Orain arteko ekarpenak
Donostiako inauteriak Eresbilen webgunean
2013/01/23
Raimundo Sarriegiren heriotzaren 100. urteurrena dela eta musikagile donostiarraren inguruko dokumentazio aberatsa bildu du Eresbilek bere webgunean. Tartean inauteriei buruzko atal bat da, eta bertan Donostiako hainbat inauteri-dantzen inguruko informazio eta irudi sorta argigarria: kaldereroak, inude eta artzaiak, lorezainak eta abar.
Inauteriak 2013 oinarrizko egutegia
2013/01/21
Beskoitzen urtarrileko lehen asteburuarekin batera abiatu dira inauteriak, Eratsunen urtarrileko bigarren asteburuan ospatu dituzte eta Leitza, Sunbilla, Ituren eta Zubietan, urtarrileko azken asteburuan ospatuko dira inauteriak. Otsailean sartuta, Santa Ageda, San Blas eta Kandelariarekin batera, Euskal Herri osoan hasiko dira inauteri festak, eta otsailaren 7tik (ostegun gizena) 12ra (inaute asteartea) izango dira festa egun zabalduenak. Hona hemen 2013ko inauteri egutegi bat, hemen daude inauteriak, ihauteriak, ihoteak, aratusteak, aratostiak edo karnabalak.
Maskaradak Altzürükün izango dira martxoaren 9an
2013/01/17
Gamere-Zihigako gazteek 2013an emango dituzten maskaraden lehen egutegian ez zegoen aurreikusita emanaldirik Altzürükün. Ahüzkiko iturria eta Urrutia jauregia bere lurretan izateaz gain, maskaradak hartzeko tradizio luze eta sendoa duelako ezaguna da Altzürükü Zuberoan. Azkenean, egutegian emanaldi berria jarri dute maskaradariek eta martxoaren 9an, larunbatez, Altzürükün izango dira maskaradak.
10 urte, 10 dantza, 11 dantzari ikuskizuna Mungian
2013/01/17
Mungiako Amilotx dantza taldea bere hamargarren urteurrena ospatzen ari da 2013 urte honetan. Hamar urteotako ibilbidea batzen duen erakusketa irekiko da gaur Mungian, eta ostiralean dantza ikuskizuna eskainiko du Olalde aretoan. Iñaki Goirizelaiak 10 urtean Amilotx Mungiako Dantza taldearentzat egindako koreografiak taularatuko dira.
Nerea Barrondo Moskuko Bolshoi Balletaren eskolan onartu dute
2013/01/16
Hamabost urteko dantzari gazteak berebiziko urratsa eman du dantzaren munduan bidea egiteko. Moskuko Bolshoi balletaren eskolan onartu dute, eta irailetik bertan dago ikasten. Urtebeteko probaldia gainditzen badu, hiru urtez munduko ballet handi, onenetako eta entzutetsuenetako baten akademian formatzen jarraituko du.
Komunikazioa-Inkomunikazioa ikuskizun berria Kukai eta Tanttakaren eskutik
2013/01/14
Datorren martxoaren 1ean, Bilboko Arriaga antzokian estreinatuko dute Kukai dantza konpainiak eta Tanttaka antzerki taldeak bere ikuskizun berria: Komunikazioa-Inkomunikazioa. Mikel Laboan inspiratutako lana izango da, baina ez hari buruzkoa, eta Mireia Gabilondok zuzenduko du, Jon Mayaren laguntzarekin. Kukaiko dantzariez gain Helena Golab dantzaria, Miren Gaztañaga eta Aitor Beltran aktoreak eta Iñaki Telleriak parte hartuko dute, eta Jone San Martin eta Israel Galvanen kolaborazioak izango ditu.
Dantzarako sorkuntza zentroa egingo da Errenterian
2013/01/10
Dantza eta sorkuntza zentro berri baten egitasmoa aurkeztu dute gaur Errenterian Gipuzkoako Foru Aldundiak eta Errenteriako Udalak. Lekuona okindegi zaharra berritu eta kultura, dantza eta sorkuntza zentro bilakatu nahi dute 2015 urterako. Bertan egokituko da orain arte Donostian egon den Dantzagunea, eta dantza alorrean Gipuzkoa osoari zuzendutako zerbitzuak bertatik bideratuko dira.
Sortutakoak jaialdia Gipuzkoako Dantzagunearen eskutik
2013/01/09
Egoitza artistikoen bidez sortze-lanak bultzatu eta laguntzeko programa da Sortutakoak. Hirugarren ekitaldia burutu du, eta programaren baitan sortu diren lanak ikusleei erakusteko antolatu da Sortutakoak jaialdia. Mikel Sarriegik, Dordoka kolektiboak, Andrea Quintanak, Sara Paniaguak, Italo Panfichik eta Manuel Belliscok parte hartuko dute larunbat honetan, urtarrilaren 12an Donostian egingo diren aurkezpen hitzaldi, solasaldi, emanaldi eta dantza ekitaldietan. Hona egitaraua:
Beasaingo Neskatxen Esku-dantzaren sorkuntza prozesuren aurkezpena
2013/01/07
Beasaingo Neskatxen Esku-dantzaren sorkuntza prozesua eta erritualaren inguruko xehetasunak azalduko ditu Mikel Sarriegik datorren urtarrilaren 12an Donostian. Gipuzkoako Dantzaguneak antolatutako "Sortutakoak" deialdian hautatua izan zen Mikel Sarriegi eta Besaingo Aurtzaka dantza taldearen lana, eta orain lan aurren aurkezpena egin eta dantza bera erakutsiko dira San Telmo museoan egingo den ekitaldian.
