Orain arteko ekarpenak
Dantza sustatzeko Jaurlaritzaren 2013ko diru-laguntzak
2013/12/16
Koreografia sorkuntzarako, dantza lanen ekoizpenerako, bira artistikoetarako eta formakuntzarako 2013an eman dituen diru-laguntzen zerrenda argitaratu du Eusko Jaurlaritzak. Denera 300.000 Euro eman ditu deialdi honetan Eusko Jaurlaritzak.
Tamara Arruti, Beljikako telebista izar bihurtu den dantzari zarauztarra
2013/12/13
Beljika eta Holandako Telebistako dantza lehiaketa entzutetsu batean parte hartu, finalera iritsi, hirugarren sailkatu eta dantzari arrakastatsu eta famatu bihurtu da udazken honetan Tamara Arruti zarauztarra. 3000 dantzariren artean 18 hautatu zituzten "So you think you can dance" lehiaketan parte hartzeko, eta hainbat proba eta programa ondoren lau iritsi ziren final handira.
Nafarroako Dantzen Atlasa prestatzen ari da Ortzadar elkartea
2013/12/12
Folklore jardunaldietan aurkeztu zuen Ortzadar elkarteak Nafarroako Dantzen Atlasa proiektua. Nafarroako dantza tradizionalaren inbentarioa izango da atlasa, 300 dantza ingururen berri emango duena eta ezagutza eta dibulgazioa uztartuko dituena. Nafarroako Ondare Ez-materialaren artxiboan gordeko dira atlasaren edukiak. Hona hemen Ortzadarrek proiektuaren inguruan eskainitako azalpenak:
Neskatxen esku-dantzaren bideoa, liburuxka eta egutegia argitaratu ditu Aurtzakak
2013/12/11
Orain 6 urte San Joan bezperan, suaren inguruan, neskatxen esku-dantza bat dantzatzeko ohitura abiatu zuen Beasaingo Aurtzaka dantza taldeak. 2012ko Dantzagunearen Sortutakoak Tradizionala ekimenerako aukeratua izan zen, eta horrek bidea eman du bideo grabaketa bat egiteko. Bideoa eta esku-dantzari buruzko liburuxka argitaratu ditu Aurtzakak.
Durangoko azokarako dantzazalearen erosketa zerrenda
2013/12/04
Abenduaren 5etik 8ra burutuko da Durangoko 47. Liburu eta Disko azoka, eta ohi bezala, dantzaren inguruan urtean izan diren argitalpen asko bertan erosteko aukera izango da. Hona 2013ko azokarako guk apuntatu ditugu nobedadeak:
Maritzulik eta Erro Bat-ek eskuratu dituzte Ekimen 2013 sariak
2013/12/03
Euskal Kultura babesten duen Herriarteko Sindikatuak Ekimen izeneko sariak ematen ditu urtero. Aurtengo hiru sarietan, lehen biak dantzako ekimenak izan dira: Maritzuli konpainiaren "San Martineko ezpata-dantza" eta Erro bat taldearen "Ekhikume". Hirugarren saria Ama-2 antzerki taldeak eskuratu du.
Soken dantza: gitarraren doinuaz dantzan
2013/12/02
Alvaro Garciak gitarrekin (klasikoa, akustiko eta elektrikoa) dantzarako egindako musika jasotzen du Aiko taldearen disko berriak: Soken dantza. Zenbait doinu herrikoiak badira ere, aire gehienak Alvaro Garcia berak idatzitakoak dira. Abenduaren 14an, Durangoko Plateruenan egingo den Gabonetako dantza-bazkarian egingo da CD berriaren aurkezpena.
Lizarrerriko Folklore eta Dantza Jardunaldiak
2013/11/26
Lizarra eta merindadeko folklorearen ezagutza zabaltzeko, Folklore eta Dantza Jardunaldiak antolatu dituzte Lizarran Nafarroako Dantzarien Biltzarrak, Eusko Ikaskuntzak eta Lizarrako Udalak. David Mariezkurrena, Karlos Irujo eta Mikel Aranburu izango dira hizlari, gaur, azaroak 26 hasi eta etzi, azaroak 28an bukatuko diren jardunaldietan. Hona programa:
Bizkaiko Foru Aldundiko bekadunen dantza emanaldia
2013/11/25
Diputazioaren bekekin nazioartean dantza ikasketak burutzen ari diren ikasleak elkartu eta dantzan jarriko ditu Bizkaiko Foru Aldundiak. Anne Barrio, Nerea Barrondo, Sara Etxebarri, Ines Perez, Uxue San Juan eta Marta Rueda dira sei bekadunak, eta emanaldi berean, Royal Ballet-eko bakarlaria den Itziar Mendizabal arituko da Edward Watson-ekin batera. Abenduaren 27an, Bilboko Euskalduna jauregian izango da jaialdia.
