Dokumentuaren akzioak
Dantza taldeen Euskal Herritik kanpoko emanaldiak diruz laguntzeko deialdia argitaratu du Etxeparek
Basque Dance
Goizaldi dantza taldea La Plata-n, Argentina, 2024.
Dantza taldeen eta abesbatzen nazioarteko emanaldiak laguntzeko "AT! Euskal Dantza eta Abesbatzak" deialdi berria argitaratu du Etxepare Euskal Institutuak. Deialdiaren helburua da Euskal kultura euskararen eremu geografikotik kanpo sustatzeko eta zabaltzeko irabazi asmorik gabeko jarduerak garatzen laguntzea. Euskal dantza edo abesbatzen arloko sortzaile eta eragileak lagunduko dira deialdi honen bitartez eta asmoa da sortzaileen eta konpainien mugikortasun-gastuak ordaintzen laguntzea.
Jaso ahal izango den gehienezko zenbatekoa honakoa izango da: 1.200 km arteko tokietako ekintzetarako: 2.000€; 1.201-5.000 km arteko tokietako ekintzetarako: 3.500€; eta 5.000 km-tik haragoko tokietako ekintzetarako: 5.000€. 2025ean zehar (urtarrilaren 1etik abenduaren 31ra) eginiko jarduerak laguntzeko eskabideak aurkez daitezke ekainaren 30era arte.
AT! Euskal Dantza eta Abesbatzak
- Deialdia: AT! Euskal Dantza eta Abesbatzak
- Eskaerak aurkezteko epea: 2025/05/24 - 2025/06/24
- Erakunde deitzailea: Etxepare Euskal Institutua
- Zuzkidura: 30.000€
- Kontaktua: Alex Aginagalde | a-aginagaldelopez@etxepare.eus | +34 943 023 406
- Informazio osoa eta izen ematea Eusko Jaurlaritzaren Egoitza Elektronikoan.
Euskal dantza taldeek urtero nazioartean hainbat emanaldi egiten badituzte ere orain arte Etxeparek ez du izan jarduera hori zuzenean babesteko deialdirik, dantza biren deialdiak konpainia profesionalen nazioarteratzea sustatzen baitu. Nazioartean euskal dantzak ikusmin handia sortu arren Etxeparek euskal dantzaren nazioarteko hedapenean ez zuela laguntzen salatu izan da.
Dokumentuaren akzioak
Erantzun
Basque Dance
Dantza ta zabalzazu fruitua mundua
XVII. mendean Parisko lehen Ballet konpainian izan ziren euskal dantzariekin hasita, euskal dantzariok ibilbide luzea daramagu gure frutua munduan zabaltzen. Azken urteotan erakunde publiko batek Basque Dance marka bere egin eta euskal dantzarekin zerikusirik ez duen dantza eredu bat nazioartean zabaltzeko baliatzen hasi da. Basque Dance markak ordea bide luzea egina du aurretik eta euskal dantza mundura zabaltzeko erabili izan da. 1920 eta 1930eko hamarkadadetan Parisen, Londresen, Sevillan, Bartzelonan, eta 1960tik aurrera mundu osora Basque Dance moduan zabaldu dena euskaldunon dantza, euskal dantza izan da. Egungo agintarien eta kultura sasi-teknikarien konplexuek ez dute lortuko Basque Dance lapurtu eta esanahiz hustutzea. [Gure] dirua darabilte desjabetze eta euskal dantza ixiltzeko ahalegin horretarako, baina euskal dantzak beti erakutsi du dirua baino indartsuagoa dena, gorputza eta gogoa daukagun bitartean Euskal Dantza - Basque Dance bizirauten eta munduratzen jarraituko dugula.
Euskal dantza nazioartean
- 2023: Polonia, Bretainia, Alemania, Txekia, Flandria, Okzitania, Espainia, Balear Uharteak, Kanariak, Gaztela eta Leon, Portugal, Ipar Amerika.
- 2022: Alemania, Portugal, Katalunia, Utah (AEB), Gales, Idaho (AEB), Polonia, Espainia, Galizia,...
- 2019: Serbia, Okzitania, Frantzia, Polonia, Italia, Katalunia, Espainia, Hungaria, Sardinia,...
- 2015: Belgika, Bretainia, Txekia, Katalunia, Idaho (AEB), Portugal, Galizia, Italia, Frantzia, Polonia, Austria, Hungaria,...
- 2013: Frantzia, Ingalaterra, Kroazia, Austria, Hungaria, Portugal, Bretaina,..
- 2009: Alemania, Hungaria, Katalunia, Serbia, Lituania, Holanda, Txekia,
- 2006: Katalunia, Belgika, Portugal, Txekia, Hungaria, Espainia, Bulgaria, Toledo, Turkia, Norvegia, Frantzia, Suitza, Argentina, Italia, Alemania, Ingalaterra, Grezia,...
- 2005: Idaho (AEB), Bosnia, Ipar Karolina (AEB), Kroazia, Turkia,
