Orain arteko ekarpenak
Errumaniako dantzen eta ijitoen dantzen ikastaroa
2014/02/21
Daniel Sandu irakaslearen eskutik, ijitoen dantzak eta Errumaniako dantzak lantzeko ikastaroa antolatu du Ribote de Ordunten (Burgos) Danzas Sin Fronteras elkarteak. Aste Sainduan, apirilaren 17tik 20ra burutuko da ikastaroa.
Hartza gai nagusi hartuta, hemen da Hartzaro 2014 jaialdia
2014/02/20
Inauteriak, tradizioa eta sorkuntza uztartzen ditu urtero Hartzaro jaialdiak. Uztaritzen eta Errobi Herri Elkargoko herrietan hedatzen da Herri Soinuren ekimenez antolatzen den jaialdia. Kalakan, Duguna, Kautere Balet eta Kukai dira, besteak beste, Hartzaro 2014 jaialdirako iragarritako taldeak, eta ohi bezala jaialdiak bera bultzatutako sorkuntza lanak izango dira. Hona hemen egitarau osoa:
4.800 Euroko zerga jarri diete Coconuts dantzariei ohiko kalejira egiteko
2014/02/18
Festa tradizionaletan kaleak erabiltzeko ohiturak mugatu, ukatu eta zigortzeko joera hartzen ari da hainbat udal agintari. Iruñean Olentzeroen kalejirak oztopatuz Udalak ezarritako zerga, isun eta oztopoen antzeko bat gertatu da Bacup-en, Ingalaterran. Britannia Cononuts dantzariek bizi berri dute horrelako gatazka bat. Urtero egin ohi zuten kalejira baimentzeko 4.000 £ (4.875 €) ordaintzera behartu nahi zituen Udalak. Oraingoz saihestu dutela dirudi, baina kezkatuta daude kontu honekin morris dantzariak.
Dantza estreinaldi eta proposamen berriak DFerian azokan
2014/02/14
Donostiako Arte Eszenikoen ferian dantzak pisua handia izango du 2014ko edizioan ere. Martxoaren 10etik 13ra hamaika dantza sorkuntza ezagutzera emango dira Dferian, handik eta hemendik etorritako programatzaileek lan horien zabalkundean eragin dezaten. Parasite, Ertza, Mizel Théret, Cielo Raso, Granhoj Dans, Lasala, Matxalen Bilbao, Provisional Danza, Dantzaz, Aukeran eta Esther Esteban-en azken ekoizpenak izango dira DFerian:
Ikerketa dantzan 3. Kongresua Bilbon egingo da
2014/02/13
2014ko azaroaren 14tik 16ra bitartean Bilbon, Euskal Herriko Unibertsitatearen Bizkaia Aretoan Ikerketa Dantzan 3. Kongresua ospatuko da Bilbon. Komunikazioak aurkezteko epea irekita dago apirilaren 15a arte.
Eltziegoko dantzariak Cussac Fort Medoc-en arituko dira asteburuan
2014/02/12
Gironde eskualdean, Bordeletik gertu (40 km) dagoen herria da Cussac Fort Medoc. Euskal Astea ospatzen dute aste honetan bertan han, eta ostiralean, Eltziegoko dantzariak eta gaitariak izango dira bertan, beren herriko dantzan eskaintzen.
Sortutakoak II Dantza Jaialdia
2014/02/10
Dantzaguneak antolatuta, 2013an Gipuzkoako Foru Aldundiaren zerbitzu honek lagundutako lanak erakutsiko dira Sortutakoak II Dantza Jaialdian. Sabier Iriondoren dantza-filma, Aurtzaka taldearen Sanjoanetako neskatxen esku-dantzaren bideoa, eta Eneritz Zeberio, Lasala eta Alioune Diagne sortzaileen sorkuntza prozesuen emaitzak aurkeztuko dira.
Inauteriak 2014 oinarrizko egutegia
2014/02/07
Urtarrileko lehen asteburuan abiatu ziren inauteriak hainbat herritan, eta ordutik asteburuz asteburu ospatzen ari dira han eta hemen. Dena den, inaute egun nagusiak otsaila bukaeran eta martxoa hasieran izango ditugu 2014an. Hona hemen 2014ko inauteri egutegi bat, ohi bezala osatzeko zuen ekarpenetara irekia:
Zabaleta, Maya eta Calongeren koreografiak Dantzaz-en Atalak XX-ean
2014/02/05
"Ongi etorri" pieza prestatzen ari da Jon Maya egunotan Dantzaz konpainiarekin. Ostegunean, Victoria Eugeniako Club aretoan eskainiko da lana, Dantzaz konpainiaren Atalak XX ekitaldian. Asier Zabaletaren "Urak dakarrena" eta Igor Calongeren "Muxua" piezekin osatuko da Dantzaz-en saioa Club aretoan.
Antxon Agirre Sorondo etnografoa hil da
2014/01/31
Antxon Agirre Sorondo (Donostia, 1946) etnografo, ikertzaile eta dibulgatzailea hil da. Etnografia eta historia ikerketa eta argitalpen ekoizpen oparoaren egilea, 68 urterekin hil da. Dantzaren inguruko hainbat lan argitaratu ditu Agirre Sorondok, inauteriak, festak eta beste hainbat kontu tarteko.
Orain arteko erantzunak
Dantzan on Plazako dantza aberasten: ingurutxoak eta kontra-dantzak
2017/01/16
Kaixo Goizane,
Guk froga egin dugu, eta prezio diferentzia euskarazko eta espainolezko orrien artean dago. Ziurrenik akatsen bat izango da. Guk dugun informazioaren arabera, 45€-koa da Kutxako bezeroentzako prezioa. Nolanahi ere, bide zuzenena Kutxa Kultur Gelakoekin argitzea izango da. Hemen duzu beren webgunean daukaten telefono-zenbakia: 900 44 55 66
Eskerrik asko zure ohar zorrotz eta zehatzagatik.
