Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Dantzan

Orain arteko ekarpenak

Markina-Xemein: Karmen 2020 aurreskua

2020/07/22

Emakumeak ere sokan eta kalez kale geldialdiak eginez plazaratu dute aurtengoan Karmen Eguneko aurreskua Markina-Xemeinen. Covid-19a dela eta jende pilaketak saihesteko leku finkoan egin beharrean karrika-dantza modura kaleratu dute aurreskua. Udaletxeko plazan atera dute soka eta lehengo desafioa dantzatu dute. Goiko Portala kalean behera abiatu eta Zear kaletik Abesua kalera iritsi dira. Bertan aurreskuak eta atzeskuak agurrak dantzatu dituzte eta sokara ikusleak gonbidatuta udaletxeko plazara itzuli dira. Bukatzeko azken desafioa, fandango eta arin-arina eta biribilketarekin bukatu dute. Segurtasun neurriak hartuta dantzatu dute dantzariek, maskarak aurpegian eta elkarri eskutik eman beharrean zapien bidez lotuta. Egoera berezia aprobetxatu eta emakumeek ere hasierako sokan parte hartu dute. Irudiak eta edizioa: Idoia Lahidalga. Aurreskua, Karmen, Markina-Xemein, 2020-07-16.

Node: Emakumeak

2020/07/20

Dantzak, dokumentalak eta nobela grafikoak osatzen dute Emakumeak proiektua eta helburua da El Salvadorreko emakumeek abortuagatik edo erditzen izaten dituzte arazoengandik jasotzen dituzten kartzela zigorrak mahaigaineratu eta kritikatzea. Myriam Perez Cazabon eta Jone Amezaga dantzariek gorpuzten duten koreografia taldean sortu dute. Hasieran, mahai gainean jarri zituzten egoerak haiengan sortzen zituen sentimenduak, hitzak, irudiak eta horiei buelta batzuk emanda sortu dute pieza. Ostiralean plazaratu du Tabakaleran NODE konpainiak Emakumeak dantza pieza.

“Bi emakume eszenan, irmo eta ausartak. Bidaia inposatu eta bortxatu bat egitera behartuak, baina elkarrekin, askatasunean amaiera bat lortzen dute”. Alde batetik Salvadorreko hainbat emakumek jasaten duten zama erakusten dute eta bestetik horren aurrean egin duten borroka eta elkarri laguntzeko eraiki duten komunitatea. Abortu delitua egotzita espetxeratu dituzten emakumeak gogoratu eta omentzeko sortu dute proiektua.

Antzezleak: Myriam Perez Cazabon, Jone Amezaga. Koreografia: Myriam Perez Cazabon. Musika originala: Aranzazu Calleja. Jantziak: Clara Virgili. Filmmaker: Jesus Lacorte. Zuzendaritza: Ion Estala. Emakumeak, NODE, 2020-07-17.

Markina-Xemein: Karmen 2020 aurreskua

2020/07/17

Berritasunez betetako aurreskua kaleratu dute Karmen Egunean Markina-Xemeinen. Pandemia dela eta ikusleen eta dantzarien arteko segurtasun distantziak mantentzeko kalez kale dantzatu dute aurreskua eta dantzariek zapiak eta maskarak erabili dituzte. Egoera berezia aprobetxatu eta ikusita guztiz moldatu behar zutela dantza emakumeek aurreskuan parte hartzeko pausoa ere eman dute. Argazkiak: Amaiur Aristi. Aurreskua, Karmen, Markina-Xemein, 2020-07-16.

Emakumeak dantza pieza sortu du NODE konpainiak

2020/07/16

NODE konpainiak pieza berria aurkeztuko du ostiral honetan, uztailaren 17an, 20:30ean Tabakalerako Kutxa Kultura Plazan. Myriam Perez Cazabon eta Jone Amezaga dantzariek dantzatuko dute taldean sortu duten 18 minutuko koreografia. LABO GO egitarauaren 23. edizioaren barruan aurkeztuko da lana. D...

Gehiago irakurri

Iruñea: San Fermin 2020 zinta-dantza

2020/07/15

Uztailaren 14arekin, ez-sanferminak bukatu dira bart. Dena normal izan balitz, Dugunako dantzariek trokeo-dantzak dantzatu izanen lituzkete atzo eguerdian, Iruñeko udal plazan. Ezin izan dute ordea, eta beraz, uztailaren 7an egin bezala, bideoa sareratu dute, zinta-dantzarena hain zuzen, dantzarik falta izan ez zedin sanferminen zortziurrenaren egunean. Irudiak: Mikel eta Santi Legaristi. Edizioa: Mikel eta Iñaki Tristan. Zinta-dantza, San Fermin, Duguna, Iruñea, 2020-07-14.

