Dokumentuaren akzioak
Albisteak
Ordiziako santaneroen kofradiaren 500. urteurrena
Ordiziako santaneroen kofradiaren berri zaharrena 1509koa da. Beraz, aurten 500 urte bete ditu ezkonberrien kofradiak eta ohiko moduan ospatu dute, esku-dantza eginez Santa Ana egunean. Dantzaren historiaren berri ematen duen erakusketa bat eta garai bateko santaneroekin egindako soka-dantza ere antolatu dituzte.
Merce Cunningham dantzari eta koreografo handia hil da
Apirilean 90 urte bete zituen Merce Cunningham-ek. Gaur egungo dantzaren protagonista handienetakoak lanean jarraitzen zuen, bere esanetan astia falta baizitzaion egin nahi zituen gauza guztiak egiteko.
El Hierro irlako Amabirjinaren jaitsiera
Lau urtetik behin egiten dute El Hierro irla kanariarrean "La Bajada de la Virgen" izeneko jaia. Dehesako baselizatik atera eta irla guztia zeharkatu ondoren, Valverde izeneko herrian bukatzen dute erromesaldia. Aurten uztailaren 4ean egin dute. Amabirjinarekin batera dantzariak, musikariak, maiordomoak eta enparauak joan ohi dira. Festa benetan jendetsua izaten da.
AEBko euskaldunek bizi-irauteko egiten dute dantza
EHUn egindako tesi batek Renoko (Nevada, Estatu Batuak) Zazpiak Bat dantza-taldeko dantzari gazteen azterketa etnografikoa egin du. Azterketa horren bitartez, euskal komunitateek herrialde hartan egiten dituzten dantzek eta ekintzek zer funtzio betetzen duten kultura askoko gizarte estatubatuarrean gizarteratzeko prozesuan aztertu du ikertzaileak. AEBko euskaldunek giza talde bezala bizi-irauteko egiten dute dantza Clara Urdangarin ikerketaren egilearen arabera.
Seccion Femeninaren dantza-ekarpena
Gerra zibilaren ondoren, gizartea egituratu eta errejimenaren aldeko propaganda egiteko hasi ziren sortzen Espainian abesbatz eta dantza elkarteak, hasieran Seccion Femenina erakunde falangistaren menpe. Mugimendu horrek egindako folklorearen bideo sorta zabala jarri du Espainiako Kultura Ministerioak sarean. Hona euskal dantzei dagozkien bideoak.
Folklore Bizian Nazioarteko Jaialdia 09
Gaur emanen diote hasiera Galdakaon, Andra Mari dantza taldeak antolatzen duen Folklore Bizian nazioarteko jaialdiari. Uztailean Bizkaiko herri ezberdinetatik zehar antolatzen duten jaialdi honetan, munduko kultura ezberdinen folklore adierazpenak ezagutu eta gozatzeko aukera eskaini nahi dute. Aurten, Euskal Herriko taldeez gain, Costa Rica eta Bulgariako taldeak ariko dira. Esan bezala, gaur hasi eta uztailaren 26ra arte luzatuko da jaialdia.
Portugaleteko Nazioarteko 35. Folklore Jaialdia
Portugaleteko Elai-Alai kultur taldeak Nazioarteko 35. Folklore Jaialdia ospatuko du aurten Errusiatik, Hego-Afrikatik, Sri Lankatik, Txinatik, Perutik, Armeniatik eta Zelanda Berritik datozen taldeen parte-hartzearekin. 2009ko Nazioarteko Folklore Jaialdiak atzo zabaldu zituen ateak eta uztailaren 19tik 31ra ospatuko da Portugaleten eta Euskal Herriko beste zenbait herritan.
Ezpata-dantza, brokel-dantza eta aurreskua Añorgan
Uztailak 16, Karmen eguna izan zen atzo, jai egun handia Añorgan, eta Arkaitz dantza taldeak, mimoz zaintzen duen Gipuzkoako dantzen errepertorioa osorik eskaintzeko hautatutako eguna. Helduen soka-dantza ohikoa izaten da Karmen egunean Añorgan, baina atzo horrez gain Arkaitz-eko dantzariek ezpata-dantza eta brokel-dantza osorik eskaini zituzten. Emanaldia urtero errepikatzeko asmoa dute, Gipuzkoako dantzak Añorgan.
Musika eta dantza NABO-ren Udalekuan
AEBtako euskal amerikarren elkarteak, NABOk, Udaleku izeneko "Summer camp"-a antolatzen du urtero. Aurten Chinon, Kalifornia izan da, eta bertan izan dira AEBko bazter desberdinetatik hurbildutako 100 euskal-amerikar gazte, euskal kultura mamituz uda egonaldia egiten. Musika eta dantza osagai garrantzitsuak izaten dira Udalekun, eta dantza irakasle aritu den Jexux Larreak aurtengo ekinaldiaren berri eman digu.
Dantzan.com Twitter-en bitartez jarraitzeko aukera
Dantzan.com-eko informazioa jarraitzeko aukera ezberdinak azaldu dizkizuegu inoiz: webgunean sartuz, rss jarioen bitartez... Gaurkoan beste modu baten berri ematera gatoz. Twitter microbloging esaten zaion zerbitzu bat da. Testu sarrera txikien bitartez erabiltzaileak iruzkinak egin ditzake. Lotuta dituen lagunei helduko zaizkie berritasun horiek. Dantzan.com-eko informazioa gisa horretan ere jarrai dezakegu beraz, Twitter-en bitartez.
Dokumentuaren akzioak
