Dokumentuaren akzioak
2013ko San Ferminen kronika
Duguna - Iruñeko dantzariak
Uztailaren 6a eguzkitsu heldu zen, dantzarako giro ezinago goxoan. Korteseko paloteadoko dantzak eta Lasarte-Oriako Sorgin-dantza dantzatu genuen guk Foruen plazako emanaldian. Korteseko dantzak neskek dantzatu zituzten eta Sorgin-dantza neskak mutil-jantzita eta aldrebes, ohi den bezala.
Gure musikarietako batzuk dantzei doinua jarri zienetakoak izan ziren ere!
Uztailaren 7an prozesioa, guretako esanahi berezia duena. San Fermin hiriko hiru burgo zaharretatik lagundu ostean, udal plazan dantzatu genuen. Lesakan zubi-gainekoa dantatzen ariko ziren ordu beretsuan, guk ere Lesakako dantzak egin genituen udal-plazan. Gero gainontzeko neskek Gipuzkoako uztai-txikiena eta makil-handiena ere dantzatu zuten.
Emanaldi berezia izan zen guretako, izan ere, Eder, aspaldiko partez berriz izan baikenuen dantza-lagun. Biba hi!
Aste beteko "oporraldia" heldu zitzaigun ondotik. Hurrengo zita, San Ferminetako tristeena, zortziurrena, uztailaren 14ean. Tristea festak amaitzear baitoaz, eta arropaz aldatzera goazenean, esaterako, entzierrorako hesiak dagoeneko desmontatuak baitaude.
Udaletxetik San Lorenzo elizarako bidea egin eta desegin ondotik, mukuru betetako udal plazan dantzatu genuen beste behin. Lehenago neskek erraldoiekin eta estuago kilikiekin, "La Dominguera" izeneko jota. Ondotik, neskak eta mutilak elkarrekin Larrain-dantza egin zuten
San Ferminak bukatu eta berehala heldu ziren Tuterako festak ere, baina horko berri hurrengo batean!
- San Ferminetako argazki sorta bat hemen (Urko Ranera eta Flor Ezker)
Dokumentuaren akzioak
Erantzun
Duguna - Iruñeko dantzariak
Iruñeko udalak 1949. urtean sortu zuen gure taldea, hiriko antzinako dantza usantzak gogoan, euskaldunon hiri buruzagiko zeremonialetan dantzan aritzeko. Sanson Galante eta Joanes Larraintzarkoaren oinordeko sentitzen dugu gure burua.
Duguna - Iruñeko dantzariak
Maiatzaren 2a karrika, 9 behea
31001 - Iruñea
Tfnoa: +34 657 33 29 44
duguna@duguna.eus
Jasotako azken erantzunak
- Kezka dantza taldea on Aspaldiko partez, Maulen!
- Aritz Ibañez Lusarreta on Sagrario Aranburu Olasagarre zendu da
- Dantzan on Sagrario Aranburu Olasagarre zendu da
- Aritz Ibañez Lusarreta on Angel Etxaniz "Veneno" zendu da.
- Kezka dantza taldea on Angel Etxaniz "Veneno" zendu da.
- Patxi Montero on Eta trokeo dantzak plazaratu genituen! 2017/09/05
- Elai Alai Kultur Elkartea on Dantza propioak izanen dituzte Iruñeko Sanferminek aurtendik goiti 2017/06/27
- Aritz Ibañez Lusarreta on Hara, Olentzero!!!! 2014/12/24
- Fernando Oiartzun on Hara, Olentzero!!!! 2014/12/24
- Iker Tubia Barberia on Iruñeko dantzarion agenda Sanferminetarako 2016/07/05
