Orain arteko ekarpenak
2011ko lehen maskaradak igandean Santa-Grazin
2011/02/03
Aurten otsailaren lehen igandean hasiko dira maskaradak Santa Grazin. Herri horretako gazteek dute maiatzaren 15a bitarte astebururo maskaradak eskaintzeko ardura. Guztira hamabost emanaldi, ohiturari jarraituz lehena eta azkena Santa Grazin bertan izango dira.
Euskal dantzen ikastaroa hasi da Berlineko Euskal Etxean
2011/02/03
Ia 40 lagun elkartu ziren pasa den ostiralean Berlinen, euskal dantzen ikastaroaren lehen saioan. Pasa den urrian jarri da martxan Euskal Etxea Berlinen, eta abian jarritako jardueren artean euskal dantza ikastaroa dago. Mikel Aristegi hasi da koordinatzaile lanetan. Lehen saioaren berri ematez gain bideo bat helarazi digu Unai Lauzirikak.
Mundu mailako dantza txapelketa Sadler´s Wells antzokiak antolatuta
2011/02/02
Londreseko Sadler´s Wells antzokia mundu mailan punta-puntako agertokietako bat da dantzarientzat. Antzerki horrek Internet bidez egingo den mundu mailako txapelketa batetarako deialdia egin du edozein dantzari edo dantza talderentzat. Parte-hartzeko bideo bat grabatu eta Youtubera igo besterik ez da egin behar.
Dantza sustatzeko Jaurlaritzaren 2010ko diru-laguntzak
2011/02/01
Koreografia sorkuntzarako, dantza lanen ekoizpenerako, bira artistikoetarako eta formakuntzarako 2010an eman dituen diru-laguntzen zerrenda argitaratu du Eusko Jaurlaritzak. Denera 365.000 Euro eman ditu deialdi honetan Eusko Jaurlaritzak, iaz baino 14.000 gehiago.
Dantza eta Hezkuntza hizpide Katalunian
2011/01/28
Katalunian, joan den uztailean, dantza eta hezkuntzaren inguruko lehen jardunaldiak ospatu ziren. Jardunaldi horiek dantzaren inguruko profesionalek eskola eta institutuetan izandako hartu-emanen ezagutzea eta trukaketa zuten helburutzat, eta orain, Dansacat.org web orrialdean jardunaldi horietan esandakoaren laburpena jaso dute.
"Panderuaren gizona": Traspasos berriz dantzan
2011/01/26
Traspasos konpainiak eta Mikel Urdangarinek 2009an estreinatu zuten "Nora" ikuskizuna. Emanaldi berri horrekin, eta urte batzuetan antzerkian aritu ondoren, bere sorrerako oinarrietara itzuli zen konpainia gasteiztarra eta dantzari ekin zion. Lan horren emaitzaren zati bat sarean ikus daiteke orain.
Otsailean hasiko da Natxo Monteroren azken lanaren bira
2011/01/25
"Carni di prima qualità" da Natxo Monteroren azken lana. 2009ko abenduan estreinatutako lan honek, jadanik, Madrileko XXIII. koreografia lehiaketan 2. saritua izan da eta Bartzelonako La Caldera sorkuntza gunean egoitza programa eskuratu du. Otsailean, lan horren birarekin hasiko dira Gasteizen.
The Placen ikasteko sarrera-proba martxoan Bilbon
2011/01/24
The Place, Londresen dagoen dantza garaikideko eskola entzutetsua da. Dantza eskola garrantzitsu horretan sartzeko audizioak egingo dira Bilbon datorren martxoaren 6an. Audizioan hautatua gertatuz gero Europako Batasuneko beka ziurtatuta izaten da.
Yo, Tempomobile dantza konpainiaren ikuskizun berria
2011/01/24
Pasa den urtarrilaren 22an Iruñeko Tempomobile dantza konpainiak eta Mikel Gaztelurrutia hirukoteak "Yo", euren azken lana, estreinatu zuten. Datozen asteetan beste lau emanaldi eskainiko dituzte Iruñerriko eskualdean.
Hemen dira 2011ko inauterien datak!
2011/01/21
Abian dira 2011ko inauteriak, Eratsunen adibidez joan den asteburuan. Maskaradak, aldiz, otsailaren lehen asteburuan abiatuko dira eta datozen egunotan han eta hemen helduko diote neguko festa koloretsuenari. Toki batzutan hasita eta beste batzutan hasteko daude beraz inauteriak, ihauteriak, ihoteak, aratusteak, aratostiak, karnabalak,... Hona inauteri interesgarri sorta baten egutegia.
Orain arteko erantzunak
Dantzan on Barry Lyndon (1975): Goizeko ihintza dantzan
2019/04/24
Eskerrik asko zuzenketagatik Aitor! Bistan da oker jarri dugula.
