Sanfermin Aldapakoaren ezpata-dantzaren zortzigarrena, igandean

Heldu dira udaren azken hondarrak. Hasi dira hostoak gorritzen, haizea freskatzen, arratsak iluntzen... eta giro hori datorrelarik, hala ere, bihotza piztu egiten zaigu badatorrelako guretako egun handia. Handienetakoa behintzat.

Heldu den igandean, irailak 25 izanen dituenean, aterako dugu Iruñea zaharreko karriketara zortzigarren aldiz, Sanfermin Aldapakoaren ezpata-dantza. Ohiturazko gauzetan bezala, dena berdin, baina dena desberdin.

Hau izanen dugu programa:

• 11:30etan: Arrotxapeko zubian bandera-arbola eta partitzea
• 12:15etan: Prozesioa Aldapako elizatik
• 13:15etan: Ezpata-dantza udal plazan
• 14:00 Soka-dantza Aldapako elizaren atarian

Ez da urtero hala izaten baina aurten bai, gonbidatu berezia izanen dugu musikan. Mixel Etxekopar Gotaineko haize-epailea helduko zaigu Xibero aldetik, xirula poltsikoan, txistua ahoan eta ttun-ttuna besapean. Euskaldunon hiri buruzagiko jendeak aukera izanen du hartara, bortuko jotzeko manera dastatzeko. Esperimentoa ongi aterako dela ez dugu dudarik.

Gure taldeko Ainara Ibañez, Veronica Ferreira, Eiande Aranburu, Iñaki Sagardoi, Enneko Ganboa, Aitor Huarte, Beñat Lopez eta Migel Fagoaga txistulari eta atabalariekin batera ariko da dantzarien kriskitinak dantzarazteko lanean Etxekopar.

Dantzan aldiz honako 40 lagunak:

• Kapitain: Ainara Ranera, Itziar Perez, Marta Zugasti eta Akier Perkaz
• Zerbitzari lanetan: Saioa Seminario
• Banderari: Joseba Lorenzo
• Bobo: Itxaso Martinez eta Julen Fagoaga
• Ezpata-dantzari: Hasier Moreno, Iñigo Gartzia, Saioa Zurbano, Eder Gartzia, Katrin Zugasti, Maider Sada, Unai Martiartu, Marino Goñi, Leire Leza, Osel Molinet, Uxue Perez, Ainhoa Urmeneta, Irati Sorbet, Irene Abrego, Martxelo Sotes, Miguel Angel Goikoetxea, Auritz Gartzia, Amaia Irigoien, Maialen Etaio, Maialen Ziaurriz, Edurne Arana, Irantzu Irigoien, Maria Izal, Itziar Zaldua, Shanti Diaz, Aitor Arana, Edurne Irigoien, Mikel Tristan, Maitane Monente, Bea Martinez, Izaskun Arriaran, Kote Goñi.
• Buruzagi: Aritz Ibañez

Eguraldiak orain arte bezala errespeta gaitzan desiratuz, igandera arte!