Dokumentuaren akzioak
Albisteak
Folk Lore 2008 jaia apirilaren 5ean ospatuko da Iruñean
1996tik artero antolatzen du Amaiur Dantza taldeak Folk Lore jaia bere lagunei ongi etorria emateko. Helburua egun atsegina pasatzea da. Azken urteotan dantza talde, musikari, laguntzaile eta lagun ugari bildu gara, giro ezin hobea lortuz goizetik gauera.
Plegoaren dantzaren XIII. eguna ospatuko da Ablitasen
Datorren apirilaren 6an, igandean, dantzatuko da Ablitas-en Plegoaren dantza. Hiru eguneko ospakizunek borobilduko dute plegoaren egunaren inguruko festa. Ikusi albistean plegoaren dantzaren bideo bat.
Verdini dantza taldearen Argira ikuskizuna Usurbilen
Larunbat honetan, Sutegi Kultur Etxean, arratsaldeko 18:00etan Verdini Dantza Taldearen Argira ikuskizuna izango da. Ikuskizun honetan Isabel Verdinik planteatzen du minusbaliotasunak dituzten pertsonak gizarte honetan ez ote ditugun gehiegi babesten.
Dantza-ikasketa profesionalen curriculuma argitaratu da
2008ko martxoaren 14ko Euskal Herriko Agintaritzaren Aldizkarian argitaratu da Eusko Jaurlaritzako Hezkuntza, Unibertsitate eta Ikerketa Sailak prestatuta "dantza-ikasketa profesionalen curriculuma eta ikasketa horietan sartzeko probak" arautzen dituen dekretua. Hona dekretua osorik.
"Rest", Blanca Arrietaren lan berria Bilbon
Uzkina. Hondakina. Hondarrean geratu dena. Erabateko baretasuna. Guztia badago kolpez eta ferekaz beteta. Larrugorritan geratu ondoren. Guztia eginda ezer geratzen ez bada... orduan... zer?
Agintariena bandera espainolarekin dantzatzen zenekoa
Jakin badakigu, batzuk ezagutu dute, beste batzuk argazki zahar batzuetan ikusi dugu, baina bideo batean ikustea eta gainera Youtuben badago, beste gauza bat da... Frankismoko lehen urteetan Seccion Femeninako taldeek plazaratu zituzten dantza tradizionalak, eta horietako irudi bitxi batzuk ikusi ditzakezue ondoko bideoetan: poxpolin talde bat ezpatekin eta agintariena Espainiako banderarekin dantzatzen, neska talde bat Oñatiko dantzak egiten, e.a.
Mihimena ikusgarria prestatzen ari da Arrola dantza taldea
Baigorriko dantza taldea ikuskizun berri bat prestatzen ari da buru-belarri. Mihimena du izena ikusgarriak eta Baigorren bertan estreinatuko da 2008ko apirilaren 12 eta 13an, Basaizea elkarteak antolatu ohi duen kulturaldiaren baitan.
Itziar Mendizabal elkarrizketatuko dute Forum-en
Datorren martxoaren 5ean, asteazkenean, goizeko 9:00etan, eskainiko dute ETB2ko Forum programan David Barbero eskarmentudun kazetariak Leipzig-eko Baleteko dantzari bakarlariari, Itziar Mendizabali egindako elkarrizketa.
Aukeran-ek 10. urteurrena ospatzeko jaialdia egingo du
Edu Muruamendiaraz-ek zuzendutako Aukeran konpainiak jaialdi berezia antolatu du taldearen 10. urteurrena ospatzeko. Datorren martxoaren 29an izango da, 19:30ean, Victoria Eugenia antzokian.
Berrizko dantzei buruzko DVDa egin du Bizkai elkarteak
Iazko Durangoko Azokatik salgai daukaten arren, Bizkai Euskal Folklor Elkarteak orain aurkeztu du Berrizko Folklorea, Durangaldeko herri horretako dantzari-dantza eta soka-dantzari buruzko DVDa. Urte eta erdiko lanaren emaitza izan da, besteak beste hamaikatxo grabazio egin behar izan dituztelako Bizkaiko kideek, batik bat asteburuak erabiliz horretarako.
Dokumentuaren akzioak