Haritz dantzari taldearen 40. urteurrena ospatzeko dantza jaialdia Elgoibarren
2013/11/22
Portugaleteko Elai Alai, Galdakaoko Andra Mari, Iruñeko Duguna, Donostiako Argia, Debako Gure Kai eta Eibarko Kezka dantza taldeek parte hartuko dut bihar, larunbata, azaroak 23, Elgoibarren ospatuko den dantza jaialdian. Elgoibarko Haritz EDTk 40 urte betetzen dituela ospatzeko antolatu du jaialdia.
Orain arteko erantzunak
Dantzan on San Bartolome de la Torre: Danza de las espadas
2014/12/06
Mila esker zuzenketarengatik Mikel! Ezpata-dantzako toki zehatzetan aritzen diren dantzarien izenak interesgarriak dira hemengoekin konparatzeko. Hemengo ezpata-dantzetan "guion" izendapena agertzen zaigu tarteka (Legazpin), edo maisu-zaharra ere bai (Xemeinen). Rabeoador-ik ez, baina hemen ezpata txikiekin aritzen direnei "azkendariak" esan izan zaie (taldearen bukaeran joaten direlako normalean).
Dantzan.com on Iruñerriko hirugarren Euskal Jaia maiatzaren 17an izanen da
2014/05/05
Eskerrikasko Aritz. Zuzendu dugu.
Dantzan.com on Goizueta: Inauteriak 1991
2014/02/26
Ttipi-Ttapan irakurri dugunez, pasa den larunbatean, garai batean zagi-dantza nola egiten zuten erakusten ibili da Joxe Mari Narbarte Goizuetako gazteei. Gaztetan dantza egindakoa da Joxe Mari Narbarte, eta bere esanetan oraingo gazteek oso desberdin dantzatzen dute eta beraiek nola egiten zuten erakusten aritu zaie.
https://erran.eus/goizueta/[…]eska-mutikoek-gazte-txokoan
https://erran.eus/goizueta/[…]eska-mutikoek-gazte-txokoan
Dantzan.com on Raices 14 - Ordizia: brokel-dantza 1973
2014/02/25
Jose Ignazio Ansorenak bideo honi buruzko hainbat argibide emanez idatzi digu. Berak txistulari gisan parte hartu zuela grabazioan eta 1973. urtean izan zela. Parte hartu zuten dantzarietako batzuren izenak ere eman dizkigu. Hona bere mezua: "Egia da KRESALA Taldeak grabatu zuela, 1973ean. Neu ere tarteko, oraindik ikasle besterik ez banintz ere, txistulari gisan. Baina besterik ezean... Nirekin batera aritu zen atabalaria, Pello Cuesta. Ongi gogoratzen naiz lekua nolakoa zen, baserri eder baten ondoan eta Ordizia herritik ez oso urruti, ez ordea, nola iristen zen ezta zein izen zuen ere. Mikelek aipatzen duen kontua, Goierri taldeari eskaini zitzaiola eta uko egin zuela, izan liteke oso garaiko kontua delako. Baina guk ez genuen horren berririk izan. Dantzariak hauek dira: Xabier eta Iñigo Arregi anaiak (hau orain pare bat urte hila), Iñaki Olano, Aitor Aizpurua, Xabier Sagastibeltza, Jose Ignazio San Jose, Leixa, Víctor Casín, Hippie, eta Xabier Otaegi, Txirri".
Dantzan.com on Dantza sustatzeko Jaurlaritzaren 2013ko diru-laguntzak
2014/02/14
2014ko otsailaren 14an ebazpen honen zuzenketa bat argitaratu da Euskal Herriko Agintaritza Aldizkarian. Sorkuntza koreografikoa alorreko diru-laguntzen zerrenda aldatu da, eta beraz, azken zerrenda honakoa da:
- Judith Argomaniz Jimenez: Hooked
- Idurre Azkue Iruretagoiena: Bailar por bailar (es tontería?)
- Amparo Badiola Mazariegos: Palabras invisibles
- David Guerra Garcia: Outline
- Ziomara Hormaetxe Fernández: Symbiosis
- Maria Ibarretxe del Val: Pink flamencos
- Izaskun Lapaza Rodriguez: Fase tres
- Atxarte Lopez de Munain: Konstruktoen teoria
- Maria Martín Escudero: Re en sol mayor
- Judith Argomaniz Jimenez: Hooked
- Idurre Azkue Iruretagoiena: Bailar por bailar (es tontería?)
- Amparo Badiola Mazariegos: Palabras invisibles
- David Guerra Garcia: Outline
- Ziomara Hormaetxe Fernández: Symbiosis
- Maria Ibarretxe del Val: Pink flamencos
- Izaskun Lapaza Rodriguez: Fase tres
- Atxarte Lopez de Munain: Konstruktoen teoria
- Maria Martín Escudero: Re en sol mayor
Dantzan.com on Inauteriak 2014 oinarrizko egutegia
2014/02/09
Aipatu data egutegian sartu dugu jada, mila esker.
Dantzan.com on Inauteriak 2014 oinarrizko egutegia
2014/02/08
Mila esker abixatzearren, atxikitu dugu egutegira.
