Edukira salto egin | Salto egin nabigazioara

Tresna pertsonalak
Hemen zaude: Hasiera Albisteak Euskaldunak eta Dantza 2. dantzaldia

Dokumentuaren akzioak

Euskaldunak eta Dantza 2. dantzaldia

Iratxe de Arantzibia
2007/06/06 12:36
2006an sortutako Asociacion Bilbao Ballet Elkarteak (ABBE) atzerrian dabiltzan euskal dantzariekin duen konpromisoa berretsi nahi izan du eta "Euskaldunak eta Dantza 2. dantzaldia" antolatu du. Bilboko Euskalduna Jauregiaren entzutegiak Igor Yebrak (Bordeleko Operako dantzari izarrak) zuzendutako ikuskizunaren bi emanaldiak hartuko ditu. Ekainaren 11an eta 12an 20:30etan da hitzordua.

Euskaldunak eta Dantza 2. dantzaldiaren izen propioak hauek dira: Alicia Amatriain (Stuttgart-eko Baleteko dantzari printzipala), Iker Murillo (Zurich-eko Balet-eko bakarlaria), Itziar Mendizabal (Leipzig-eko baletaren bakarlaria). Dantzari horiek bere bikoteekin batera (Jason Reilly, Galina Mihaylova, Jean-Sebastien Colau) pieza bana eskainiko dute emanaldian. Horrez gain, Teresa González Ardanaz arituko da Beti Jai Alai taldearekin batera eta Gontzal Mendibil-en musikarekin “Ama lurra” izeneko pieza estreinatuko du. Gainera, Sara Etxebarri, 13 urteko dantzariak eta Dantzari Gazteen Bilbao 1. Sariaren irabazleak buleria bat dantzatuko du.

Emanaldia loratzeko ABBEk ahalegin handia egin du eta Bordeleko Operako Oksana Kucheruk eta Roman Mikhalev dantzariek bi pieza eskainiko dituzte, tartean “Sonatina”, Maurice Ravel musikariak egindako partituran oinarritutakoa.

Euskaldunak eta dantza gala hau iaz, 2006ko ekaianaren 12an eta 13an egin zen lehenengoari erreleboa hartzera dator. Ikuskizun aitzindari hartan besteak beste Igor Yebra, Asier Uriagarereka, Amaya Ugartetxe, Ander Zabala, Amancio Gonzalez, Veronica Villar, Isidro Zapatero, Adriana Bilbao eta Aukeran konpainia aritu ziren.

Euskaldunak eta dantza 2. emanaldirako sarrerak txarteldegian Internete bidz (BBK) salgai daude. Sarreren prezioak 10, 30 eta 50 Eurokoak dira.

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.