Dokumentuaren akzioak
Albisteak
Kabalkada-zintzarrotsak Urruñan ekainaren 7an eta 15ean
Urteterdiko prestaketa lanen ondoren bertan da Kabalkada-zintzarrotsak jendaurrean eskaintzeko unea Urruñan. Hazia eta Berttoli elkarteek koordinatuta, eta Gerard Urrutia eta Zelin Duperou gidari direla, 200 partaide inguruk parte hartu du ekimenean: dantzariak, kantariak, musikariak, aktoreak, jantzigileak, e.a.
Metodo Verdini metodoa
Verdini Dantza Taldeak “Método Verdini Metodoa” ikuskizun berriaren aurrestreinaldia aurkezten du. Beronen asmoa ordu batean zehar Verdini-ren funts guztia biltzea da. Isabel Verdini koreografoak bi hamarkada baino gehiago daramatza ezgaitasunen bat duten pertsonen integrazioagatik dantzaren bidez lan egiten. Oraingo honetan, bere metodologia guztia kontatzen du berau ikuskizun bihurtuz: beroketa ariketetatik hasi eta erdiko lanetatik jarraituz, azkeneko helburua lortu arte, hau da, emanaldi oso bat. Guztia Verdini Dantza Taldea osatzen duten artistek kontatua/dantzatua.
Alkartasuna euskal dantza taldearen emanaldi berezia larunbatean
Alkartasuna euskal dantza taldeak berrogeita hamar urte betetzen ditu aurten. Hala nola, urtero maiatzeko azken larunbatean egiten duten aurkezpena berezia bilakatu dute. Hilaren 31ean izango da, larunbat honetan, eta taldetik pasa diren ia 100 pertsonek parte hartuko dute emanaldian.
Amets Bidek, 50. urteurrenean ametsetako bat bete zuen
500 dantzaritik gora elkartu ziren igandean Amets Bideren 50. urteurrena ospatzeko III. Dantzari Egunean Ordizian.
Dantzategia 2.0 auzoarekin dantzatzen
Koreografia: GIDARIAK. Koreografoa: Jone San Martin Dantzariak: Dantzaz Konpainia. 2.0 Dantzategiaren bidez Dantzaz Konpainiak eta Donostia Kulturak bat egiten dute lurralde bati (Donostiako Egia auzoa) eta bertako herritarrei loturiko sorrera koreografikoko prozesu bat garatzeko.
Pierra Aguer, "Garat", Basaburian Arhanen bizi den Ziberuko dantzez mintzo
"La Danse Basque" (1981) liburuan argitaratu zen Pierra Ager "Garat Arhan" dantzari, dantza-maisu eta atabalari zuberotarrari Thierry Truffaut eta Errekaret apaizak egindako elkarrizketa hau. "Un temoignage: M. Aguer-Garat (danseur souletin)" izenburuarekin argitaratu zen, eta bertan Zuberoako dantza eta dantzariei buruzko hainbat kontu interesgarri kontatzen ditu.
"Five Days to Dance" filma ikusteko gonbidapena
Donostia San Sebastian Europako Kultur Hiriburutza 2016-ek gonbidatu nahi zaituzte, Donostia Kultura eta Udaleko Hezkuntza Atalaren lankidetzarekin, “Five Days to Dance” dokumentalaren aurre estreinaldira, ekainaren 4ean, asteazkena, arratsaldeko 19:30etan Donostiako Antzoki Zaharrean izango dena. Sarrera doakoa izango da.
Sortutakoak tradizionala deialdia ireki du Dantzaguneak
Dantza garaikidean egiten den eran, dantza tradizionalean ere sorkuntza proiektuak babesteko deialdia da Sortutakoak tradizionala izenekoa. 2012an Beasaingo neskatxen esku-dantza eta 2013an Andoaingo Axeri-dantza izan dira deialdi honetan babestutako proiektuak. Proposamenak aurkezteko deialdia ekainaren 30erarte dago irekita. Hona hemen deialdiaren argibideak eta baldintzak:
Kastañoseko Euskal Jaia
Berriz ere, 2014ko Kastañoseko Euskaljaia heltzera dator. Aurten maiatzaren 30, 31n eta ekainaren 1ean izango da. Programa igortzen dizuegu. Ikusiko duzuenez, gauza batzuk guztiz zehaztu barik daude. Laster bidaliko dizuegu kartel eta programa ofiziala.
Kukai dantza konpainia saritu dute Leioako Umore Azokan: Euskadiko ikuskizun onena
'Gelajauziak' ikuskizunak modu ezin hobean abiatu du bere ibilbidea. Kukai Konpainia eta Cesc Gelabert koreografoa batu dituen ikuskizuna ostiralean estreinatu zen Leioako Kaleko Artisten azokan, eta jaialdi berean Saria eskuratu du. Epaimahaiak modu honetan arrazoitu du Kukairi emandako Saria: "Herri‐dantzen bilakaeratik abiatuta, mundu estetiko ezagunen garapenean aurrerapausua lortu dutelako, dimentsio unibertsaleko proiekzio artistikoa lortuz."
Dokumentuaren akzioak
