Hemen zaude: Hasiera Komunitatea Duguna - Iruñeko dantzariak Ttunttunero jardunaldien kronika

Dokumentuaren akzioak

Ttunttunero jardunaldien kronika

2011/04/26 11:55

Musika eta dantza dira txanpon beraren 2 aldeak. Horixe irakurri dugu Dantzan ikasi-ren ikastaro berrietako baten aurkezpenean. Eta hori bera azaldu ziguten, besteak-beste, apirilaren 9an Iruñean egindako Ttunttunero jardunaldietan.

Goizeko saioa, saio praktikoa izan zen, Sabin Bikandi-ren eskutik. Dantzaria-ren eta dantzarako musikariaren artean sortu beharreko elkar-ulertze esparru eta sistema komunaz aritu zitzaigun Sabin. Dantzarako erritmoak (danborrak) duen garrantziaz ohartuta, zenbait erritmo ariketa egin genituen: erredoble mota ezberdinak, biribilketa erritmoa, jota erritmoa... uste baino azkarrago joan zitzaigun goiza, ikasteko asko genuen setsazioarekin.





Bazkalostean Mikel Aranbururen txanda heldu zen. "Niebla y cristal: Una historia del txistu y de los txistularis" bere liburuan idatzitakoaren laburpen didaktikoa egin zigun bildutako 15 bat lagunoi. 3 zulotako eta danborraz lagunduriko txirularen sorkuntza data eta zergatia (dantzari laguntzeko), musika tresna horrek Euskal Herrian izandako garapena eta gora beherak, gaur egungo egoera... izan zituen hizpide Mikel-ek.

Interes handiagoa duenarentzat, hona hemen bere partehartzea.

El txistulari en el siglo XXI (Mikel Aranburu) from Duguna dantza taldea on Vimeo.

Sabin eta Mikel-i eskerrik beroenak!

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Duguna - Iruñeko dantzariak

Duguna - Iruñeko dantzariak

Iruñeko udalak 1949. urtean sortu zuen gure taldea, hiriko antzinako dantza usantzak gogoan, euskaldunon hiri buruzagiko zeremonialetan dantzan aritzeko. Sanson Galante eta Joanes Larraintzarkoaren oinordeko sentitzen dugu gure burua.

 

Duguna - Iruñeko dantzariak

Maiatzaren 2a karrika, 9 behea

31001 - Iruñea

Tfnoa: +34 657 33 29 44
duguna@duguna.eus