Gurean, aipatzekoa da Lucia Lakarra nazioarteko izar bihurtu zela Petit-en agindupean izan zenean.
Llangollen-eko sariketa irabazi du Gero Axular-ek umeen sailean
Galesen ospatzen den Llangollen-eko nazioarteko musika eta dantza txapelketa irabazi du Donostiako Gero Axular dantza taldeak. Umeen taldean lehen saria eskuratzeaz gain, bakarlari onenaren saria ere bereganatu dute donostiarrek.
Dantza Hirian-ek bi artista egoitzan hartuko ditu uztailean lehen aldiz
Aterpean artista egoiliarren programaren barruan, uztailean zehar, Eneko Alcaraz eta Ertza Konpainiak hartuko dute parte, Dantza Hirian, mugaren bi aldeetako dantza jaialdia hiri paisaietan, ekimenak sortua. Jaialdia Baiona eta Donostia hirien artean izango da 2011 urteko irailaren 15 eta 25a bitarte.
Hamasei talde Durangaldeko 39. ezpata-dantzari eguna
Aurten ere, Durangaldeko 39. ezpata-dantzari eguna antolatu du larunbat honetarako Gerediaga Elkarteak. Asteburuan, hortaz, eskualdeko herri ezberdinetako dantzari taldeak dantzari-dantza eta erregelak dantzatzen ikusteko aukera izango da. Izurtza, Mañaria, Matiena, Abadiño, Garai, Iurreta, Berriz eta Durangoko hamasei dantzari talde dira Garaira bertaratuko direnak.
Mexiko, Jakarta, Iakoutia eta Martinikako dantzak Gauargi festibalean
Ondokoak dira gonbidatutako dantza diren taldeak: Tonalli ambar (Mexiko), Smp Al Ikhlas (Jakarta), Maya (Iakoutia), Le Marin (Martinika), Ezpela (Ezpeleta) eta Iruski (Gabadi). Eta jarraian jaialdiaren egitaraua:
San Ferminetan dantzak Lesaka eta Iruñean
San Joan, San Pedro, Santa Isabel.. eta orain, San Fermin. Lesaka eta Iruñeko jai nagusiak hasi berri dira eta festa giroak Nafarroako hiriburua hartuko du 8 egun luzetan zehar. Egun guzti horietarako egitarau zabala antolatu dute, eta tartean, nola ez, dantzarako aukera ere bada.
Insomnio, Igor Calongeren lan berriena
Uztailaren 9an aurkeztuko du Igor Calonge dantzari eta koreografo gipuzkoarrak bere lan berriena: Insomnio. Azken hilabeteetan Dantzagunean sortu duen lan hori Donostiako Gasteszenan estrainatuko da egun horretan 19:00etan hasita.
Erromatar dantzak Herri Musikaren 10. jardunaldietan
Datorren uztailaren 15 eta 16an ospatuko dira Herri Musika Txokoak, Oiasso Erromatar museoak eta Herri Musika Zaleak kultur elkarteak antolatutako 10. Herri Musikaren jardunaldiak. Egun horietan, Ludi Scaenici erromatar musika eta dantza taldea ikusteko aukera izango da elkarte horiei esker.
Jauzien eta dantza lotuen ikastaroak Errenterian
Kukai Dantza Konpainiak Ereintza Dantza Taldearekin elkarlanean, bi ikastaro antolatu ditu uztailerako Errenterian. Jauzien inguruko Jose Cazaubon-ekin eta dantza lotuen inguruko Patxi Labordarekin.
Boiseko Oinkari Biriatun
Oinkari Basque Dancers taldea 1960an sortu zen, Boisen, Idahon, hango euskal komunitateko kideei esker. Sei aitzindari etorri ziren Euskal Herrira urte zail haietan, eta dantza batzuk ikasi zituzten eta musika beraien buruan gordeta eraman zuten. Horrela hasi ziren han dantza emanaldiak eskaintzen eta dantza irakasten. Euskal Herrira etortzen ziren bakoitzean dantza eta musika berriak ikasten zituzten. Honen guztiaren ondorioz, 50 urte beranduago, Oinkari Basque Dancers taldean 50 lagun gazte baino gehiago aritzen da dantzan, eta beraiek ikustean harritzen duena da zein dantza bilduma zabala eskaintzen duten eta zer nolako zehaztasunez egiten duten dantza.
Dokumentuaren akzioak
