Dokumentuaren akzioak
Euskal dantzak munduan zehar zabaldu dira uda honetan ere
Basque Dance
Oñatz dantza taldea Polonian, 2019. Argazkia: Oñatz
Euskal Herriko dantza talde askok eta askok ez dute urteko jarduna eten udako oporraldian, herriko jaietako eta udako hainbat ekitaldiez gain atzerrian ere ibili dira zenbait talde. Polonia, Serbia, Txekiar Errepublika, Italia, Frantzia, Espainia... bisitatu dituzte euskal dantzariek gure dantzak munduan zehar erakusteko helburuz. Nazioarteko folklore jaialdietan aritu dira azken hilabeteetan euskal dantzari eta musikariak. Milaka kilometro tarteko eta gastu gehienak euren gain hartuagatik ere, euskal dantzek mugak gainditu dituzte aurtengo udaran ere.
Hemen dituzue zenbait euskal dantza taldek nazioartean eskainitako emanaldiak. Eta zuek, aurtengoan non izan zarete? Euskal Herriko dantza taldeek euskal dantzak noraino eraman dituzten jakin nahi dugu, bidali zuen argazkia dantzari@dantzan.com helbidera eta sarrera osatzen joango gara!
Lurra (Urretxu): Serbia
Berriztasuna (Portugalete): San Bisentse (Okzitania)
Itxas-alde (Bakio): Montreal (Frantzia)
Indarra (Gasteiz): Polonia
Oñatz (Oñati): Polonia
Oinak Arin: Montecatini (Italia)
Untzueta (Laudio): Espluges de Llobregat (Katalunia)
Ikusgarri (Portugalete): Olecko (Polonia) eta Palentzia
Iruski (Gabadi): Praga
Urki (Andoian): Praga
Andra Mari (Galdakao): Sardinia
Dokumentuaren akzioak
Erantzun
Basque Dance
Dantza ta zabalzazu fruitua mundua
XVII. mendean Parisko lehen Ballet konpainian izan ziren euskal dantzariekin hasita, euskal dantzariok ibilbide luzea daramagu gure frutua munduan zabaltzen. Azken urteotan erakunde publiko batek Basque Dance marka bere egin eta euskal dantzarekin zerikusirik ez duen dantza eredu bat nazioartean zabaltzeko baliatzen hasi da. Basque Dance markak ordea bide luzea egina du aurretik eta euskal dantza mundura zabaltzeko erabili izan da. 1920 eta 1930eko hamarkadadetan Parisen, Londresen, Sevillan, Bartzelonan, eta 1960tik aurrera mundu osora Basque Dance moduan zabaldu dena euskaldunon dantza, euskal dantza izan da. Egungo agintarien eta kultura sasi-teknikarien konplexuek ez dute lortuko Basque Dance lapurtu eta esanahiz hustutzea. [Gure] dirua darabilte desjabetze eta euskal dantza ixiltzeko ahalegin horretarako, baina euskal dantzak beti erakutsi du dirua baino indartsuagoa dena, gorputza eta gogoa daukagun bitartean Euskal Dantza - Basque Dance bizirauten eta munduratzen jarraituko dugula.
Euskal dantza nazioartean
- 2023: Polonia, Bretainia, Alemania, Txekia, Flandria, Okzitania, Espainia, Balear Uharteak, Kanariak, Gaztela eta Leon, Portugal, Ipar Amerika.
- 2022: Alemania, Portugal, Katalunia, Utah (AEB), Gales, Idaho (AEB), Polonia, Espainia, Galizia,...
- 2019: Serbia, Okzitania, Frantzia, Polonia, Italia, Katalunia, Espainia, Hungaria, Sardinia,...
- 2015: Belgika, Bretainia, Txekia, Katalunia, Idaho (AEB), Portugal, Galizia, Italia, Frantzia, Polonia, Austria, Hungaria,...
- 2013: Frantzia, Ingalaterra, Kroazia, Austria, Hungaria, Portugal, Bretaina,..
- 2009: Alemania, Hungaria, Katalunia, Serbia, Lituania, Holanda, Txekia,
- 2006: Katalunia, Belgika, Portugal, Txekia, Hungaria, Espainia, Bulgaria, Toledo, Turkia, Norvegia, Frantzia, Suitza, Argentina, Italia, Alemania, Ingalaterra, Grezia,...
- 2005: Idaho (AEB), Bosnia, Ipar Karolina (AEB), Kroazia, Turkia,
