Dokumentuaren akzioak
Sarrigurengo festetan dantzan
Duguna - Iruñeko dantzariak
Eguesibarko herri txiki bat zen Sarriguren garaian. Egun, Iruñea inguruan ohikoak diren logela-auzo erraldoia da. Baina poliki-poliki ari da bizi pixka bat hartzen, bertan bizi diren auzokide gazteen ekimenari esker. Esaterako festak ospatzen dituzte ekaina erdialdean eta iaz gure dantzaldia sartu zuten jaien egitarauean. Sarrigurenera ba!
Hego haize zakarrak eta aldizkako euri zaparradek, karpa hotz baten gerizpean dantzatzera behartu gintuzten. Emanaldia goiz samar zen gainera, 17:00etan edo -aintzat hartuz bazkaria izan zutela Sarrigurendarrek- eta jende gutxi bildu zen hasieran.
Otsagabiko dantzak eta Jaurrietako Axuri-beltza egin genituen hasteko:
Hainbat dantzari gaztetxondako debut gisa balio izan zuen emanaldiak. Zaraitzuko ibaxetik mendebaldera eginez, Baztan aldeko zenbait dantza egin genituen ondotik: Arizkungo sagar-dantza, Xerri-begi mutil-dantza eta Baztango zortzikoa:
Ekainaren 14a zen eta berehala gainean genuen San Juan bezpera eta San Juan bezperarekin soka-dantza. Beraz, memoria eta giharrak olioztatzen joateko San Juan bezperako soka-dantza ere erakutsi genien poliki-poliki - segur aski kanpoko euriaren eraginez- karpa betetzen ari ziren lagunei.
Emanaldia bukatzeko Zuberoako aitzindarien dantzetako batzuk ere eman genituen: Barrikada jaustea, Arribada, Ostalerrak, Gabota, Godalet-dantza eta fini.
Jende kopuru duhintxo bat bildua zenean karpan, amaitu genuen saioa. Heldu den udaberriko ere gogoz geratuko al ziren Sarrigurenen? Edozein gisaz, hilabete beteak genituen aurretik eta puskak bilduta etxera joan ginen atseden hartzera!
Dokumentuaren akzioak
Erantzun
Duguna - Iruñeko dantzariak
Iruñeko udalak 1949. urtean sortu zuen gure taldea, hiriko antzinako dantza usantzak gogoan, euskaldunon hiri buruzagiko zeremonialetan dantzan aritzeko. Sanson Galante eta Joanes Larraintzarkoaren oinordeko sentitzen dugu gure burua.
Duguna - Iruñeko dantzariak
Maiatzaren 2a karrika, 9 behea
31001 - Iruñea
Tfnoa: +34 657 33 29 44
duguna@duguna.eus
Jasotako azken erantzunak
- Aurtzaka dantza taldea on Auzo bat dantzarako: Igartzako egunean aritu gara ezpata-dantzari
- Kezka dantza taldea on Aurtengo San Juan bezperako soka-dantza, Kezkari esker onez
- Aritz Ibañez Lusarreta on Odol berria San Blaseko soka-dantzan
- Oier Araolaza on Odol berria San Blaseko soka-dantzan
- Kezka dantza taldea on Aspaldiko partez, Maulen!
- Aritz Ibañez Lusarreta on Sagrario Aranburu Olasagarre zendu da
- Dantzan on Sagrario Aranburu Olasagarre zendu da
- Aritz Ibañez Lusarreta on Angel Etxaniz "Veneno" zendu da.
- Kezka dantza taldea on Angel Etxaniz "Veneno" zendu da.
- Patxi Montero on Eta trokeo dantzak plazaratu genituen! 2017/09/05
