Orain arteko ekarpenak
Maria Pilar Beobide, dantzaria
2013/03/19
Atzo hil zen Donostian Maria Pilar Beobide, 81 urteko zumaiarra. Heriotza eta agurrak tristeak dira beti, baina ezin poz izpi txiki bat ezkutatu Maria Pilarren eskela ikusita: "Mª Pilar Beobide Arburua. Dantzaria". Dantzari eta dantzazale batentzat epitafio ederrena. Eta gainera, ohiko foto-maton argazkiaren ordez, pospolin jantzita dantzan ageri zaigu Maria Pilar Beobide. Biba zu Maria Pilar, biba dantzaria!
Baztango Mutil-dantzari Taldea sortu da
2013/03/18
Pasa den martxoaren 2an egin dute Baztango Muti-dantzari taldearen eratze batzarra. 60 kide bildu dira elkarte honetan, eta beraien asmoa mutil-dantzak ezagutaraztea eta "aurreko mendeetan dantzatzen zuten bezala dantzatze" omen da. Hona hemen komunikabideetara bidali duten aurkezpen gutuna:
Folkarria 2013 jaialdia apirilaren 12tik 14ra ospatuko da Madrilen
2013/03/14
Dantza tradizionala eta folk musika sustatu nahi ditu Folkarria Eco-Festi-Bal-ak. Kulturen integrazioa, ekologia sentsibilizazioa eta kontsumo arduratsuarekin lotzen ditu, eta heldu eta umeentzako hainbat jarduera proposatzen ditu bere hirugarren ekitaldian. Martina Quiere Bailar, Amanida, Kepa Junkera, Parapente700, Kv Express edo Tribal Jaze moduko musika proposamenak, munduko bazter desberdintako dantzen tallerrak eta folklore emanaldiak bilduko dira Madrilen.
La Intrusa: dantza garaikidea eta bideo-artea
2013/03/13
Damian Muñoz gasteiztarra dantza garaikidean ibilbide luze eta sendoa burutzen ari da Virginia Garciarekin elkarlanean. Dantza begi zinematografikoekin ikusten zuen koreografo eta sortzaileak, La Intrusa konpainia sortu zuen Virginia Garciarekin eta bien artean dantza eta bideoartearen arteko jokoan ari dira gailentzen. Hona hemen La Intrusaren uztaren lagin bat.
Deustuko andreen aurreskua plazan eta sarean
2013/03/12
Igande honetan, martxoaren 17an, dantzatuko da Bilbon, San Pedro plazan, Deustuko andreen aurreskua. 1999. urtean berreskuratu zen soka-dantza hau, Iñaki Irigoienek bildutako dokumentazioan oinarrituta, eta Bihotz Alai dantza taldearen eskutik. Aurtengo ekitaldirako webgunea estreinatzen du Deustuko andreen aurreskuak.
Maria Elena Arizmendi Amiel, euskal dantza eta jantzien ikertzailea
2013/03/07
"Vascos y Trajes" bi liburuki mardulak argitaratu izanagatik ezagutzen da batik bat Maria Elena Arizmendi, baina horrez gain, dantzari, dantza sustatzaile, koreografo eta dantza eta jantzien ikertzaile eta bultzatzailea izan zen. Ravel-en Boleroa edo Pasaiako batelerak dantzan jarri zituen, eta hainbat lan eta hitzaldi egin zituen dantza eta jantzien inguruan.
Udaberriko dantza ikastaroak Gipuzkoako dantza profesionalen elkartearekin
2013/03/06
Vincent Gros-ekin dantza klasikoa, Nicholas Ricchini-rekin dantza garaikidea eta jazz-a eta Beatriz Morales-ekin flamenkoa dira Gipuzkoako Dantza Profesionalen elkarteak 2013ko udaberrirako antolatu dituen dantza ikastaroak. Hona hemen apirilaren 2tik 6ra egingo diren ikastaroei buruz informazioa:
Oriz-eko putti dantzariak ikusgai
2013/03/04
Nafarroako Museoak deialdi berezia egin du, Escena jaialdiarekin bat eginez, eta jaialdiko ekitaldiren bat ikusteko sarrera dutenek Museoan sartu eta Oriz-eko putti dantzariak ikusteko aukera izango dute.
Igor de Quadra dantzaria Txokolatea eta Bizkotxoak ekimenean
2013/02/28
Hilean behin sortzaile bat gonbidatzen dute eta berarekin luze eta zabal jarduten dute. Horixe da "Txokolatea eta Bizkotxoak" Bilbon burutzen hasi den ekimenaren muina. Harkaitz Cano eta Hedoi Etxarte izan dira urtarrilean eta otsailean, eta martxoaren 5ean Igor de Quadara, dantzari eta koreografoa izango da bertan.
Ertza: N.A.N.en aurrestreinaldia eta Asier Zabaletaren mintegia
2013/02/28
Martxoaren 2an, Errenteriako Niessen aretoan egingo du Ertza konpainian bere azken lanaren aurrestreinaldia. N.A.N. izeneko lanean Asier Zabaletak nortasuna eta nazionalitatearen gaiari helduko dio dantza garaikidea, testua, bideoa eta zuzeneko musika uztartuz. Bestalde, mugimendutik abiatuz pertsonaiak eraikitzeko prozesuaren inguruko mintegia gidatuko du Asier Zabaletak berak Dferia jaialdian.
