Mugatxoan: Practicable

Ikerketaren, sorkuntzaren, transmisioaren eta ekoizpen-egitura jakin baten arteko harremanak errazten dituen lan-egitura horizontala da Praticable

. Proiektuan parte hartzen duten artistek –batek edo gehiagok– sinatutako lan ugari sortzeko oinarria da. Piezak gorputzaren jardunen ikerketan eta antzezpenari lotzeko askotariko moldeetan kokatuta daude.

 

Ostiralean, ekainak 13, 17:00etan Alice Chauchatek, Isabelle Schadek eta Frédéric Giesek Practicable hitzaldia eskainiko dute Artelekun, Mugatxoan zikloaren harira. Eta larunbatean, lehenengo biek lan bana aurkeztuko dute. 

Praticable, zehazki, hainbat sorkuntza-lanen bultzatzaile diren eta elkarlanean egiten diren jardun fisikoetan eta jarduera fisikoei buruzko ikerketa-aldietan garatzen da. Sorkuntza-aldiak ikerketa-aldien osagarri dira; hortaz, proiektu zehatz bakoitzean artelanerako baliagarria den jarduneko partaide guztiek esku hartzen dute.

 Larunbatean, hilak 14, Alice Chauchatek eta Isabelle Schadek lan-egitura horrekin lotura zuzena duten lanak aurkeztuko dituzte, 21:00etan Artelekun.

Alice Chauchatek The Breast Piece aurkeztuko du, gorputz "naturalaren" eta bere kultur irudikapenen arteko harremanak aztertzen dituen lana.

Isabelle Schadek Ohne Worte aurkeztuko du; bertan, egintza barregarria ikertzen du hurbiltasun fisikoaren bitartez.

(Gipuzkoa Kulturatik jasoa)