Dokumentuaren akzioak
Albisteak
Gorpuzti Eguna
Atzo izan zen Gorpuzti eguna (Gorpuzti eguna noiz den jakiteko ikus hemen, eta beraz, asteburu honetan izango dira Gorpuzti eguneko ospakizun nagusiak eta ondorioz hainbat dantza. Gorpuzti egun ikusgarrienetakoa Oñatikoa da dudarik gabe. Oñatiko dantzariak gaur hasi dira lanean eta asteburu osoan jarraituko dute. Hori bai, igandekoa izango dute egun handiena.
Pasaiako Aurresku Txapelketaren emaitzak
Nahiz eta izen emanda 13 dantzari egon, 12 izan ziren parte hartu zutenak, bat ez baitzen aurkeztu.
Dantza Plazan zikloa
Berriro dator udara, Gasteizen benetazko udara baldin badago Eta uda aroan gure Dantza Plazan zikloa kalera, edo hobeto esana, Plazara. Dantza Plazan zer den azaltzea zaila iruditzen zaigu. - Ikustera joan behar edo? - Ez ba joan eta ikusi ez da Dantza Plazan jakiteko modu aproposena.Joan eta dantzatu, horixe bai dela Dantza plazako zentzua.
Zine beltza eta musika
Aintzinean gertatzen zen beste, zuzenean emango diote musika filme batzuei Xaramel Taldekoek. 2002ko Maiatzaren 24ean Elgoibar Antzokian, gaueko 22:30.
Kulunka Munduari Bira
"Kulunka Munduari Bira" ikuskizunaren hirugarren saioa, Leioako Antzerki Astean. 2002ko Maiatzaren 31. Gaueko 10:45. Institutuaren plazan. Dantza tradizioa eta Euskal Herriko Soinu Tresnak beste ikuspuntuetatik ikusiak.
Euskal Jaia Eibarren maiatzaren 23 tik 26ra
Aurten ere, aurreko urteetan bezala, hainbat ekitaldi antolatu dituzte Deportiboak eta Arrate Kultur Elkarteak. Egun hauetan, besteak beste, hitzaldiak, azoka, kale antzerkia, euskal dantzak eta herri kirol erakusketak, trikitilariak, kalejirak eta kantaldia izango ditugu.
Dantza sustatzeko Eusko Jaurlaritzaren dirulaguntzak
Maiatzaren 16ko datarekin azaldu da Euskal Herriko Agintaritzaren Aldizkarian Dantza sustatzeko dirulaguntzetarako 2002ko deia egiten duen Agindua. Sorkuntza koreografikoa, dantza-lanen ekoizpena eta bira artistikoetarako laguntzak eska daitezke.
Dance-en berpizkundea
Harrigarria da azken urteotan zein berpizkunde izan duten Nafarroako Erriberako "paloteados"ak edo "dance"ak. Kultura tradizionalaren erakusgarri horiek Nafarroatik hegoaldera, Aragoa eta Gaztelan soka luzeko tradizioak dira, eta berpizkunde urteak dituzte han ere. Aurten, Guadalajarako herri txiki batean, La Yuntan, berpiztuko dute "dance"a eta nahikoa da horren ezaugarri eta argazkiari erreparatzea Nafarroako Erriberakoekin duten lotura estuaz ohartzeko.
Euskadiko XXII. Gipuzkoar Aurresku Txapelketa
Dagoeneko atera dira aurtengo Euskadiko Gipuzkoar Aurresku Txapelketan parte hartzeko oinarriak. Euskal Herriko udaletxeetara bidaltzen ari gara, Gipuzkoako EDBren egoitzan ere badaude. Mezu honen bukaeran ere irakurri ahal izango dituzue. Saiatuko gara hurrengo egunotan oinarrien inprimakia PDF formatoan Interneten jartzen, parte hartu edo informazioa jaso nahi duenentzat lana errazteko asmoz.
Jalgi Hadi Dantzarat, Erromeria Eguna Bergaran
Erromeria Eguna antolatu du larunbaterako Bergaran Euskal Dantzarien Biltzarrak. Bergarakoa izango da lehen edizioa, eta hemendik aurrera bi urtetik bi urtera egiteko asmoa dago, hurrengoa, 2004an Abadiñon seguru asko.
Dokumentuaren akzioak
