Musika eta dantza NABO-ren Udalekuan

AEBtako eta Euskal Herritik joandako irakasle talde batek hainbat jardueratan trebatzen dituzte gazteak Udalekun. Euskal Kultura eta Historiaren inguruko lezioak, Euskara eskolak, jokoak, musa, pilota, kantak, txistua, txalaparta, pandera eta dantza, besteak beste.

Aurten Araba eta Nafarroako dantzak landu dituzte batipat. Ekainaren 28tik uztailaren 11arte, bi astez, jo eta ke jardun dute. 102 gaztetxo, 10 urtetik 15-16 urtera bitartekoak. Guztiek ikasi duten Villabuenako "bailaos" makila-dantza, ertainek "Te vi", eta nagusienek Ekorako kate-dantza. Baita Iribaseko ingurutxoa, Imotzeko esku-dantza eta Iturengo soka-dantza ere.

Guzti hori lantzeko, "gazteak 12 taldetan banatuak zeuden eta egunean 5-6 orduko dantza saioak egiten nituen." kontatu digu Jexux Larreak.  Txistu irakaslea, Eneko Espino izan da, Lisa Corcostegui kulturakoa, Euskerakoak Gabi Mendia eta Miren Arozarena, eta Ane Albisu euskara eta Jantzi aditu bezala. "Lagun giro zoragarria izan degu, besteak beste Gasteizeko Zabaleta anaiak, trikitilariak gurekin izan diralako eta laguntzaile (musika zuzenean danean asko laguntzen du) apartak."

Udaleku 2009 bukaerako jaialdiaren kronika irakur daiteke Euskal Kazetan.