Zuberoako Maskaradak 2013 egutegia
2013/01/04
Gamere-Zihigako gazteek emango dituzte maskaradak Zuberoan 2013an, eta dagoeneko prestaketa lanak aurreratuta dituzte. Otsailaren 10ean izango da lehen agerraldia, Zihigan, eta azkena berriz Gameren izango da, maiatzaren 5ean. Aurten igandetan izango dira maskarada guztiak, ez baita Maulen emanaldirik egingo eta han egiten baitira larunbatez. Bestalde, aipagarria da maiatzeko lehen iganderaino luzatuko direla emanaldiak. Hona egutegia osorik:
Orain arteko erantzunak
Dantzan on Iker Pou eta Ion Gurutz Lazkoz eskalatzaileek 'Euskal dantza' bidea ireki dute Taghian
2025/05/30
Eskalatzaileei galdetu diegu bideari "Euskal dantza" izena jartzearen arrazoia eta hona hemen Ion Gurutz Lazkozen erantzuna:
"Kaixo gau on! Izen batzuk genituen baina ez ziren oso aproposak. Irekitako bideak aseguru finko gutxi ditu eta luze gehienetan ezker-eskubi eskalatu behar da, alde batetik bestera... dantza egingo bagenu bezala. Eta izen hori okurritu zitzaigun, paretan dantzan, EUSKAL DANTZA bat dantzatzen arituko bagina bezala. Izen hori ipintzea erabaki genuen Ikerrek eta nik kar-kar".
"Kaixo gau on! Izen batzuk genituen baina ez ziren oso aproposak. Irekitako bideak aseguru finko gutxi ditu eta luze gehienetan ezker-eskubi eskalatu behar da, alde batetik bestera... dantza egingo bagenu bezala. Eta izen hori okurritu zitzaigun, paretan dantzan, EUSKAL DANTZA bat dantzatzen arituko bagina bezala. Izen hori ipintzea erabaki genuen Ikerrek eta nik kar-kar".
Dantzan on 50 urte eta gero orduko eta gaurko kaskarotak dantzan Donibane Lohizunen
2025/02/10
Thierry Truffaut-ek honako oharrak egin ditu:
Halaber, interesgarria da ohartaraztea 1975ean ez zela ezer indarrez abiatuko Lapurdin Jean Michel Guilcher dantzan espezialista handiak 1964 eta 1974 bitartean egindako lana gabe eta Juan Antonio Urbeltzen lanik gabe, aurrekoaren eta bere lan propioan oinarrituta Argia taldearekin lehen aldiz ausartu baitzen berregiten Lapurdiko inauteriaren segizioa 70eko hamarkada hasieran. Eta Donibane Lohizuneri dagokionez, bereziki Begiraleak-eko presidente izandako Pierrot Gil ene aitaginarrebaren lan erraldoiari esker, bere adiskide Beti Betelu dantza-maisua mugiarazi zuena 1969an hark zuen dantzen ondarearen zabalkundea sustatuz. Pierroti zor diogu mutikoaren jantziaren eta pertsonaiaen ideia 1845eko Kanboko kaskaroten grabatuan inspiratua, omendu behar ditugun taldeko jostunen esku magiko guztiekin berregin zena. Azkenik, 1985ean, taldearen 50. urteurrena zela eta, nire ekimenez, eta Claude Iruretagoyenaren lanari esker, eta berriz ere jostunek lagunduta, neskentzat Kaskarrot jantzia sortu zen. Urte horretan izan zen Beti Beteluk bere jantzi berriak sortu zituela. Hartzari dagokionez, berantago iritsiko zen, 1979an ausartu bainintzen lehen aldiz mozorro hori jazten, aspaldi Lapurdin, Baionan alboratua zena.
Hau guzti hau esanda, oso hunkituta nago gaur egungo segizioaren kalitatearekin, tradizio aberats baten balioa eta belaunaldi berriak bere kulturarekin erakusten duen atxikimendua agerian jartzen dituena.
