Edukira salto egin | Salto egin nabigazioara

Tresna pertsonalak
Hemen zaude: Hasiera Albisteak Errumaniako dantzen eta ijitoen dantzen ikastaroa

Dokumentuaren akzioak

Errumaniako dantzen eta ijitoen dantzen ikastaroa

2014/02/21 12:10
Errumaniako dantzen eta ijitoen dantzen ikastaroa

El Tilo

Daniel Sandu irakaslearen eskutik, ijitoen dantzak eta Errumaniako dantzak lantzeko ikastaroa antolatu du Ribote de Ordunten (Burgos) Danzas Sin Fronteras elkarteak. Aste Sainduan, apirilaren 17tik 20ra burutuko da ikastaroa.

Daniel SanduBucarest-en jaioa da Daniel Sandu, 1967. urtean, eta umetatik aritu da dantzan. 6 urterekin Romanasul taldean sartu zen eta 18 urterekin Rapsodia Rumana konpainia entzutetsuan. Dantza estilo eta erritmo desberdinak ikasteko erraztasun handia erakutsi du beti Sanduk.  1992an Amsterdam-eko International Dance Theatre konpainian sartu zen, eta bertan aritu da 2000. urterarte, nazioarteko hainbat dantza estilo landuz: Indiako Khatak, Armeniako dantzak, Argentinako boleadoreak eta Balkanetako ijito-dantzak. 2003an Rotterdam-eko dantza akademiaren titulua eskuratu zuen, tap dantzan berezituta. Gaur egun Amsterdamen aritzen da irakasle eta nazioartean hainbat ikastaro eta mintegi eskaini ditu. 

Ikastaroa El Tilo izeneko biltzar-etxean egingo da, Ribota de Ordunten, Burgosen iparraldean (Balmasedatik 10 kmra). Apirilaren 18, 19 eta 20an izango dira dantza ikastaroak goizez (ostirala, larunbata eta igandea 10:30-13:30) eta arratsaldez (ostirala eta larunbata 17:00-20:00) izango dira. Prezioa: 225 €. Egoitza eta jatorduak barne (17ko afaritik 20ko bazkarira, biak barne). Informazioa eta izen-emateak: Javi eta Cuca ( info@danzasinfronteras.com / tlfnoak: 947 127 318 eta 660 743 101).

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.