XXVII Folklore Jardunaldiak: Materiarik gabeko ondarearen babesa

Materiarik gabeko ondarearen babesa: ekintzak eta ondorioak

XXVII Folklore Jardunaldiak - Iruñea,  2011eko urria-azaroa

Egitaraua
Hitzaldiak:  Erraldoien Txokoa - Descalzos 72. aretoa - 19:30h

Urria

Osteguna, 20
Mahai-ingurua: Materiarik gabeko ondarearen babesa; ekintzak eta ondorioak.

• Jose Manuel Eugi. Lantzeko Ihauteriak.
• Patxi Larralde. Arizkungo Ihauteriak.
• Juainas Paul Arzak. Ituren–Zubietako Ihauteriak.

Ostirala, 21

• "Introducción a la protección del patrimonio inmaterial". Susana Irigaray Soto: Nafar Gobernuko Museoen Atalburua. Nafarroako Museo Etnologikoaren Zuzendaria
• Gizateriaren Materiarik gabeko Ondarearen bi adibide: Binche (Beljika) eta Lapatum (Katalunia). Gautier de Winter: Société Gille Royale Les Réguénairesko Lehendakaria. Bincheko tradizioen aldeko Elkartearen Lehendakaria. Maska eta Ihauteriaren Museoaren Lehendakariordea. Albert Rumbo Soler: Historialaria. Bergako (Girona) Lapatumaren Patronat Municipaleko kidea.
  

Kontzertua

Azaroa

Osteguna, 17

• Paco Diez. (Valladolid, Espainia)
• Iberiako Musika tresna tradizionalak.

18.00etan. Iruñeko Planetarioa.
Sarrera doan

Aspaldidanik dabil UNESCO gerora deituriko Materiagabeko Ondarearen balioa goresten, honen gaineko sentsibilizazioa eta babesa sustatzen. Hiru xede hauetarako osatu zituen bere garaian (1999. urtean, alegia) arriskuan dagoen Ondare Ez-materialaren Zerrenda batetik, eta Ondare Ez-materialaren Zerrenda Adierazgarria, bertzetik.

Erran bezala, bi zerrenda hauek ondare mota honen inguruko kezka eta interesa pizte aldera osatu zituen. Bide honi jarraituz, 2003. urtean argitara eman  zuen Materiagabeko Ondarearen definizioa Ondare Ez-materialari buruzko Hitzarmenaren barruan. Bai Hitzarmenak, bai Zerrendek, eragin zuzena izan dute egun ondare honen inguruan erakunde publiko zein pribatuetan gauzatzen ari diren jardueretan, beti ere, estatu bakoitzean gertatzen diren kultur adierazpenak Zerrenda horietan sartzeko joerarekin. Bertzalde ere, estatuetako zein eskualdeetako kontzeptu berria legediak jaso du eta, honela, tokian tokiko folklorearen adierazpen ikusgarrienak legeek onar dezaketen estatusik “hoberena” aitortzen diete, beti komunikabideen jarraipen zorrotza eta eskuzabala  jasoz.

Hala ere, eta erakundeen jarduera-hazkuntza nabaria den arren, zilegi eta aproposa deritzogu ekintza horien hasierako xede eta ondorengo emaitzei buruz  galdetzeari. Izan ere, adierazpen tradizional horiek babesten ari gara? Tradizio horiek bizi eta aurrera eramaten dituzten erkidegoak inplikatu ditugu babes horretan? Produktu bat babesten ari gara, gauza bat? Hori da ondare ez-materiala, gauza bat? Izendapenen aurretik, helbururik ba al zegoen? Zein edo zeintzuk? Bete dira? Zein da/dira ondare ez-materialaren izendapenen eragina honelako jardueretan? Eta aktoreengan?

Zerrenda horien sorkuntzatik hamabi urte joan dira baina ezin suma daiteke ekintza administratibo eta politikoa susta dezakeen gizartearen jarrera garbirik; ez eta adierazpen folklorikoen protagonistek berek parte hartzeko eztabaida-gune baten sorkuntza ere.

ORTZADAR Folklore Elkarteak ondaretze zurrunbilo honetan atsedena hartzeko unea dela uste du. Honela, politikaren denboratik at, lasai iker genezake zerk eragiten duen zurrunbilo hori, prozesu hori, zeinak dudarik gabe bere eragina izanen baitu bai ondarearen eramaileek ondareari buruz duten ikuskeran, bai ondare horren eguneratzean ere.

Helburu honekin antolatzen ditu ORTZADAR Elkarteak XXVII. Jardunaldiak. Edizio honek duela bi urte planteatu eta iaztik ezarritako helburuei jarraituz,  eduki dibulgatiboak eta parte hartzaileak (mahai-inguruak, mintegiak, hitzaldiak...) lehenetsiko ditu bere antolaketan.

Informazioa: Ortzadar Euskal Folklore Elkartea