Dokumentuaren akzioak
Albisteak
Euskaldunak eta Dantza 7. jaialdia
"Kai" balletaren estreinaldia ikuskizunaren amaiera bikainena izango da, Jon Ugarrizak koreografiatuta, eta Itziar Mendizabala, Royal Balleteko lehen bakarlari hondarribiarrak dantzatua. Itoiz-ek ezagutarazi zuen Juan Carlos Perez-en "Lau Teilatu" eta Mikel Laboaren "Baga, biga, higa" kantek osatzen dute pieza honen soinu banda.
Aunitz Urtez: ezpata-dantzak eta ingurutxoak Argiaren eskutik
Juan Antonio Urbeltzen zuzendaritzapean, Argia dantzari taldeak Aunitz Urtez ikuskizun berria eskainiko du datorren urriaren 16an Bilboko Arriaga antzokian. Ezpata-dantzak, irradakak, soka-dantzak eta ingurutxoen inguruan apailatu du Urbeltzek ikuskizun berria.
Euskal Koreografoen Berlingo 2. Jaialdia
2009ko urrian ospatu zen Euskal Koreografoen Berlingo 1. Jaialdia. 2011ko abendurako bigarren edizioa prestatu dute. Oraingoan, "Euskaldunak eta itsasoa" gaiarekin lotuta eta hiru egunetan zehar, euskal dantza garaikidea, literatura, zinema, musika esperimentala eta arte performatiboa bilduko dira Berlinen. Mikel Aristegi, Natxo Montero, Idoia Zabaleta, Natalia Monge, Noemi Viana eta Pantxika Telleriaren lanak erakutsiko dira abenduaren 9tik 11ra Berlinen.
Gubernatis: "Nola azaldu ergelkeria, sektarismoa eta itsukeriaren eraginez euskal dantza tradizionaleko talde bikain batek ez jasotzea erakundeen diru-laguntzarik"
Le Nouvel Observator egunkariko Raphael de Gubernatis-ek Maitaldiaren jarraipen estua egin du eta kronika luzea idatzi du ikusi eta bizitakoaren inguruan. "Iragan mamitsua eta erdipurdiko aktualitatea" titulatu du. Hitz zorrotzez idatzitako artikulua da, erdipurdiko dantza garaikidea babestu eta ondare tradizionala baztertzen ari den erakunde sistema gogor salatzen duena.
Ugarteko ingurutxoa igandean
Urriko lehen igandean, Errosarioko Ama Birjinaren jaietan, dantzatu ohi da Ugarten ingurutxoa. Amezketako auzoa da Ugarte, Gipuzkoan dantzatzen diren ingurutxo bakanetakoa da bertakoa. Bestea, handik geratu dagoen Bedaio herrian dantzatzen da, eta biak ere, antzeko egitura dute.
Beskoitzeko Oinak Arin taldearen 50 urteurrena
2011 urtean zehar taldea sortu zela 50 urte direla ospatzen ari da Beskoitzeko Oinak Arin dantza taldea. Hori dela eta, Kanaldudek bideo-erreportajea prestatu du, taldeko zenbait dantzari eta arduradun elkarrizketatuz eta dantza emanaldietako irudiekin osatuz. Hemen ikus dezakezue.
Hiru dantzari heldu oholtza gainean
Etzi, irailaren 29an, estreinatuko da Biarritzen 75 eta 90 urte bitartean dituzten hiru dantzarik, Oihanburu, Nesprias eta Zabalak dantzatuko duten Oroitzen naiz ikuskizuna. Mizel Theret-ek zuzendutako lanak euskal dantzaren historiaren parte diren hiru dantzari heldu jarriko ditu eszenatokian. Biarritzen eta Donostian ikusi ahal izango da Oroitzen naiz datozen asteotan.
Angels Margarit, dantza sari nazionala BAD-en izango da
Bilboko antzerki eta dantza garaikidearen 13. edizioak erabateko hamabi estreinaldi eskainiko ditu, eta Angels Margartik, dantza sari nazionala bertan egongo da. 21 konpainiak hartuko dute parte Urriaren 28tik azaroaren 6ra arte ospatuko den BAD 2011n. Bertan aurkeztuko diren ikuskizunen artean, 12 erabateko estreinaldiak izango dira, beste 5, ikus-entzuleek Euskadin lehen aldiz ikusi ahal izango dituzten ikuskizunak eta 2 Estatu mailako estreinaldiak.
Mini bat jokoan eta Bizkaiko eta Gipuzkoako dantzariak leihan
Beti Prest taldeak antolatuta, dantza solteko beteranoen topaketak burutu dira larunbatean, irailaren 24an, Errenterian. Beren ibilbidea, kezkak, pozak eta gora-beherak kontatu zituzten Bizkaiko bi lagunek: Iñaki Mugerrak eta Arkaitz Paskuasek. Patxi Larrea omendu dute, eta lezokoak Gipuzkoatik nola bizi izan diren gauzak kontatu du. Jose Inazio Ansorenak, berriz, dantza soltearen sorkuntzaren aztarnak azaldu ditu. Hona hemen jardunaldietan entzundakoen kronika.
Massachusetts-etik Euskal Herrira ezpata-dantzak ezagutzera
Jeremy Carter-Gordon Ameriketako Estatu Batuetako dantzari eta musikari gaztea bat da. Etnokoreologia ikasketak egin ditu Boston-en, eta ikasketa bukaeran Europako ezpata-dantzak aztertzeko asmoz urtebetez kontinente zaharrean barrena bidaiatzen ari da. Eibar eta Beasainen izan ondoren, Markina-Xemein, Iurreta eta Elgoibarren izango da datozen egunetan.
Dokumentuaren akzioak
