Dokumentuaren akzioak
Badator Sanfermin Aldapakoaren ezpata-dantza
Duguna - Iruñeko dantzariak
Argazkia: Iñaki Zugasti
Heldu den igandean, irailak 24, Sanfermin Aldapakoaren ezpata-dantza aterako dugu Iruñeko alde zaharreko karriketara, beste behin. Azken urteotan usatu bezala, 40 dantzarik osatuko dute segizioa eta abantzu txistulari alarde oso bat izanen dugu gibeletik, musikan: 12 ttunttunero eta atabalari.
Azken urte hauetako ezpata-dantzekin alde handirik ez, ez badira dantzarien postu aldaketa zenbait eta gaztetxoren baten debuten bat edo beste. Azpimarratzekoenak hauexek:
Zerbitzari lanetan Bittori Elizalde ariko da. Ezpata-txiki, Marta Zugasti, Mikel Tristan, Itziar Perez eta Auritz Garzia. Bobo zirikatzailearena eginen dute Edurne Irigoien eta Julen Fagoagak. Debutariak hauek izanen dira: Pablo Epaltza, Iradi Agirre, Aroia Gartzia, Itziar Gonzalez eta Edurne Turrillas.
Aurten ere ttunttunero lagun koadrila eder bat gonbidatu dugu egun berezi hau gurekin partekatzera. Garaikoetxea-Aranburu sendiko lagunak: Jose, Marian, Patxi eta Mintxo. Gure taldearendako oso hurbileko familia. Haien gurasoak, Javier eta Sagrario, taldeko lehen dantzarietakoak izan ziren 1949ko inguru hartan. Gerora, gure gonbidatuak, erraldoiekin edo bestela, kalean txistua jotzeko gure maisu/maistrak ere izan direla esan dezakegu, beraz merezia dute gonbitea!
Igandeko programa, ohikoa:
- 11:30etan: Arrotxapeko zubian bandera-arbola eta partitzea.
- 12:15etan: Prozesioa Aldapako elizatik.
- 13:15etan: Ezpata-dantza udal plazan.
- 14:00 Soka-dantza Aldapako elizaren atarian.
Dokumentuaren akzioak
Erantzun
Duguna - Iruñeko dantzariak
Iruñeko udalak 1949. urtean sortu zuen gure taldea, hiriko antzinako dantza usantzak gogoan, euskaldunon hiri buruzagiko zeremonialetan dantzan aritzeko. Sanson Galante eta Joanes Larraintzarkoaren oinordeko sentitzen dugu gure burua.
Duguna - Iruñeko dantzariak
Maiatzaren 2a karrika, 9 behea
31001 - Iruñea
Tfnoa: +34 657 33 29 44
duguna@duguna.eus
Jasotako azken erantzunak
- Aurtzaka dantza taldea on Auzo bat dantzarako: Igartzako egunean aritu gara ezpata-dantzari
- Kezka dantza taldea on Aurtengo San Juan bezperako soka-dantza, Kezkari esker onez
- Aritz Ibañez Lusarreta on Odol berria San Blaseko soka-dantzan
- Oier Araolaza on Odol berria San Blaseko soka-dantzan
- Kezka dantza taldea on Aspaldiko partez, Maulen!
- Aritz Ibañez Lusarreta on Sagrario Aranburu Olasagarre zendu da
- Dantzan on Sagrario Aranburu Olasagarre zendu da
- Aritz Ibañez Lusarreta on Angel Etxaniz "Veneno" zendu da.
- Kezka dantza taldea on Angel Etxaniz "Veneno" zendu da.
- Patxi Montero on Eta trokeo dantzak plazaratu genituen! 2017/09/05
