Dokumentuaren akzioak
Albisteak
Dantza taldeak atzerrian 2006
Uztailean hasi ginen aurten atzerrira atera diren dantza taldeen bilduma egiten, eta uda aurrera joan ahala joan da puzten albiste hori. Oraindik urte bukaera arte izango dira irtengo diren taldeak, baina uda bukatzen ari den aldetik laburpena egiteko une egokia izan daiteke.
Arkaitz Añorgako Dantzarien 80 urteurrena
Aste honetan ospatuko dute Añorgako dantzariek beren taldearen sorreraren 80. urteurrena. Añorga elkarteak Rezola zemento fabrikaren babesarekin jarri zuen martxan dantza taldea 1926an. Manuel Arizmendi, Joxe Zabala eta Jorge Ganuza izan ziren dantza taldearen sustatzaileetako batzuk, eta garai hartako dantza maisu entzutetsu bat izan zuten lehen gidaria: Jose Lorenzo Pujana.
Boiseko Oinkari Euskal Herrian arituko da
Oinkari Basque Dancers taldea Bizkaiko hainbat herritan dantzan ikusteko aukera izango da irailaren 12 eta 18a bitartean. Boiseko dantzariak Galdakaoko Andra Mari dantzari taldearengana etorriko dira, iaz Galdakaoko taldeak Boisen egin zion bisitari erantzunez.
Urbeltzen artikulua argitaratu da AMN aldizkarian
Morris dantzarien aldizkari entzuetsuenetakoa den American Morris Newsletter aldizkarian Juan Antonio Urbeltzen artikulu bat argitaratu da. Inauteriak, ezpata-dantzak eta horien ezkutuko esanahiak ditu hizpide Urbeltzek artikulu horretan.
Lan eskaintza EDBn
Iparraldeko Euskal Dantzarien Biltzarrak lanpostu baten deialdia egin du. Dantza eskolak ematea eta EDBko dinamizazio lanak burutzea izango ditu zeregin nagusiak eta 2006ko urrian hasiko litzateke lanean. Hona hemen EDBk plazaratu duen lan eskaintzaren ezaugarriak.
Oporretan
Dantzan.com oporretan dago. Abarketak zintzilikatu ditugu abuztuan. Irailean itzuliko gara dantza kontu gehiagorekin. Ondo pasa eta asko dantzatu!
Gaizka Barandiaran hil da
Gaizka Barandiaran, folklore ikertzaile eta dantza sustatzailea nekaezina hil zen atzo. 90 urte zituen, eta euskal dantzaren, hizkuntzaren, filosofiaren eta historiaren inguruko hainbat ikerketa lan uztartu ditu bere bizitzan Jesuita betebeharrekin. Azken urteotan, Loiolan bizi zen Gaizka, apaiz eta irakaskuntza lanetatik erretiroa hartuta, eta bere ikerketa lanetara emanik.
Getxoko XXII. Nazioarteko folklore eta dantza jaialdia
Herri ezberdinen ohiturak ezagutzea ezinbestekoa dugu beren nortasuna ulertu ahal izateko. Getxoko Nazioarteko Folklore Jaialdia ezezagunak zaizkigun musika, dantza, jantzi eta ohituretara hurbiltzeko aukera aparta da. Uztailaren 21etik 23ra, hiru gauetan zehar, musika eta dantza hiru ikuskizun eskainiko dizkiegu ikusleei. Hiru lurralde desberdinetatik etorritako taldeak arituko dira aurten: Euskal Herriko Itxartu Taldea, Portugaleko Areosako talde Etnografikoa eta Senegaleko Kora.
Bilbo Dantzan, Gaztediren 55. urteurrena eta Nazioarteko Folklore Jaialdiarekin Arriaga Plazan
Bilboko Udaleko Kultura eta Euskara Sailak antolatuta, jaialdia datorren uztailaren 22an ospatuko da, Arriaga Plazan, 19:00etatik aurrera. Mallorkako Esclafits i Castanyetes eta Orenburgo Estatuko Abesbatza (Errusia) izango dira gonbidatuak.
Euskal dantza taldeak atzerrira
Urtero hainbat dantza taldek Euskal Herritik kanpoko jaialdetan parte hartzen dute. 2006an ere talde asko aterako dira eta dagoeneko joan, ibili eta itzuli dira batzuk. Beste batzuk datozen asteotan joango dira. Hungaria, Txekia, Beljika edo Argentina dira aurten dantza taldeek bisitatuko dituzten herriak. Katalunia aldera ere hainbat talde joango da 2006an.
Dokumentuaren akzioak
