Dokumentuaren akzioak
Albisteak
Angels Margaritek "Solo para habitacion" aurkeztuko du asteburuan Bilbon
Angels Margaritek, dantza sari nazionalak, "Solo para habitacion" ikuskizuna aurkeztuko du larunbatean eta igandean Bilbon, BAD antzerki eta dantza garaikide jaialdiaren barruan. Ikuskizuna Isabel Lopez dantzariak eskainiko du. 21 konpainiak hartuko dute parte urriaren 28tik azaroaren 6ra arte ospatuko den BAD 2011n.
Bea Fernandez-en bi lan, gaur eta bihar BAD-en
"Los que se ven entre si" eta "Tres personas, todos los cuerpos" lanak aurkeztuko ditu asteburuan Bea Fernandez sortzaile bartzelonarrak Bilbon, La Fundicion-en, BAD jaialdian. 16 interpreterekin izandako solasaldietatik abiatuta sortutako dokumentua aurkeztuko du gaur, eta dantzarien gorputzaren memoria eta interpretearen prozesua aztergai dituen dantza lana bihar.
Privolva estreinatuko du Olatz de Andresek
Olatz de Andres sortzaile eta koreografoak lan berria estreinatuko du datorren urriaren 30ean eta 31an, Bilbon, La Merced Aretoan. BAD jaialdiaren baitan. "Ilargiaren beste aldea" esan nahi du Privolvak, alegia, Lurretik begiratuta inoiz ikusterik ez dugun aldea.
Dantzaren belaunaldiak mintzagai
Lurralde berean burutu diren lau ibilbide desberdin, nola ikusten duzue zuen egoera dantzan gaur egun eta toki honetatik? Horixe da Arantza Balentziagak lau gonbidatuei mahai-gainean jarriko dien lehen galdera. Dantzaguneak antolatu duen lehen mintzaldia urriaren 27an, arratsaldeko 17:00etan, Donostian, Okendoko Kultur Etxean burutuko da.
ADDE: Egin zaitez bazkide! Orain behar zaitugu!
Sektoreari profesionalizatzen laguntzen dion talde bat gara, 100 profesional baino gehiagok osatzen dugun taldea. Gure misioa, heziketa garapena, garapen soziala, laborala, kulturala eta artistikoa bultzatzea da, gure esperientziatik, konpromezutik eta hausnarketa bateratutik.
Pariseko Operako Balleta Biarritzen
Nazioarteko Ballet konpainia handi eta entzutetsuenetako bat, Pariseko Operako Balleta Euskal Herrian, Biarritzen, izango da datorren astean. Urriaren 28an eta 29an, Biarritzeko Gare du Midin eskainiko ditu emanaldiak.
Gipuzkoako Dantzako Profesionalen Elkartearen eguberritako dantza ihardueren izen ematea ireki da
Aurten ere, Gipuzkoako Dantzako Profesionalen Elkarteak nazioartean ospea duten irakasleak gonbidatzen ditu beren ezagupenak transmititu ditzaten Gipuzkoako ikasleei. Iharduerak Dantzagunea-Artelekun burutuko dira abenduaren 26tik 30era eta izen ematea abenduak 11 bitarte egin daiteke.
Belaunaldiz belaunaldi ekitaldia
Gaztediren 60. urteurrena azken txanpan sartu da dagoeneko, eta merezi bezalako amaiera emateko, "Eusko Ederti, Belaunaldiz Belaunaldi" ekitaldia ospatuko dugu datorren azaroaren 13an, igandea, arratsaldeko 19:00etan Arriaga Antzokian.
Nor dabil dantzan? 3. Ibilbideak eta hezkuntza esperientziak
Euskal Herriko Dantza Profesionalen Elkarteak (ADDE) antolatuta, 3. topaketa profesionalak burutuko dira datorren azaroaren 3an, Bilbon, BAD jaialdiaren baitan. Ibilbideak eta hezkuntza esperientziak ardatz hartuta, Maria Muñoz, Filgi Claverie eta Natalia Mongek egingo dituzte aurkezpenak.
Dokumentuaren akzioak
