Hemen zaude: Hasiera Komunitatea Udaberri Dantza Taldea

Orain arteko ekarpenak

Aurten... fandangoa baietz ikasi!

2014/09/10

2014-2015 ikasturtearen atarian, erronka berri bat proposatuz gatoz Udaberri dantza taldeko kideok. Hirugarren urtez helduei begirako plaza-dantzen ikastaroak prestatzen ari gara eta, beraz, alpargatak hartu eta oinetako giharrei herdoila kentzeko gonbita egin nahi diegu horretarako gogoz diren guz...

Gehiago irakurri

Portugalera goaz, eta gurekin eramango ditugu euskal dantzak

2014/07/23

Ikasturte gogorra izan da aurtengoa, Udaberrirentzat; gogorra, urteroko lanari ideia, gogo eta proiektu berri asko gehitu dizkiogulako. Lan eskerga horrek, ordea, poza besterik ez digu ekarri jardunaren fruituak jasotzean. Esfortzu horren sarietako baten berri ematera gatozkizue gaur. Iazko uda ...

Gehiago irakurri

Matrikulazio kanpaina itxi beharrean gara, ESKERRIK ASKO!!!

2014/07/10

Pasa den ekainean abiarazi genuen datorren ikasturteko matrikulazio kanpaina, eta eskerrak eman besterik ezin dugu egin, euskal kultura eta dantza gaztetxoei transmititzeko egiten dugun ahalegin horretan gugan jarri duzuen gogo eta konfiantza hori guztia erakusteagatik. MILA ESKER!!! 150 neska-m...

Gehiago irakurri

Udaberrikideok ere parte hartu genuen ezpata-dantzan

2014/07/04

Ekainean Benito Lertxundi kantari oriotarrak Gipuzkoako Foru Aldundiko urrezko domina jaso zuen, eta hainbat dantza taldetako kiderekin batera, Udaberriko dantzariok ere parte hartu genuen ezpata-dantzan. Hemen informazioa eta irudiak! http://www.dantzan.com/argazkiak/donostia-ezpata-dantza-urr...

Gehiago irakurri

Sanjoanetako nostalgia sendatzeko irudiak

2014/07/03

Sanjoanak ondo pasata, oraindik sua eta musika gogoan dugu askok. Urtebete falta da oraindik hurrengoetarako, baina, lasai! Udaberrikideok badugu nostalgia horrentzako sendagaia eta. Sartu gure galerian eta gozatu argazkiez! http://www.udaberri.com/#!fashion/c1r5b ...

Gehiago irakurri

'Egun batez 25', denontzat ikusgai

2014/06/20

Izango dira hiru urte, taldearen 55. urteurrenaren harira, Bordon dantzaren inguruko lan hau prestatzen hasi ginenez geroztik. DVD kaxetan bueltaka ibili da, eta, sanjoanak ate joka ditugun honetan, ez zaigu modu hoberik bururatu festak girotzeko, bordon dantzari baten San Joan eguna barru...

Gehiago irakurri

Dantza egin genion gizarte hobe bat lortzeko nahiari

2014/06/16

Larunbata egun betea izan zen Udaberriko kideontzat eta, iluntzean ere, izan genuen oinak astintzeko aukera, gizarte eragileen jaian. Ziekoko (Araba) dantzekin hasitako emanaldia fandango eta arin-arinarekin amaitu genuen, eta topa egin genuen, ondoren, gizarte hobe baten alde. ...

Gehiago irakurri

Lokal berria atondu dugu datozen 20 urteetarako

2014/06/16

Sei hilabeteko auzolanaren ondoren, pasa den ostiralean zabaldu genizkion ateak lokal berriari. Eragile zein udaleko ordezkariekin batera, Udaberrirentzat ezinbesteko izan diren aurreko belaunaldietako kideak ere gonbidatu genituen. Pozgarria izan zen, oso, jendearen irribarreak ikustea. Agurrar...

Gehiago irakurri

Udaberrin ere, euskaraz gara!

2014/06/16

Udalerri Euskaldunen Eguna Tolosan izan zen larunbatean eta, herriko beste hainbat eragilerekin batera, gurea izan zen kaleak girotzeko ardura. Lapurdiko dantza, musika eta jantziak aukeratu genituen hitzordurako, eta kalez kale nahiz plazaz plaza ibili ginen. Eguerdian, flashmobean ere parte ha...