Dantzan on Inauteriak 2019 oinarrizko egutegia
2019/01/22
Eskerrik asko ekarpenagatik!
Inork hitzordurik faltan botatzen badu, idatziguzue mesedez dantzari@dantzan.com helbidera informazioa eta argazkiren bat bidaliz eta gustora gehituko dugu inauteri egutegian.
Inork hitzordurik faltan botatzen badu, idatziguzue mesedez dantzari@dantzan.com helbidera informazioa eta argazkiren bat bidaliz eta gustora gehituko dugu inauteri egutegian.
Dantzan on Biarritz 1934 Euskal dantza jaialdia
2019/01/17
Durangaldeko dantzarien saioa xehe aztertuta honako argibide, zalantza eta xehetasunak aipatu dizkigu Durangaldeko dantzari batek:
"Durangaldekoak direnarekin guztiz seguru ere ez nago, baina pausukeragaitik oso gureak ikusten ditut. Bestalde Garaiko taldearen inguruan banderaren antzekotasuna (https://pbs.twimg.com/media/DjBgm-nXsAA0Rjo.jpg) eta 'eskas'etan hartzen duten kokapenak (https://www.youtube.com/watch?v=WCzNVC7mi78) kontuan hartuta kointzidentzia gehiegi iruditzen zait Garaikoak ez izatea.
Berriztarrekin, aldiz, zalantza asko ditut zeren haien bandera, antza gerra garaian desagertu zen, gainera 'Durangerriko banderak' liburuan aurkitu dudan argazkian beste kolore bat ikusten diot. Agian Izurtzako bandera izan daiteke? Izurtzakoena ere antza gerra garai inguruan desagertu zen. Honetan denean hobeto dakiena Jon Irazabal Agirre liburuaren autorea da egia esateko.
Pausoen xehetasunen inguruan lehenik, lehenago erakutsi zenuten bideo honekin konparatuz: https://dantzan.eus/[…]/berriz-dantzari-dantza-1923-1928. Alde ugari ikusten dizkiot. Hasteko Biarritzekoan askoz leku txikiagoan ikusten ditut (gaur egun egiten den bezala) eta bideo zaharragoan, bai eta hainbat argazki zaharretan askoz ere espazio zabalagoan daude kokaturik.
Hastean ezpatekin agurtzean Biarritzekoan bata bestea zapalduz dabiltzala esan daiteke. Orokorrean koordinazio gutxiagorekin edo egiten dute dantzan. Bandera eragitearena, aldiz, gaur egun guk jaso dugun bezala egiten dute: 3 buelta ezkerrera, 3 eskumara eta 3 ezkerrera musika doinua jarraituz. Aldiz, bandera eragitean ezpata bandereroaren makila dagoen lekuan uzten dute. Bestetik puntapioa jasotzean batzuetan ez dute guztiz jasotzen, Berrizko bideo zaharragoan aldiz bai. Eta 'buelta' ere batzuek gaur egundaino heldu zaigun 3 pausuetan egiten dute (berrizko bideo zaharragoan bezala) eta beste batzuek aldiz edonola.
Puntapio eta grabiletetan barietatea ikusten bada ere, nik dantza hauek errekuperatzen ibili zirenei beti entzun izan diet jende zaharrak beti puntapioa denbora bitan (lehenengo belauna altxatuta) eta grabiletea aurretik egiten zela ziotela.
Bestalde, 5:05 ean eta 5:41 eta 5:44 etan behean golpea jotzean saltorik ez egitea ere bitxia iruditu zait. Berrizkoek (https://www.youtube.com/watch?v=eSYw1--zlwM) ( 2:19 segundoan) antza bai egiten dutela horrela.
Azkenik, janzkera garai horretako argazkietan ageri dena da. Txalekoa, 'siemprebibie'... galduak. Ezpaten eta makilen luzera Durangaldean ohikoena izan den bezala ikusten ditut."
"Durangaldekoak direnarekin guztiz seguru ere ez nago, baina pausukeragaitik oso gureak ikusten ditut. Bestalde Garaiko taldearen inguruan banderaren antzekotasuna (https://pbs.twimg.com/media/DjBgm-nXsAA0Rjo.jpg) eta 'eskas'etan hartzen duten kokapenak (https://www.youtube.com/watch?v=WCzNVC7mi78) kontuan hartuta kointzidentzia gehiegi iruditzen zait Garaikoak ez izatea.
Berriztarrekin, aldiz, zalantza asko ditut zeren haien bandera, antza gerra garaian desagertu zen, gainera 'Durangerriko banderak' liburuan aurkitu dudan argazkian beste kolore bat ikusten diot. Agian Izurtzako bandera izan daiteke? Izurtzakoena ere antza gerra garai inguruan desagertu zen. Honetan denean hobeto dakiena Jon Irazabal Agirre liburuaren autorea da egia esateko.