Zumarraga: Santa Isabel 2020 ezpata-dantza

2020/07/14

Adirane Peñagarikano Zumarragako ezpata-dantzariak azaldu dizkigu Santa Isabel egunean Antioko ermitan azkendariek dantzatzen dituzten puntuak. Belauniko jarrita hasten dira ezpatak dantzatzen Ama Birjinaren aurrean. Ezpata-dantzari taldea ermitaren barruan dela, aurrena kapitainak dantzatzen du, eta jarraian gainontzeko kapitainek banan-banan. Horiek ezpata-txikiak esku banatan dituztela Ama Birjinaren aurrean belaunikatuta ezpatekin mugimendu zirkularrak egiten dituzte, gero jaiki eta zortzikoa dantzatzen dute eta bukatzeko ezpatak berriz ere dantzatzen dituzte oinak dantzatuz hiru aldetara mugitzen doazen bitartean. Irudiak: Idoia Lahidalga. Santa Isabel, ezpata-dantza, tutoriala, Zumarraga, 2020-07-02.

Lekeitio: San Pedro 2020 Kaxarranka Asier Uskolaren oinetan

2020/07/10

2003. urtetik dantzatzen du Kaxarranka Lekeition Asier Uskolak. 34 urtez dantzatu zuen Pedro Murelagaren eskutik jaso zuen erreleboa. Uskolak 18. aldiz dantzatu du aurten, adin nagusitasuna beraz dantzan. Kaxarranka nola dantzatzen den azalduz tutoriala grabatzeko eskaera egin diogu, baina erantzun digu berak nola dantzatzen duen azalduko digula, ez "kaxarrankaren tutoriala". Izan ere, kaxarrankak, beste dantza batzuk bezala, badu egitura bat, baina horren baitan, dantzari bakoitzak bere interpretazio pertsonala egiten duela defendatzen du Uskolak, eta berak dantzatzen duen modua ez dela kaxarranka egiteko modu bakarra, Asier Uskolaren dantzatzeko modua baizik. Hona ba kaxarranka Asier Uskolaren oinetan. Irudiak: Idoia Lahidalga, Lekeitioko Udala. Edizioa: Idoia Lahidalga, Kaxarranka Asier Uskolaren oinetan, Lekeitio, 2020-06-29.

Santurik gabeko Tuterako Alde Zaharreko Paloteadoa

2020/07/09

Hiru urte dira Tuterako Alde Zaharreko paloteadoa kaleratu zutela. Aurten ezin izan dute bere horretan plazaratu, baina ez pentsa Alde Zaharreko auzokideak geldirik geratu direnik: "Hemen gaituzue berriz, Entzun Tuterako herria: Paloteaua ez du akatuko Covid hemeretziak". Aurtengoan bideotxo bat pr...

Gehiago irakurri

Iruñea: San Fermin 2020 makila handiena

2020/07/09

Aurtengo Iruñeko Sanferminak bertan behera geratu badira ere, Dugunako dantzariek eta gaiteroek ez dute uztailaren 7ko egun berezia dantzatu eta jo gabe pasatzen utzi nahi izan. Trokeo-dantzak ematen dituzte Sanfermin egunez eta dantza sorta horretako makil-handienaren grabazioa sareratu dute, joandako uztailaren 7an. "Iruñeko ferietan" kantu-doinu ezagunak laguntzen du dantza hau eta sanferminetako haien bi dantzaldietan eman ohi dute Iruñeko udal plazan. Honakoan, Berueteko ostatu aurreko enparantzan egin dute dantzaldia, ikuslerik gabe eta maskarak aurpegian. Irudiak: Santi eta Mikel Legaristi. Muntaia: Iñaki Tristan. Makil handiena, San Fermin, Duguna, Iruñea, 2020-07-07.

Tutera: Alde Zaharreko paloteado konfinatua 2020

2020/07/06

Tuterako Alde Zaharrean ezin izan dute paloteadorik eman aurtengoan, baina bideo hau prestatu dute dantza zatitxo batzuekin eta propio sortutako bertsoekin. 2018an estreinatu zuten Alde Zaharreko paloteadoa eta aurten hirugarren aldiz plazaratzekoak ziren. Prestaketen erdi-erdian harrapatu ditu konfinamenduak, ondorioz bertan behera gelditu dira entseguak eta azken emaitza ezin izan da eskaini kalean. Hala ere, azken momentuan zati txiki bat grabatzera animatu dira. Maskarak soinean dituztela, Padre Baztan parkean egin dute grabaketa ikuslerik gabe. Entseatu ere egin gabe dantzatu dutela azaldu digute, bertsoak pare bat egun lehenago prestatu eta erdi inprobisatu dute dena. Karrika-dantza, palitroke eta zinta-dantzaren zatiak dantzatu dituzte. Grabaketa ekainaren 27ko arratsaldeko 20:00etan argitaratu eta zabaldu dute, berez paloteadoa kaleratuko luketen egunean eta orduan. Irudiak: Paloteado Tutera, Sergio Miramon. Itzulpena: Dantzan.eus. Tuterako Alde Zaharreko paloteado konfinatua, Tutera, 2020-06-27.

