Dokumentuaren akzioak
Eskuz eta aurreskuz lotzen da Aberri Egunaren soka
Dantzan
Batera ekimenaren Aberri Eguneko soka-dantza, Donostia, 2025-04-11. Argazkia: Iker Azurmendi / Deia.
Aberri Egunean sokan dantzatutako aurreskuaren historian katebegiak lotu zaizkio azken bi urteotan. Euskal Herria Batera ekimenak 2025eko Aberri Egunaren baitan antolatutako ekitaldian hainbat gizarte eta politika ordezkarik elkarri eskutik emanda soka-dantzan parte hartu dute Donostian egindako ekitaldian.
Argia dantzari taldearen zuzendaritzapean, Arkaitz taldeetako dantzariek eta Elgoibarko Udalaren Txistulari Bandak gidatuta bideratu da esku-dantza.
2024an Bilbon berpiztu zen soka
Iaz Bilbon ospatu zuen Euskal Herria Batera ekimenak bere ospakizuna eta ordurako berpiztu zen luzaroan lozorroan izan den Aberri Egunean aurreskua sokan dantzatzeko ohitura. Bateratik Dantzan elkartearekin jarri ziren harremanetan dantza aldetik ekitaldira begira proposamena egiteko eta soka-dantza izan zen zalantzarik gabe egindako gomendioa. Portugaleteko Elai Alai dantza taldeko kideak arduratu ziren soka dantzan jartzeaz.
Aurreskua Aberri Egunaren sokan
Aberri Egunaren historiara bere sorreratik lotuta dago sokan dantzatutako aurreskua. 1932an ospatu zen lehenengo Aberri Egunean ordezkari politikoak izan ziren aurreskua plazaratu zutenak. Anton Irala eta Esteban Aranzadi dira sokan ageri diren bi ordezkari politiko. 
Gerra galduta, duintasunaren aurreskua
1939an gerra galdu ondoren, erbesteratu behar izan ziren Eusko Jaurlaritzaren kideek dantzatu zuten aurreskua Donibane Lohizunen ospatutako Aberri Egunean. Telesforo Monzon sokaren buruan aurreskulari eta eskuz esku, sokan helduta Eusko Jaurlaritzako hainbat sailburu eta arduradun aritu ziren soka-dantzan: Jesus Maria Leizaola, Ramon Aldasoro, Jabier Gortazar, Txomin Epalza...
Dokumentuaren akzioak
Erantzun
Dantzan
Dantzan elkartea 2002an sortu zen dantzan.eus (dantzan.com hasieran) kudeatzeko. Gaur egun euskal dantzaren inguruko informazioa, albisteak, bideoak, agenda eta bestelakoak sareratzen dituen dantzan.eus webguneaz gain, dantzaren lotutako beste zenbait jarduera burutzen dira elkarte honetatik, adibidez:
- Formazioa. Euskal dantza irakasleen formaziorako jarduerak antolatu eta eskaintzen ditugu Gipuzkoako Foru Aldundiaren Dantzan Ikasi programaren bidez.
- Kudeaketa. Gipuzkoako Dantzagunearen kudeaketan parte hartzen dugu Dantzaz elkartearekin eta Eragin enpresarekin batera osatzen dugun Ondare2.0 Aldi Baterako Enpresa Elkartearen bidez.
- Dokumentazioa. Euskal dantzaren artxibora begira euskal dantzaren milatik gora bideo-zinta digitalizatu eta dokumentatu ditugu.
- Ondare immateriala inbentariatzeko lanetan euskal dantzen fitxak egiten parte hartu dugu Zatak elkartearekin lankidetzan.
- Hitzaldiak. Euskal dantza eta kultura tradizionalaren inguruko hitzaldiak eskaintzen ditugu.
- Dantza ekitaldiak. Hainbat dantza ekitaldiren antolaketa eta kudeaketan parte hartzen dugu, hala nola Gipuzkoako Urrezko Dominaren ezpata-dantza Gipuzkoako Diputazioaren eskariz eta Ikerfolk elkartearekin elkarlanean edo Gaztemundu Dantzan programa, Eusko Jaurlaritzaren enkarguz, besteak beste.
- Aholkularitza. Hainbat ekitalditan parte hartzeaz gainera, dantzarekin lotutako aholkularitza, informazio eta dokumentazio zerbitzua eskaintzen dugu, bai emailez, bai telefonoz (943 53 04 40), bai Eibarren (Ubitxa 16 behea) dugun bulego nagusian.
- Komunikazioa. Dantzanen jarduerak oihartzuna du beste eremu eta medioetan, eta besteak beste Irulegi irratiarekin lankidetzan aritzen gara dantza-kontuan uhinetan zabaltzen.
- Dantzan. Dantzan elkartea 2020an: dantza sustatu eta hedatzeko lanak
- Marka. Dantzan markaren irudiak eta logoak.
- Dantzan.eus. Azken berrikuntza teknikoak eta aldaketak webgunean.
Dantzan
Ubitxa 16-18, behea // 20600 Eibar (kokapena)
+34 943 53 04 40
dantzari@dantzan.com