Gehiago irakurri

'Egun batez 25' DVDaren trailerra

2013/06/17

San Joan jaien usaina gero eta gertuago somatzen dugun honetan, urteroko moduan, Udaberri dantza taldeko kideok ere buru-belarri ari gara lanean. Festari merezitako musika, dantza eta kolorea emango diogu aurten ere, baina horrez gain, badugu bestelako proposamenik herritarrei eskaintzeko.

Gehiago irakurri

Udaberri Dantza Taldea

Udaberri Dantza Taldea

Udaberri Dantzari Taldea 1957an sortu zen Euskal Herriko herri-kultura eta tradizioaren zati bat kontserbatu eta ezagutzera emateko, batez ere dantza eta doinu herrikoien esparruan. Lan horren bidez, Tolosan garai hartan euskal kulturaren eremuan zegoen hutsunea bete nahi izan genuen. Urteak aurrera joan ziren neurrian, konpromiso berriak hartu zituen taldeak, eta horren ondorioz, ahaztuta zeuden dantzak berreskuratzeko asmotan, zenbait ikerketa-lan burutu zituzten orduko taldekideek. 

Horrela, dantza horiek jaso eta jendaurrean erakusten aritu izan da Udaberri urteotan. Tolosaldean aritzeaz gain, gure mugetatik atera eta ikerketa horiek emandako fruituak Euskal Herri osoan erakutsi ditugu, eta, era berean, Espainiako hainbat jaialditan (Jaca, Salamanca, Córdoba, Gijón, Santiago de Compostela, Lugo, Gurrea de Gállego,…). Europan zehar ere jardun gara gure herriko kulturaren berri ematen: lehenbizi, Herbeheretan eta geroztik, Alemania, Irlanda, Txekiar Errepublika, Belgika eta beste toki askotan.

Bestalde, urteetan zeharreko esperientziak erakutsi zigun taldeak dantza-eskola bat sortzeko zuen beharra. Euskal dantzen tailer eta ikastaroen bidez, haur, gazte eta helduei euskal dantzen oinarria transmititzen saiatzen gara, egungo helduen talderako bidea urratuz sarri askotan.

 

90. hamarkadara iritsita, garai berrietara eta ikusleen irriketara egokitzeko beharra sumatu zuen taldeak. Horrela, taldeko hainbat kidek egindako ikerketa eta lan gogorraren ondorioz, Xirulikan ikuskizuna eskaini zen 1992ko abenduan. Argiek, soinuak eta ikus-entzunezko beste baliabide batzuek osotasun bat eginez, dantzen berezko esanahia erakutsi eta nabarmendu nahi izan zen estetika xeheki zainduz.

Arrakasta handia izan zuen ikuskizunak, eta ondorioz, 1993an Xirulikan berriro prestatu eta eskaintzea erabaki zuen taldeak.

Pentsamolde eta lan-jarduera berari eutsiz, eskenatokiko irudia hobetzeko erabakia hartu zen. Horretarako jarraibide batzuk ezarri genituen: tradiziozko jantziak bere horretan hartu eta berritzea, dantzariak eskenatokiko lanerako prestatzea, etab. Lan horren emaitza 2000. urteko Gabonetan eskaini genuen Iruditan ikuskizuna izan zen, eta aurrekoa bezala, oso arrakastatsua izan zen. Herriko dantzak jazzarekin eta antzerkiarekin bat egiten zuten ikuskizun honetan.

Aipaturiko bi ikuskarietan bildutako esperientzia abiapuntu hartuta eta Udaberriko kideen sen berritzaileak bultzatuta, taldeak ordura arte egiten zituen ohiko emanaldien moldea hautsi eta kutsu berritzailea zuten ikuskizunak antolatzen hasi zen. Geroztik, taldeak bere dantzak formaren aldetik beste modu batera eskaini zituen, euskal erromeria eta herri bazkaria oinarritzat hartuta.

Gauza orok bere zikloak dituenez, Udaberri Dantzari Taldearen aro arrakastatsu honen ondoren, belaunaldi aldaketa etorri zen halabeharrez. Ikastaroetako gaztetxoak ordura arte ikasitakoa hobetzen hasi ziren, eta euren dantza-errepertorioa zabaltzen. Bizpahiru urteren buruan, taldea erabat aldatu zen. Gaur egun, dantza talde gaztea gara, eta lanean dihardugu noizbait gure aurrekoek lortu zutena errepikatzeko grinaz, Euskal Herri osoko dantza eta musikak ezagutuz.

Jasotako azken erantzunak