Dokumentuaren akzioak
Albisteak
Betiko dantzak plazan, denon eskura
Ikasturte berriarekin batera, Aiko dantza-taldeak Dantzaldi Ibiltaria jarriko du abian laster. Tradiziozko musika eta dantza suspertu, hedatu, zabaldu eta bergizarteratzeko elkartu dituen maisu- eta irakasle-taldea da Aiko. Proiektu eta ideia asko buruan, eta aurrera egiteko gogo sutsua... horiek Aikokideen balio nagusiak: Larraitz Artetxe, Patxi Laborda eta Sabin Bikandi.
Badator berriro Herrixa Dantzan: irailak 25, Espaloia kafe antzokian
Aurtengorako prestatu dugun proposamen tradizionala: 1. zatian, taldeko dantzak: gure saioetan ohiko bihurtu direnak, eta berriak ere bai. 2. zatian, baltseua. Herrixa dantzan, Espaloia kafe antzokian, Elgetan.
Dantzazale 2011 Monitoreen formakuntza
Dantzazale, folklore eta dantza tradizionaleko monitoreen formakuntza programaren lehen edizioak izan duen arrakastaren ondorioz (25 ikasleez gain, 18 pertsona zain geratu dira), jada programatua dugu aurtengorako bigarren edizioa.
Dantzaz konpainia Arcachoneko dantza jaialdiaren estreinaldian
Dantzaz konpainiak 2011/2012ko denboraldia Cadences Arcachon frantses hiriko nazioarteko dantza jaialdiko estreinaldi apartarekin hasten du. Gertakariaren arduradunek irailaren 20an izango den idekitze gaualdia konpainiari eskaini diote. Horrez gain, irailaren 25ean, jaialdiko azken egunean, "escale choregraphique" izeneko beste emanaldi berezi bat proposatuko dute.
Gure Dantzak, dantzari beteranoen jaialdia igandean Tuteran
Irailaren 18an, igandean, ospatuko da Tuteran Gure Dantzak, dantzari beteranoen laugarren jaialdia. Dantzari helduekin osatutako hamabost dantza talde iragarritako daude jaialdian, hamairu nafarrak eta bi gipuzkoarrak.
Natxo Montero eta Kukai Kolonbian, Manizaleseko jaialdian
Manizaleseko 33. antzerki jaialdian euskal ordezkariak dira Natxo Montero eta Kukai dantza konpainia. Irilaren 15etik 18ra bitartean hainbat emanaldi eskainiko dituzte bertan.
Ertzak aurkezten du: Act of God, Asier Zabaletaren pieza berri bat
Irailaren 17an Donostiako Gazteszena Aretoan, 20:00etan estreinatuko du Ertzak Asier Zabaletaren pieza berria: Act of God.
Tokian tokiko dantzak Basauriko Euskal Herriko Dantza Agerketan
Asteburu honetan ospatuko da Basaurin 39. Euskal Herriko Dantza Agerketa. Tokian-tokiko tradizioak eta dantzak gordetzen dituzten taldeak izan ohi dira jaialdi honetako protagonistak. Aurten Goizaldi dantza taldea, Zubietako joaldunak, Berrizko San Lorenzoko dantzariak, Lesakako dantzariak, Arbotiko Burgaintzi eta Gasteizko Indarra dantza taldea arituko dira irailaren 17an egingo den ekitaldi nagusian.
Hemen da Dantza Hirian 2011 jaialdia
Dantza hiri-guneetara eramaten duen jaialdia da Dantza Hirian, kalean, ikusle eta oinezkoen aurrean paratzen dena, eta dantza ez-ohiko eremuetan gozatzeko aukera ematen duena. Irailaren 16tik 25ra Eneko Alkaraz, La Vouivre, Ertza, Rootlessroot, Yiphun Chiem, Jesus Rubio edo Irunbreak-en emanaldiak izango dira Donostia, Irun, Donibane Lohizune, Errenteria eta Baionan.
Dokumentuaren akzioak
