Dokumentuaren akzioak
Albisteak
Errenteria Dantzan 2007
Urtero moduan, Ereintza dantza taldeak aurten ere Errenteria Dantzan jaialdirako egitarau zabal eta interesgarria prestatu du. Dantzaren joera eta erakusmolde ezberdinak erakustea da jaialdi honen helburua eta horretarako dantzaz beteriko bi asteburu izango dira Errenterian.
Folklorea ikus-entzunezkoetan
Eusko Ikaskuntzako Folklore Sailak “Folklorea Ikus-Entzunezkoetan” Jardunaldiak antolatu ditu. Azken berrogei urteetan –gutxienez–, beren errealizazioekin liluratu gaituzten zine zuzendari eta ekoizleen, argazkilarien eta irudi zein Folklore munduekin loturiko beste hainbat ikertzaileren ikuspuntuak azaltzea dute helburu Jardunaldiok. Eusko Ikaskuntzaren Donostiako egoitzan 2007ko urriaren 20an burutuko dira jardunaldiak.
Euskaldunak eta Dantza 2. dantzaldia
2006an sortutako Asociacion Bilbao Ballet Elkarteak (ABBE) atzerrian dabiltzan euskal dantzariekin duen konpromisoa berretsi nahi izan du eta "Euskaldunak eta Dantza 2. dantzaldia" antolatu du. Bilboko Euskalduna Jauregiaren entzutegiak Igor Yebrak (Bordeleko Operako dantzari izarrak) zuzendutako ikuskizunaren bi emanaldiak hartuko ditu. Ekainaren 11an eta 12an 20:30etan da hitzordua.
Hondarribia dantzan
Hondarribia Dantzan, dantzaren eta orohar folklorearen inguruko festa dugu, bertan hezkuntza ikuspegia zein alde ludikoa barneraturik daudelarik. Kemen dantza taldearen helburu nagusienetako bat bailaran hainbat ekintza kultural sustatzea izanik, Hondarribia Dantzan ere ildo horren barnean kokatzen dugu. Bestalde, zer esanik ez, euskal kultura dantzatuaren zabalketaren alde lan egin ahal izateko bidea ere bada.
Folklore Erakundeak aztergai Ortzadarren jardunaldietan
Ortzadar Euskal Folklore Elkarteak XXIII. Folklore Jardunaldiak eginen ditu aurten, eta, oraingoan, Folklorearen Erakundeen ikerketari ekingo dio. Horretarako, lanak aurkezteko epea zabaldu da.
Bideo sorta bikaina sareratzen ari da dantzanet
Hainbat dantza tradizionalen bideoak sareratzen ari da dantzanet, Bizkaiko Dantzarien Biltzarraren webgunea. Lekeitio, Garai edo Gernikako dantza tradizionalen grabazio zaharrak sarean daude dagoeneko. Dantzarien Biltzarraren apaletan zegoen altxorra guztion eskura jartzeari ekin dio dantzanet-ek.
BBj3 Hautaketa frogak
Dantzaz Elkarteak jakinarazten du datorren igandean, 2007ko ekainaren 3an, Ballet Biarritz junior 3-rako hautaketa-froga antolatzen duela, pre-profesional diren dantzarientzat, Donostiako GASTESZENAn (Egia Kultur Etxea).
II. Folklore Azoka Portugaleten
Elai Alai Fundazioak atseginez gonbidatzen zaituzte II. Folklore Azokara. Azoka Portugaleteko alde zaharrean izango da, handizkako merkatuaren plazan, Ekainaren 8tik 10ra bitartean. Azokan 30 erakusketari baino gehiago izango dira jendaurrean euren lana agertzen: musika tresnak, jantziak eta artisautza.
50 urte dantzan Soraluzen
Gerra osteko lehen dantzari taldea osatu zeneko 50. urteurrena dala ta, belaunaldi desberdinetako taldeak entsaioetan ari dira datorren ekainaren 9an herrixan dantza saio bat egiteko.
"Dantzari gazte" antolatu du IEDBek
Dantza taldeetan aurkitzen diren gazteentzat, betiko "dantzari ttiki" ez dela egokitua azpimarratua izan zen. Beraz IEDB-ko ( Iparraldeko Euskal Dantzarien Biltzarra) langileek bertze egun bat eskaintzen dautzue: Dantzari gazte.
Dokumentuaren akzioak