Guk froga egin dugu, eta prezio diferentzia euskarazko eta espainolezko orrien artean dago. Ziurrenik akatsen bat izango da. Guk dugun informazioaren arabera, 45€-koa da Kutxako bezeroentzako prezioa. Nolanahi ere, bide zuzenena Kutxa Kultur Gelakoekin argitzea izango da. Hemen duzu beren webgunean daukaten telefono-zenbakia: 900 44 55 66
Eskerrik asko zure ohar zorrotz eta zehatzagatik.
Dantzan on Horra, horra, gure Olentzero!
2016/12/29
Bai, halaxe da Elur, twitterren aritu ziren horretaz hizketan Gari Garaialde eta Leire Narbaiza: https://twitter.com/GariGaraialde/status/811528317388124160
Dantzan on "Euskal dantza: tradiziotik sorkuntzara" ikasketa osagarriak eskainiko ditu EHUk
2016/11/03
Baiezkoan gaude Endika, baina onena unibertsitatera deitzea duzu, EHUk berak antolatzen baitu. Hemen duzu telefonoa: http://www.ehu.eus/eu/web/complementarios/euskal-dantza
Dantzan on "Euskal dantza: tradiziotik sorkuntzara" ikasketa osagarriak eskainiko ditu EHUk
2016/10/11
Egun on Arkaitz! EHUren webgunean, "ohiko galderak" atalean, klaseak "lauretatik zazpietara" izango direla jartzen du, baina antolatzaileek esan digute ordutegia ez dela definitiboa oraindik.
Dantzan on Baionatik Bilbora, dantza ekitaldiak hiriburuetako festetan
2016/07/29
Eskerrik asko! Gehitu dugu.
Dantzan on Emakume eta gizonezkoek elkarrekin dantzatu dute Mairuaren Alardeko trokeo-dantzetan
2016/07/28
Eskerrik asko Ion. Arrazoi duzu, guk ere badugu gogoan neskak dantzan ikusi izana 2009 urtea baino lehen. Zuzendu dugu testua.
Dantzan on Lasa 1950 Dantza-jauziak
2016/04/20
Xabier Itzainari helarazi diogu Patxi Monteron galdera, eta honako hau erantzun digu:
"Patxiren galdera, alabainan, garrantzitusa da, eta neke zaut erantzutea. Ene gostuko, dantzatzeko manera hori, indartsua eta elegantea, nun dantzariak ez diren berdin ari bainan bai elgarrekin, joan da dantzari horiekin eta berekin zeramaten munduarekin. Nik orain dela 15-20 bat urte ikusi izan dut, tokian tokika, izpiritu horren orroitzapen zerbeit, eta orduko dantzariekin ere ainitz ikasi dut. Gertatzen ahal zen besta berrietako bezpera ondo batez, edo zikiro batetik landa, edo pilota partida batetarik landa presuna batzu berotzea eta lotzea, batez ere Lapurdi barnekalde eta Baxenabarren, bainan behar zen untsa gertatu!
Gaur egun zertan den? Egia erran, ez naiz gehiago biziki plazaz-plaza ibiltzen eta ez dakit sobera gauzak zertan diren. Jauziak ainitz emaiten direla, hori segur, bainan nola emaiten diren, hori besterik da. Tokian tokika behar litaike behatu. Gure heinean entseatzen gira “izpiritu” horren beiratzen gure xokoan (Itsasu eta inguruetan), bainan zaila da, gazte ainitzentzat jauziak ez beitira baitezpada dantza erakargarriak. Dantza erretxak bezala ikusten dituzte jauziak, Lasako bideoak alderantzizkoa diolarik ene ustez.
Hurbilagotik behatu behar beraz"
"Patxiren galdera, alabainan, garrantzitusa da, eta neke zaut erantzutea. Ene gostuko, dantzatzeko manera hori, indartsua eta elegantea, nun dantzariak ez diren berdin ari bainan bai elgarrekin, joan da dantzari horiekin eta berekin zeramaten munduarekin. Nik orain dela 15-20 bat urte ikusi izan dut, tokian tokika, izpiritu horren orroitzapen zerbeit, eta orduko dantzariekin ere ainitz ikasi dut. Gertatzen ahal zen besta berrietako bezpera ondo batez, edo zikiro batetik landa, edo pilota partida batetarik landa presuna batzu berotzea eta lotzea, batez ere Lapurdi barnekalde eta Baxenabarren, bainan behar zen untsa gertatu!
Gaur egun zertan den? Egia erran, ez naiz gehiago biziki plazaz-plaza ibiltzen eta ez dakit sobera gauzak zertan diren. Jauziak ainitz emaiten direla, hori segur, bainan nola emaiten diren, hori besterik da. Tokian tokika behar litaike behatu. Gure heinean entseatzen gira “izpiritu” horren beiratzen gure xokoan (Itsasu eta inguruetan), bainan zaila da, gazte ainitzentzat jauziak ez beitira baitezpada dantza erakargarriak. Dantza erretxak bezala ikusten dituzte jauziak, Lasako bideoak alderantzizkoa diolarik ene ustez.
Hurbilagotik behatu behar beraz"
Dantzan on Villacañas: dantzatzeagatik ordaintzen duten dantzariak
2016/03/21
Mila esker zuen erantzunagatik! Bai, filme horren berri eman genuen dantzan.eus-en bere garaian: https://dantzan.eus/albisteak/danzantes-liz-lobato
MIla esker gogoraraztegatik!
MIla esker gogoraraztegatik!
