Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Aritz Ibañez Lusarreta BBC

Dokumentuaren akzioak

BBC

Bodas, bautizos y comuniones

Hortik finanziatzen dira dantza talde gehienak, omen. Dantzan.com-eko foroan irakurri ahal izan dugu Aritz Salamanca, gipuzkoar erako aurreskulari txapeldunari egindako elkarrizketa batean, tristea dela, baina hala dela, dantza taldeek hortik ateratzen dutela aurrera jarraitzeko aurrekontuaren zati garrantzitsuena. Erakundeen laguntza urria dela salatzen du elkarrizketan bertan Salmanca-k.

Konplikatua iruditzen zait afera. Alde batetik, teorian, erdeingarri begitantzen zait ezkontzak izatea dantza taldeen bizirauteko modua. Prostituzio moduko bat, ia. Argi dago, gehienetan ez dagoela beste irtenbiderik, emanaldiek ez dutelako ematen Euskal Herriko dantza talde ereduaren egiturak eskatzen duen diru kopurua.

Baina erakundeekin, neurri handi batean, gauza bera gertatzen da. Haiek jarritako baldintzetara egokitu behar, bestela jai! Hori ere prostituzio modua izan daiteke. Kasu honetan, gutxienez, dantzatzearen truke izaten dira diru-laguntzak. Dantzaren duintasunari erreparatu beharko genioke.

Ezkontzak? Erakundeak?

Dokumentuaren akzioak

julen
2007/06/07 14:18

iepa!

nik ere irakurri nuen elkarrizketa hori eta txokatu zidan dantzarien dirusarrera garrantzitsuna ezkontzak izatea.pentsatu nuen: "nik ere hasi beharko dut ezkontzetarako eskatzen dizkidaten bertsoak kobratzen"!

 Bertzalde, zein ezta prostituitzen kultur mundu hontan? bertsolariok ere azkenean herriak, antolatzaileak, giroak...eskatzen duen hura egitera edo ematera behartuak gaude. batzutan gozatzen da eta bertze auniztan marroi bat bihurtzen da, baina hala da, eta dantzan ere hala izanen delakoan nago. batzutan lagun kuttun bati dantzatu beharko diozu, ta gustora gainera...eta bertze batzuetan Barcinari dantzatu beharko diozu, gogo txarrez, baina dantzatu beharko!

ongi segi!

aritz
2007/06/08 13:18
Ia Barcina alkate dela gehiago dantzatu behar ez dugun,... dena den, inoiz ez baita balkoira irteten!

Pozten naiz zu hemendik ikusteaz, Julen!!!!
Jon
2008/12/31 01:57

Aupa Aritz!

Azkenaldian hemengo blogetatik saltseatzeko ohitura hartu dut eta hara non zure txokotxo hau ere topatu dudan.

Idatzi dituzunak irakurtzen nebilen eta zure sarrera honetan idatzi egin behar nizula sentitu dut. Pentsatu eta egin.

Lehenik, gure dantza taldea erabat identifikatuta dagoelako finanziazio horrekin, eta bigarrenik, eta aurrekoarekin lotuta, argazki ezin hobea jarri diozulako berriari.

Gu gara argazkikoak, ni ere hortxe nago, eta gure finanziazioa ezkontzetatik datorrela ez bazenekien ere, bete-betean asmatu duzu.

Besterik gabe,

Ongi izan eta zaindu zaitez! Hurrenarte!

aritz
2009/01/28 11:47
Aupa Jon,

Hau da hau kasualitatea! Konplikatua da afera. Nire ustez erakundeek lagundu beharko lituzkete proiektu bat izan eta lana duintasunez egiten duten taldeak. Tamalez, hori ez da gertatzen eta bestelako irtenbideak bilatu behar norberaren lana aurrera ateratzeko.

Egonen gatxik!

Erantzun

Erantzuna emateko identifikatu egin behar zara, gure webgunean erabiltzaile bat sortuz.