Edukira salto egin | Salto egin nabigazioara

Tresna pertsonalak
Hemen zaude: Hasiera › Komunitatea › Duguna - Iruñeko dantzariak › Txikiak Ezkaba mendiaren igoeran

Dokumentuaren akzioak

Txikiak Ezkaba mendiaren igoeran

Duguna - Iruñeko dantzariak Duguna - Iruñeko dantzariak
2007/11/13 09:22
Ez pentsa gure txikiak dantzari jantziarekin mendian gora jarri ditugunik. Kontua da, Anaitasuna kirol elkarteak 1994. urtetik antolatzen duela Ezkaba mendiaren igoera, urria partean. Aurtengoa XIV. edizioa zen.  Eta dagoeneko badira urtetxo batzuk, mendizaleak  Ezkabatik jasiten direlarik gure txikiek dantza egiten dutenak.

Aurten ere hala izan zen. 9etan atera ziren ia 2.000 mendizale udal plazatik, gure txistularien doinupean pausoa markatuz, Ezkaba mendiruntz. Txistulariak ere ez ziren mendi puntara igo (nahiago izan zuren gosari ederra egin).

Ordubata inguruan lokaletik irten eta mendizaleei ongi etorria emateko prestatu ziren gure neskatiko eta mutikoak. Eguraldi ederra zegoen eta ikusle dezente bildu zen udal plazara. 30 bat minutuko emanaldia egin zuten: Lesakako ezpata-dantza, Arku-dantza, Iruñeko jota, Iribasko ingurutxoa, Jaurrietako neska-dantza, Zuberoako makil-dantza, eta Luzaideko inauterietako dantzak plazaratu zituzten.

Leire Lezak eta Maitane Algarra-k ateratako argazki sorta, hemen.

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.