Dokumentuaren akzioak
Berastegin gurutzatu dira Tolosako bordoiak eta Iruñeko ezpatak
Duguna - Iruñeko dantzariak
Tolosa eta Iruñeko Udal txistulari eta dantzariak, emanaldia aitzin
Sanferminak bukatuta Tuterako festak arte deskantsua hartu ohi dugu. Aurten ezin izan dugu ordea.
Uztailaren 20an, Urmuga jaialdiaren baitan Gipuzkoa toponimoaren milurteurrena ospatzeko ekitaldi berezia antolatu dute Nafarroa Garaia eta Gipuzkoako mugan. Berez, Irumugarrietako maldetan egitea zen asmoa, baina bezperako euriek planak aldarazi dituzte eta Berastegira jaitsi dute plana.
Ekitaldi-kontzertuak izan du protokolo parte interesgarria. Bi probintzietako erakundeetako ordezkariez gain, Tolosako bordon-dantzariek eta Udal txistulariek parte hartu dute batetik, eta bestetik, Iruñeko Udal txistulariek, Udal gaiteroek eta guk. Bateko eta besteko dantzariek eskutan zeramatzaten ezpaten bitartez, zubi egiazko zein sinbolikoak eraikitzea izan da ekitaldiaren gogoa.
Hartara, ordezkaritza bakoitza herriko puntu batetik abiatu da alkate soinuaren doinura —Nafarrok Nafarroarako bidetik, Gipuzkoarrak Tolosaruntzko bidetik— eta koordinatu bagina bezala aldi berean heldu gara Berastegiko plazara. Han, probintzien arteko mugarena egiten duen hesi puska kendu dute plazaren erditik eta orduantxe abiatu ditugu korapiloak ehuntzeko ezpata-zubiak.
Zubien ondotik, ganbarak eraiki ditugu eta haien azpitik pasatuz, elkartu dira probintzia bietako erakundeetako ordezkariak, lurraldeen arteko besarkada irudikatuz.
Ekitaldia Tolosako San Juan zortzikoaren aldaera berezi batekin borobildua izan da. Tolosarrek eta iruindarrok parez pare dantzatu dugu, tarteka buruzagiek, tarteka ezpata-txiki eta banderilleroek, tarteka tropel osoak. Hiri bietako txistulariek, Et Incarnatus Orkestrak eta Iruñeko eta Donostiko Orfeoetako kantariek jarri diete doinua gure urratsei.
Ondotik, fandangoa ere dantzatu dugu eta bukatzeko Larrain-dantza jendetsua ere bai. Plazerra eta ohorea izan da Tolosako (eta Iruñeko) lagunekin emanaldia partekatzea. Ondokoa, geurean!
Dokumentuaren akzioak
Erantzun
Duguna - Iruñeko dantzariak
Iruñeko udalak 1949. urtean sortu zuen gure taldea, hiriko antzinako dantza usantzak gogoan, euskaldunon hiri buruzagiko zeremonialetan dantzan aritzeko. Sanson Galante eta Joanes Larraintzarkoaren oinordeko sentitzen dugu gure burua.
Duguna - Iruñeko dantzariak
Maiatzaren 2a karrika, 9 behea
31001 - Iruñea
Tfnoa: +34 657 33 29 44
duguna@duguna.eus
Jasotako azken erantzunak
- Kezka dantza taldea on Iñaki Dominguez Zilbeti joan zaigu
- Aurtzaka dantza taldea on Auzo bat dantzarako: Igartzako egunean aritu gara ezpata-dantzari
- Kezka dantza taldea on Aurtengo San Juan bezperako soka-dantza, Kezkari esker onez
- Aritz Ibañez Lusarreta on Odol berria San Blaseko soka-dantzan
- Oier Araolaza on Odol berria San Blaseko soka-dantzan
- Kezka dantza taldea on Aspaldiko partez, Maulen!
- Aritz Ibañez Lusarreta on Sagrario Aranburu Olasagarre zendu da
- Dantzan on Sagrario Aranburu Olasagarre zendu da
- Aritz Ibañez Lusarreta on Angel Etxaniz "Veneno" zendu da.
- Kezka dantza taldea on Angel Etxaniz "Veneno" zendu da.
