Lau emakume eta lau gizonezko San Faustotako dantzari-dantzan Durangon, lehen eta azken aldiz

Durango, urriak 13, San Fausto eguna. Neskak eta mutilak batera dantzan. Durangoko Kriskitin, Txoritxu Alai eta Tronperri dantza taldeek —Durangoko dantzariek—dantzari-dantza, gorulariena, domingiloa eta erregelak egiten dituzte San Fausto egunez udaletxeko plazan. 12:30etan artopilak banatu ostean ekiten diote urtero dantzari eta aurten ere ekin diote.

Platillu-soinua dantzari-dantzako sortan dantzatu dute berreskuratu zutenetik hamazazpigarrenez eta berriro ere entzun dira platillu soinuok Durangon. Dantzari-dantzan, platillu soinuan eta erregeletan aritu direnak dantzariak dira. Aurten zortzi dantzarietatik lau emakumezkoak izan dira lehen eta azken aldiz, aurrerantzean dantzariak soilik izango dira, neska ala mutil jaio diren begiratu gabe.