Halaber, interesgarria da ohartaraztea 1975ean ez zela ezer indarrez abiatuko Lapurdin Jean Michel Guilcher dantzan espezialista handiak 1964 eta 1974 bitartean egindako lana gabe eta Juan Antonio Urbeltzen lanik gabe, aurrekoaren eta bere lan propioan oinarrituta Argia taldearekin lehen aldiz ausartu baitzen berregiten Lapurdiko inauteriaren segizioa 70eko hamarkada hasieran. Eta Donibane Lohizuneri dagokionez, bereziki Begiraleak-eko presidente izandako Pierrot Gil ene aitaginarrebaren lan erraldoiari esker, bere adiskide Beti Betelu dantza-maisua mugiarazi zuena 1969an hark zuen dantzen ondarearen zabalkundea sustatuz. Pierroti zor diogu mutikoaren jantziaren eta pertsonaiaen ideia 1845eko Kanboko kaskaroten grabatuan inspiratua, omendu behar ditugun taldeko jostunen esku magiko guztiekin berregin zena. Azkenik, 1985ean, taldearen 50. urteurrena zela eta, nire ekimenez, eta Claude Iruretagoyenaren lanari esker, eta berriz ere jostunek lagunduta, neskentzat Kaskarrot jantzia sortu zen. Urte horretan izan zen Beti Beteluk bere jantzi berriak sortu zituela. Hartzari dagokionez, berantago iritsiko zen, 1979an ausartu bainintzen lehen aldiz mozorro hori jazten, aspaldi Lapurdin, Baionan alboratua zena.
Hau guzti hau esanda, oso hunkituta nago gaur egungo segizioaren kalitatearekin, tradizio aberats baten balioa eta belaunaldi berriak bere kulturarekin erakusten duen atxikimendua agerian jartzen dituena.
Dantzan on Gasteiz, Donostia eta Bilboko jaietako dantza ekitaldiak
2024/08/29
Kaixo, Dani. Eskerrik asko zure oharrarengatik. Interesgarria da diozuna. Guk Donostiako kale izendegi ofizialean eta Aste Nagusiko programa ofizialean jasota dagoen moduan jaso dugu. Haietan egin beharko dira aldaketak lehenengo nahasmenik ez eragiteko.
Dantzan on Ipurdian sua piztu eta hasi da dantza
2024/06/20
Sare sozialen bidez Peruko El Alcatraz dantza-jokoaren berri eman digu Ana Arellanok. Hemen bidali digun bideoa ikusten joko bera ageri dela han ere:
https://www.youtube.com/watch?v=_-Qd-UpBAzw
https://www.youtube.com/watch?v=_-Qd-UpBAzw
Dantzan on Dantzan babestu ziren Garaziko errefuxiatuen kolonian
2024/04/23
Mila esker Ortzadar-eko lagunei artikulua osatzeko horrelako testigantza interesgarriak eskaintzeagatik.
Dantzan on Ipurdian sua piztu eta hasi da dantza
2024/04/11
Ze oroitzapen polita Mikel. Osabak auskalo nondik ekarri zuen jolasa, baina lortu zuen etxeko haurrei urteroko ilusioa trasmititzea, eta ez da gutxi! 30 urteren ondoren, aurtengoan zuk banatu beharko dizkiezu etxeko txikiei poxpoloak.
Dantzan on Dantzak barne dituzten herri antzerkiak Zuberoan, Lapurdin, Nafarroa Beherean eta Nafarroako Erriberan
2023/08/04
Jakin-min handia eta ezagutza txikia? Guk bai!
Bidalitako artikulua oso interesgarria da, bai, mila esker. Mikel Aranburu Urtasun du egile, eta jatorrizko argitaratze tokia hauxe izan zuen lan horrek: https://aunamendi.eusko-ikaskuntza.eus/[…]/
Eutsi makilakadari zeuk ere eta uda on!
Bidalitako artikulua oso interesgarria da, bai, mila esker. Mikel Aranburu Urtasun du egile, eta jatorrizko argitaratze tokia hauxe izan zuen lan horrek: https://aunamendi.eusko-ikaskuntza.eus/[…]/
Eutsi makilakadari zeuk ere eta uda on!
Dantzan on Dantzak barne dituzten herri antzerkiak Zuberoan, Lapurdin, Nafarroa Beherean eta Nafarroako Erriberan
2023/07/28
Eskerrik asko Txema! Bai, abuztukoak jaso ditugu sarrera honetan, baina ondo esan duzun moduan, badira gehiago San Migel eta bestelako.
Makilak zerezkoak diren, badago hor zer kontatua ere, hasiko zara zeu?
Makilak zerezkoak diren, badago hor zer kontatua ere, hasiko zara zeu?
Dantzan on Joseba Arrieta hil da, dantza eta euskara lotu zituen Gaztediko dantzaria
2022/12/03
Gure dolumiña.
Urbeltz familia.
Urbeltz familia.
Dantzan on Aingeru Berguices, musikari eta folklore ikertzailea hil da
2022/06/08
Eskerrik asko Kepa! Eskerrik asko wipedian hain txukun jartzeagatik eta erreferentzia egiteagatik. Webgunearen lehen izendapenean 'n' bat falta da, Dantza.eus beharrean Dantzan.eus baikara. Eskerrik asko!
