Hemen zaude: Hasiera Albisteak Hiru dantzari heldu oholtza gainean

Dokumentuaren akzioak

Hiru dantzari heldu oholtza gainean

2011/09/27 11:41
Etzi, irailaren 29an, estreinatuko da Biarritzen 75 eta 90 urte bitartean dituzten hiru dantzarik, Oihanburu, Nesprias eta Zabalak dantzatuko duten Oroitzen naiz ikuskizuna. Mizel Theret-ek zuzendutako lanak euskal dantzaren historiaren parte diren hiru dantzari heldu jarriko ditu eszenatokian. Biarritzen eta Donostian ikusi ahal izango da Oroitzen naiz datozen asteotan.

Malandain Ballet Biarritz eta Euskal Kultur Erakundea batu dira ikuskizun hau ekoizteko. Jean Nesprias (84 urte), Philippe Oyhamburu (90 urte) eta Koldo Zabala (75 urte) dira oholtzara igoko diren hiru dantzariak, eta Mizel Theretek zuzendutako koreografia taularatuko dutenak.

Obra intimista dela iragarri du Theretek, geldoa eta keinu minimalistetan oinarritua. Sorkuntzaren gai nagusia dantzariaren gorputzaren eta gorputz-memoriaren zahartzea da.

Oroitzen naiz...

Koreografia:

Mizel Theret

Dantzariak:

Jean Nesprias, Philippe Oihanburu eta Koldo Zabala

Datak:
  • Irailak 29, osteguna, 20:30ean: Biarritz, koliseoa.
  • Irailak 30, ostirala, 20:30ean: Biarritz, koliseoa.
  • Urriak 1, larunbata, 20:30ean: Biarritz, koliseoa.
  • Urriak 2, igandea, 16:30ean: Biarritz, koliseoa.
  • Urriak 4, asteartea, 20:00etan: Donostia, Antzoki zaharra.

Donostiako emanaldiaren ondoren, solasaldia izango da Mizel Theret koreografoarekin eta dantzariekin.

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.