Orain arteko erantzunak

Dantzan.com on Maskaraden inguruko galderak Zuberoako Mihia Pitz telebistako lehiaketa berrian

2013/10/14

Maskaradetan emakumeek lehen aldiz non eta noiz parte hartu zuten galdearen inguruan idatzi digu Marcel Bedaxagarrek. Hauxe esaten digu: "Ene ustez, egün bat baizik ez züen egin Barkoxen. Eta ondotik, ez da emazterik izan maskaradetan 31 urtez. Urdiñarben ziren berriz agertü eta geroztik beti hor dira, salbü Eskiulan, herri horrek emazteen maskaradak egin ondoan, gizonenak egin beitzütian urte zonbait berantago (Gamere Ziihigako aitzineko maskaraden ber urtean eta ber ihautean).

Dantzan.com on Areatza: Aurreskua 1925

2013/09/18

Bideo honen harira, Sojok bere jaioterrira egindako bisitaren berri ematen zuen ABC egunkariko albistea aurkitu du @jabiortega -k eta twitter bidez konpartitu du. Hauxe dio testuak:
ABC, Viernes 5 de Febrero de 1925
Vascongadas
El Dr. Sojo en Bilbao
Bilbao 5, 11 noche. El ilustre periodista argentino doctor Sojo visitó hoy Villaro, donde nació su madre, presenciando las fiestas típicas que se organizaron en su honor. Por la tarde verificó una visita a la casa paterna, existente en Castrejana. Esta noche, sus amigos obsequiaron al director de La Rasan, de Buenos Aires, con ana comida en el Club Náutico, a la qne. asistieron el presidente de la Diputación, el alcalde y el cónsul de la Argentina.

Dantzan.com on Non izan zarete uda honetan dantzan?

2013/09/03

Jon Iruretagoienak hauen berri eman digu <dantzan> posta zerrendan: "Ixtorio Mixtorio ikusgarria Bretaniara eraman genuen Maritzuli konpainiarekin, Xinkako (Bidarte) eta Eraiki (Behobia) taldeekin. Guingamp eta Pontivy-n eman genuen. Hendaiako Akelarre taldea eta behobiako eraiki dantza taldea, IDB ek lagundurik, Bretaniara joan ziren, Concarneau-ko "les filets bleus" festibalean parte hartzeko."

Dantzan.com on Non izan zarete uda honetan dantzan?

2013/09/03

Jakin dugunez Donostiako Kresala dantza taldea Ambert-en izan da, Frantzian.

Dantzan.com on Non izan zarete uda honetan dantzan?

2013/09/03

Eskerrikasko Ander! Sartu dugu zerrendan.

Dantzan.com on Dantzargazkia 001: Maskaradak Sohütan 1934an

2013/08/14

Hona Marcel Bedaxagarrek emandako zenbait argibide: "Ene ustez xorrotx bata (eskerrekoa) Marcellin Heguiaphal daiteke. Pastoral errejent familia handi batetakoa et bera ere errejent izana. Azkena 1984 ean Sohütan, "Aimunen lau semeak". 1996 an zendürik. Gure Irratiko Mattin Larzabal eki algarizketatü günian 1982 an. Maskarada horik aipatü zeizkün. Ez dütüt oro gogoan orai. Orain segür niz xuriz den eta argazkian ageri den motiko gaztea beti bizi dela! Ferdinand Morot deitzen da eta Sohütan da beti. Diala 15 egün, pastoral mustrakan zen."

Dantzan.com on Dantza ekitaldiak Herri Urratsen

2013/05/20

Mila esker Johañe. Egin dugu zuzenketa. Ondo segi!

Dantzan.com on Dantzargazkia 001: Maskaradak Sohütan 1934an

2013/04/30

Mila esker Mikel! Buhameek fusila eramatea ohikoa zela ikusten dugu beraz. Aipuak bat datoz Karlos Irujok eta Jon Iruretagoienak esandakoekin, eta argazkiak erakusten du Artzaina, bildotsak eta hartza gerora ere agertu izan zirela maskaradetan. Kapela konikoak monografiko baterako emango luke!

Dantzan.com on British Pathé, filme zaharren gordailua dantzaz beteta

2013/02/21

Juan Antonio Urbeltz-ek ere horixe aipatu du, Gene Yurre izan daitekeela Llangollen-eko bideoan 0:56an ageri den euskal dantzaria. Bestalde, Mikel Goitia konturatu da beste bideo honetan, "48 segundutik aurrera, Andra Mari Eusko Dantzariko dantzariak" agertzen direla eta "Euren artean lehenengoa Kepa Artetxe".
http://www.britishpathe.com/[…]/llangollen
 
Dantzan

Dantzan

dantzan 2001. urtean sortu zen eta 2003tik dantzan.com dantza sustatu eta hedatzeko elkarteak kudeatzen du.


Babestu dantzan.com