Orain arteko erantzunak
Dantzan.com on Dantzargazkia 001: Maskaradak Sohütan 1934an
2013/04/30
Mila esker Mikel! Buhameek fusila eramatea ohikoa zela ikusten dugu beraz. Aipuak bat datoz Karlos Irujok eta Jon Iruretagoienak esandakoekin, eta argazkiak erakusten du Artzaina, bildotsak eta hartza gerora ere agertu izan zirela maskaradetan. Kapela konikoak monografiko baterako emango luke!
Dantzan.com on British Pathé, filme zaharren gordailua dantzaz beteta
2013/02/21
Juan Antonio Urbeltz-ek ere horixe aipatu du, Gene Yurre izan daitekeela Llangollen-eko bideoan 0:56an ageri den euskal dantzaria. Bestalde, Mikel Goitia konturatu da beste bideo honetan, "48 segundutik aurrera, Andra Mari Eusko Dantzariko dantzariak" agertzen direla eta "Euren artean lehenengoa Kepa Artetxe".
http://www.britishpathe.com/[…]/llangollen
http://www.britishpathe.com/[…]/llangollen
Dantzan.com on Maskarada ala maskaradak?
2013/02/14
Marcel Bedaxagarrek ere halaxe esan digu: "Enetako maskaradak lütükek, beltzak eta gorriak direlakoz. Beti hola entzün diat".
Dantzan.com on Garai bateko inauteriak Luzaide eta Nafarroa Beherean
2013/02/14
Violet Alford-ek 1931ean idatzitako Zuberoako maskaraden jatorriari buruzko lan batean hauxe dio Nafarroa Behereko zaldikoei buruz:
"En Baja-Navarra conozco dos caballos, el uno ha desaparecido desgraciadamente en
Anhaux, y el otro vuelve a aparecer en San Juan Pie de Puerto, después de una ausencia de 30 años."
Beraz, ziur aski argazkian ageri den zaldiko hori izango da Alford-ek aipatzen duena. Aitor Gorostizak helarazi digun Violet Alforden artikulua hemen (pdf-a):
http://www.dantzan.com/[…]/file
"En Baja-Navarra conozco dos caballos, el uno ha desaparecido desgraciadamente en
Anhaux, y el otro vuelve a aparecer en San Juan Pie de Puerto, después de una ausencia de 30 años."
Beraz, ziur aski argazkian ageri den zaldiko hori izango da Alford-ek aipatzen duena. Aitor Gorostizak helarazi digun Violet Alforden artikulua hemen (pdf-a):
http://www.dantzan.com/[…]/file
Dantzan.com on Maskarada ala maskaradak?
2013/02/14
Aitor Gorostizak <dantzan> posta zerrendan esandakoa:
Violet Alfordek ere aipatzen zuen plurala erabiltzeko ohitura, "ENSAYO
SOBRE LOS ORIGENES DE LAS MASCARADAS DE ZUBEROA" artikulu hartan:
"Escribo mascaradas en plural por estar establecida esta costumbre y
en efecto en cada grupo hay siempre dos bandos"
Hemen duzue artikulua, Pedro Garmendia Goyetchek itzulita:
http://www.euskomedia.org/PDFAnlt/riev/22/22373396.pdf
Violet Alfordek ere aipatzen zuen plurala erabiltzeko ohitura, "ENSAYO
SOBRE LOS ORIGENES DE LAS MASCARADAS DE ZUBEROA" artikulu hartan:
"Escribo mascaradas en plural por estar establecida esta costumbre y
en efecto en cada grupo hay siempre dos bandos"
Hemen duzue artikulua, Pedro Garmendia Goyetchek itzulita:
http://www.euskomedia.org/PDFAnlt/riev/22/22373396.pdf
Dantzan.com on Garai bateko inauteriak Luzaide eta Nafarroa Beherean
2013/02/08
Bai Mikel, akats bat geneukan, eta orain zuzenduta dagoela uste dugu. Ea orain entzun dezakezun.
Bestalde, zaldikoari buruz, argazkia ez da Luzaidekoa, uste dugu Donibane Garazikoa dela, eta guretzat ere harrigarria da ez baikenuen horrelakorik ezagutzen Nafarroa Behereko inauterietan. Ea norbaitek zerbait argitzerik daukan honen inguruan...
Bestalde, zaldikoari buruz, argazkia ez da Luzaidekoa, uste dugu Donibane Garazikoa dela, eta guretzat ere harrigarria da ez baikenuen horrelakorik ezagutzen Nafarroa Behereko inauterietan. Ea norbaitek zerbait argitzerik daukan honen inguruan...
Dantzan.com on Zenbait galdera Bateleren dantzaren inguruan
2013/02/04
Mila esker Aritz! Artikulu nagusian gehituko ditugu kontu horiek, ez dagigun berriz ere ahanztura etorri...
Dantzan.com on Argia Saria irabazi du dantzan.com-ek!
2013/01/29
Laura Mintegi, EH Bilduren legebiltzarkidea Argia sarien ekitaldian izan zen, eta hauxe idatzi du bere blogean: "Bereziki lazgarria egiten da entzutea dantzan.com webgune saritu berria (ona delako saritua, noski) laster batean itxi beharko dutela, ez dutelako segitzerik egoera ekonomikoaren erruz. Aurretik ere itxita mantendu zuten hainbat hilabeteetan eta ahalegin handia eginda bersortu zuten…. berriz ere ixteko."
http://lauramintegi.net/[…]/
http://lauramintegi.net/[…]/