Pausoen xehetasunen inguruan lehenik, lehenago erakutsi zenuten bideo honekin konparatuz: https://dantzan.eus/[…]/berriz-dantzari-dantza-1923-1928. Alde ugari ikusten dizkiot. Hasteko Biarritzekoan askoz leku txikiagoan ikusten ditut (gaur egun egiten den bezala) eta bideo zaharragoan, bai eta hainbat argazki zaharretan askoz ere espazio zabalagoan daude kokaturik.
Hastean ezpatekin agurtzean Biarritzekoan bata bestea zapalduz dabiltzala esan daiteke. Orokorrean koordinazio gutxiagorekin edo egiten dute dantzan. Bandera eragitearena, aldiz, gaur egun guk jaso dugun bezala egiten dute: 3 buelta ezkerrera, 3 eskumara eta 3 ezkerrera musika doinua jarraituz. Aldiz, bandera eragitean ezpata bandereroaren makila dagoen lekuan uzten dute. Bestetik puntapioa jasotzean batzuetan ez dute guztiz jasotzen, Berrizko bideo zaharragoan aldiz bai. Eta 'buelta' ere batzuek gaur egundaino heldu zaigun 3 pausuetan egiten dute (berrizko bideo zaharragoan bezala) eta beste batzuek aldiz edonola.
Puntapio eta grabiletetan barietatea ikusten bada ere, nik dantza hauek errekuperatzen ibili zirenei beti entzun izan diet jende zaharrak beti puntapioa denbora bitan (lehenengo belauna altxatuta) eta grabiletea aurretik egiten zela ziotela.
Bestalde, 5:05 ean eta 5:41 eta 5:44 etan behean golpea jotzean saltorik ez egitea ere bitxia iruditu zait. Berrizkoek (https://www.youtube.com/watch?v=eSYw1--zlwM) ( 2:19 segundoan) antza bai egiten dutela horrela.
Azkenik, janzkera garai horretako argazkietan ageri dena da. Txalekoa, 'siemprebibie'... galduak. Ezpaten eta makilen luzera Durangaldean ohikoena izan den bezala ikusten ditut."
Dantzan on Oñati 2018 Eusko Ikaskuntzak 100 urte: aurreskua
2018/11/28
Eskerrik asko zure iruzkinagatik Patxi. Desafio gurutzatuari buruz Oñatikoek eman dezakete argibide gehiago, baina Oñatiko aurreskuan ohikoa den koreografia da hori, alegia, horrela egiten dela normalki, ez zen ezer berezirik egin agintariei begira. Kasualitatea izan zen agintariak parean egotea, ze teorian, hor ez, baizik eta sokan izan behar ziren.
Dantzan on Brokel-dantza bat Arrasaten 1845 urtean
2018/10/08
Pierre, Mikelek aipatzen duen artikulua honakoa da: https://dantzan.eus/[…]/beasaindarrak-ziren-dantzariak
Dantzan on Zarautz: San Pelaio 2018 Oilasko biltzea
2018/07/10
Eskerrik asko Xabier abisuagatik, despistea izan dugu. Aldatu dugu.
Dantzan on Dantzei buruzko aipu bat Belako zaldunaren bi eskuizkributan
2018/06/18
Xabier Itzainak Ekaitz Santaziliaren lan honen haritik sarrera bat egin du: https://dantzan.eus/kidea/itzaina/kanbo-1727
Dantzan on Altzürükü 1982 Urdiñarbeko maskaradak
2018/04/18
Marcel Bedaxagarrek bideoari buruzko honako oharra bidali digu: "1982ko maskaraden bideoan (Urdiñarbetarrak Altzürükün) Gabota emaiten düen dantzariak Altzürükütarrak dütük (ahatzerik nüan hori eman züela). Urdiñarbeko gatüzainak ez dik seküla bunet gorririk üken! interresgarriena dük zibilez ari den dantzaria Jakes Abehera (Jaragoyhen) dela, Xiberoko dantzari ejerrenetarik eta hoberenetarik izan dena!"
Dantzan on Gaurtik aurrera dantzan.eus-eko bideoak telebistan
2018/03/28
Zozketan bi pertsonek hartu dute parte eta guk bi Chromecast ditugunez eskura, biak zorteko! Zorionak Imanol eta Iker, Chromecast bana zuentzat. Hemendik aurrera dantzan.eus-eko bideoak telebistaz ikusteko aukera ere izango duzue. Zuzenean jarriko gara harremanetan zuekin.
Dantzan on Sara Montiel euskal erromeria batean dantzan 1962
2017/11/21
Jon Mayak idatzi digu dantzan ari denetako bat bere aitona Felipe Maya dela esanez.
