2010eko urtarrilaren 12an lurrikarak birrindu egin zuen Haiti. George Exantus dantzaria bizi zen etxea goitik behera etorri zen, eta bera zimenduen azpian harrapatuta geratu zen hiru egunez. Oinak eta ezker eskua zementu blokeen azpian geratu zitzaizkion. Heriotza aurrez aurre ikusi zuen Georgek. Hirugarren egunean lagunek aurkitu eta hondakinen artetik atera zuten. Bizirik. Eskumako hanka belaun azpitik moztu behar izan zioten.

Aurretik liburua eta DVDa argitaratu zituen bezala, oraingoan webgunea egin du Nicole Lougarot-ek, azken urteotan esku artean darabilen ikerketaren emaitzak bilduz. Zuberoako maskaradak Europako beste zenbait maskaradekin konparatzen ditu Lougarotek, eta hori, eta Europako historian ijitoek izan duten garrantziaren berri emanez, maskaraden jatorria ijitoen kulturarekin lotzen ditu.

Alemaniako Balingen hiriko Frommern Schwäbischer Albverein folklore taldeak emanaldiak eskainiko ditu aste honetan Bizkaiko zenbait herritan. Beste zenbait dantzarekin batera beraien eskualdeko ezpata-dantza egiten du talde honek. Iurretan, Galdakaon, Bilbon eta Lezaman eskainiko ditu emanaldiak Frommern Schwäbischer Albverein taldeak.

"It’s cool to be different. And being Basque is definitely that" idatzi du Anne Marie Chiramberro Estatu Batuetako euskal amerikarrak. San Francisco-ko gazten honen familia euskalduna da aitaren aldetik, eta biarnesa amaren aldetik. Anne Mariek euskalduna nahiago frantsesa baino. Biarnoko bere familiari azaldu dio zergatik nahiago duen euskalduna izan lau puntutan laburbilduta: lagunak, festak, udalekuak eta euskal dantza.

Dantza Hirian jaialdiaren egoiliar programaren baitan Cesc Gelaberten lankidentzarekin sorkuntza lana burutzen ari da Kukai dantza konpainia. Jon Maya eta Cesc Gelabert dantza eta kultura tradizionala lotzen dituen eremuan ari dira lanean, eta jauziak eta soinu zaharrak Cesc Gelabert-en begiradarekin jorratzen ari dira.

Frankismo ondorengo lehen Jaurlaritzako Kultura sailburua izan zen Ramon Labaien (Tolosa, 1928). Bere agintealdean, 1980-83 bitartean sortu ziren Euskadiko Okrestra, Antzerti eta Euskal Telebista, besteak beste. Ondoren Donostiako Alkatetzara aurkezteko utzi zuen Jaurlaritza, eta EAJren zerrendaburu izanik hauteskundeak irabazi eta Donostiako alkate izan zen. Luze elkarrizketatu du Jakin aldizkarian Imanol Murua Uriak, eta bertan aitortu du Euskal Ballet Nazionala sortzeko asmoa zuela, eta sortu ere sortu egingo zuela, Kultura Sailburu jarraitu izan balu.

Irailaren 6tik 15era ospatuko da 2013ko Maitaldia Biarritzen. Malandain Ballet Biarritz etxeko konpainia, Preljocaj Balleta, Dantzaz, Olivier Dubois, Victor Ullate, Nuremberg-eko balleta, eta beste hainbat dantza proposamen erakargarri dantzaz maitemintzeko hamar egunetan. Hona hemen Maitaldian ikusi ahal izango diren dantza lanen aurrerapen moduan bost bideo ikusgarri:

Bihar, uztailaren 24an abiatu eta uztailaren 28ra bitartean ospatuko da Eraiki dantza taldeak antolatutako Bidasoaldeko Nazioarteko Gazteen 17. Folklore Jaialdia. Bulgaria, Errusai eta Taiwan izango dira aurtengo talde gonbidatuak, eta emanaldiak Irunen, Hondarribian eta Beran eskainiko dira.

2014ko ekainaren 7an eta 15ean Kabalkada zintzarrotsak ospatuko dituzte Urruñan. Hazia eta Berttoli elkarteak abiatu dute ekimena, eta 200 partaide inguru ari dira prestaketa lanetan: dantzariak, kantariak, musikariak, aktoreak, jantzigileak, e.a. Antolatzaile talde horrek berak honako aurkezpen bideoa prestatu du Kanalduderen laguntzarekin.

Galdakaoko Andra Mari dantzari taldeak antolatzen duen 2013ko Folklore Bizian jaialdian Kuba eta Swazilandiako talde bana izango dira gonbidatuak. Uztailaren 23tik 28ra ospatuko da jaialdia, eta Galdakaoz gain Arrigorriagan, Usansolon, Gernikan eta Sopelan izango dira jaialdiak.