Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Duguna - Iruñeko dantzariak Sarrigurengo festetan dantzan

Dokumentuaren akzioak

Sarrigurengo festetan dantzan

Eguesibarko herri txiki bat zen Sarriguren garaian. Egun, Iruñea inguruan ohikoak diren logela-auzo erraldoia da. Baina poliki-poliki ari da bizi pixka bat hartzen, bertan bizi diren auzokide gazteen ekimenari esker. Esaterako festak ospatzen dituzte ekaina erdialdean eta iaz gure dantzaldia sartu zuten jaien egitarauean. Sarrigurenera ba!

Hego haize zakarrak eta aldizkako euri zaparradek, karpa hotz baten gerizpean dantzatzera behartu gintuzten. Emanaldia goiz samar zen gainera, 17:00etan edo -aintzat hartuz bazkaria izan zutela Sarrigurendarrek- eta jende gutxi bildu zen hasieran.

Otsagabiko dantzak eta Jaurrietako Axuri-beltza egin genituen hasteko:

DSCN4687

IMG_1576

Hainbat dantzari gaztetxondako debut gisa balio izan zuen emanaldiak. Zaraitzuko ibaxetik mendebaldera eginez, Baztan aldeko zenbait dantza egin genituen ondotik: Arizkungo sagar-dantza, Xerri-begi mutil-dantza eta Baztango zortzikoa:

IMG_1596

DSCN4719

Ekainaren 14a zen eta berehala gainean genuen San Juan bezpera eta San Juan bezperarekin soka-dantza. Beraz, memoria eta giharrak olioztatzen joateko San Juan bezperako soka-dantza ere erakutsi genien poliki-poliki - segur aski kanpoko euriaren eraginez- karpa betetzen ari ziren lagunei.

IMG_1653

IMG_1685

Emanaldia bukatzeko Zuberoako aitzindarien dantzetako batzuk ere eman genituen: Barrikada jaustea, Arribada, Ostalerrak, Gabota, Godalet-dantza eta fini.

IMG_1700

DSCN4753

Jende kopuru duhintxo bat bildua zenean karpan, amaitu genuen saioa. Heldu den udaberriko ere gogoz geratuko al ziren Sarrigurenen? Edozein gisaz, hilabete beteak genituen aurretik eta puskak bilduta etxera joan ginen atseden hartzera!

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.