Dokumentuaren akzioak
Albisteak
Victor Olaeta, dantzari eta koreografoa hil da
Atzo hil zen, 84 urte zituela, Victor Olaeta Torrezuri (Gernika-Lumo, 1922). Segundo Olaeta aitaren bideari jarraitu zion Victorrek eta dantza izan zuen bere bizitzaren ardatz. Elai-Alai eta Olaeta baletak izan dira bere ibilbideak auspotuta taldeak, eta munduko hainbat bazterretara eraman du euskal dantza bere bizitzan Victor Olaetak.
Ertza: Beasaindik Durangora eta Moskutik Madrilera
Hainbat emanaldi ditu aurreikusita Ertza dantza konpainiak datozen asteotarako, hurbilean horietako batzuk, Beasain eta Durangon adibidez, eta ez hain hurbil beste batzuk, Mosku eta Madrilen arituko baita Asier Zabaletak zuzentzen duen dantza konpainia.
Folklorea ikus-entzunezkoetan
Eusko Ikaskuntzak irudiaren diziplinaren bidez Folklorea lantzen duten zine zuzendari, produktore, argazkilari eta ikerlariak bilduko ditu Bilbon. Eusko Ikaskuntzaren Folklore Sailak, larunbatean, urriaren 20an, (Gran Vía, 45-1º, Edificio Sota), “Folklorea Ikus-entzunekoetan” Jardunaldia antolatu du. Bertan, zine zuzendari, produktore, argazkilari eta irudi eta folklorearen munduan esperientzia handiko ikerlariak izango dira bertan.
Penintsulako inauteri ikusgarriak Santurtziko kaleetan
Larunbat honetan, urriaren 20an, Iberiar penintsulako hainbat inauteri desberdin ikusteko aukera izango da Santurtzin. Aukera paregabea da, beste modu batera urtean behin, egun seinalatuan, eta bere jatorrizko herrian solik ikusi daitezkeen ospakizunak ezagutzeko. Galizia, Leon eta Kantabriatik etorritako inauteriak izango dira, Iturengo joaldunekin batera Santurtziko kaleak mozorrotuko dituztenak.
Azkaindarrak, jauzi eta ebats!
Dantzari andanarekin eta giro ederrean iragan da pasa den igandean Mutxiko Eguna Arrangoitzen. Goiz eta arratsaldez mutxikoak dantzatzeko aukera izan da, mutxikoen doinu berriak biltzen dituen CDa aurkeztu da eta Betti Beteluri ohiko omenaldia egin zaio.
Dantzarien bidea egin eta Iruñean dantzatu du Kemenek
Eguraldi ederra lagun burutu dute Irungo Kemen dantza taldeko 15 kidek asteburu luzerako aurreikusi zuten ekimena. Zaldibiatik Iruñera oinez joan, eta Iruñera iritsitakoan Gipuzkoako dantzen emanaldia eskaini, orain mende terdi Olano dantza maisuak gidatutako dantzariek egin zuten bezala.
Dinbili Danbala ikuskizuna prestatu du Aintzina Eskiulak
Datorren urriaren 27an eta 28an aurkeztuko da Eskiulan herriko Aintzina Eskiula elkarteak prestatu duten ikuskizun berria. Dantza, musika, eta antzerkia biltzen ditu Catherine Arçanuthurryk zuzendutako ikuskizunak.
Dantza proposamen berritzaileak BAD jaialdian
Datorren urriaren 26an abiatuko da BAD, Bilboko IX. Antzerki eta Dantza Garaikidearen Jaialdia. Hamar egunetan, dantza, antzerkia, performanceak, bideo-instalazioak, tailerrak eta topaketa profesionalak biltzen ditu BAD-ek. Arte eszenikoak eta berrikuntza dira bi ardatzak.
Zer dantzatzen da Argentinako Euskal Etxeetan?
Argentinako Euskal Astea ospatu berri da Rosarion. Ekitaldi egitarau zabala izan ohi du Euskal Asteak eta horien artean dantzek toki berezia izaten dute. Argentinako Euskal Etxeetako dantza taldeen emanaldia izan ohi da ekitaldi garrantzitsuenetakoa. Emanaldi nagusian eskainitako dantzen errepertorioari begira jarri da Aitor Alava eta hainbat datu bildu ditu.
Zaldibia-Iruñea oinez orain 150 urte bezala
Ibilaldi eta emanaldi berezia burutuko dute Kemen dantza taldeko 15 kidek asteburu honetan. Zaldibiatik Iruñerako bidea oinez egingo dute, eta Nafarroako hiriburura iritsitakoan, Gipuzkoako dantzen emanaldia eskainiko dute. Ez da promesa bat eta ezta penitentzia bat ere, XIX. mendean Zaldibiako dantzariek egindakoa gogoratu eta bizi nahi dute modu horretan.
Dokumentuaren akzioak
