Dokumentuaren akzioak
Bi iruindar Arraten, beste behin
Duguna - Iruñeko dantzariak
Leire Leza eta Julen Fagoaga Arrateko zelaixan, atzoko entsaioan
Lanez gainezka baina poz-pozik hasi dugu ikasturte berria. Bihar, esate baterako, indarrak bikoiztu eta Batasunaren Pribilegioaren ospakizunetan dantzatuko dugu Iruñean, baina baita Eibarko Arrateko ezpata-dantzan ere. Eta hori bai pribilegioa! Izan ere, uztaila aldean Eibarko Kezka dantza taldekoen gonbidapena jaso genuen eta guk esker onez onartu.
Leire Leza eta Julen Fagoaga izanen dira oraingoan gure ordezkariak Arrateko zelaixan. Arrateko ezpata-txikien jokoa dantzatuko dute kapera barruan, Arrateko amaren aitzinean eta belardian. Gipuzkoako ezpata-dantza ere bai. Azken lan honetan Aritz Ibañez ere batuko zaie. Ondotik, Leire Lezak brokel-makilen jokoko buruzagi zortzikoa dantzatuko du.
Eibarren gonbidatuta ariko garen bigarren aldia dugu honakoa - 2009. urtean Aritz Ibañez aritu zen ezpata-txiki Mikel Legorburu, Gari Otamendi eta Egoitz Krutxagarekin batera-. Eibartarrek halako xarma bat ematea lortu dute haien ezpata-dantzari gonbidatuekin izaten duten tratu finarengatik, baina benetako ohorea lagunen artean dantzatzea da. Beraz, lehenengo gonbidapen harekin ohoratuak sentitu baginen, zer esan bigarren honekin. Dugun onena ematen saiatuko gara, esker onez.
Dokumentuaren akzioak
Erantzun
Duguna - Iruñeko dantzariak
Iruñeko udalak 1949. urtean sortu zuen gure taldea, hiriko antzinako dantza usantzak gogoan, euskaldunon hiri buruzagiko zeremonialetan dantzan aritzeko. Sanson Galante eta Joanes Larraintzarkoaren oinordeko sentitzen dugu gure burua.
Duguna - Iruñeko dantzariak
Maiatzaren 2a karrika, 9 behea
31001 - Iruñea
Tfnoa: +34 657 33 29 44
duguna@duguna.eus
Jasotako azken erantzunak
- Aurtzaka dantza taldea on Auzo bat dantzarako: Igartzako egunean aritu gara ezpata-dantzari
- Kezka dantza taldea on Aurtengo San Juan bezperako soka-dantza, Kezkari esker onez
- Aritz Ibañez Lusarreta on Odol berria San Blaseko soka-dantzan
- Oier Araolaza on Odol berria San Blaseko soka-dantzan
- Kezka dantza taldea on Aspaldiko partez, Maulen!
- Aritz Ibañez Lusarreta on Sagrario Aranburu Olasagarre zendu da
- Dantzan on Sagrario Aranburu Olasagarre zendu da
- Aritz Ibañez Lusarreta on Angel Etxaniz "Veneno" zendu da.
- Kezka dantza taldea on Angel Etxaniz "Veneno" zendu da.
- Patxi Montero on Eta trokeo dantzak plazaratu genituen! 2017/09/05
